Populära bibelverser från Genesis 9

Dela

Isor do arhõe menkeda, “Oka bondobos ape ar ape sãoren sanam jiwiyanko lạgitʼ iń dohoketʼ ona do piṛhike piṛhi hạbicʼ tahena. Ona bondobos reakʼ cinhạ lekate rimilre mitʼṭecʼ liṭạ akʼ iń dohoya. Ar noage dhạrti lạgitʼ ińakʼ cinhạ do hoyokʼa.

Rimilre tinre noa liṭạ akʼ ńelokʼa unre iń do ona ńelte dhạrtiren sanam jiwiyanko lạgitʼ ińakʼ noa bondobos reakʼ kathań disạya.”

Isor do manwa acʼlekageye sirjạu akadea; onate jãhãn manwa jodi jãhãeye khũne enḍekhan eṭakʼ armitʼ hoṛ do uni khũniạhi hoṛakʼ jiwiye hataotaea.

Isor do Noha ar uniren hoponkoe bhoratʼkoteye menkeda, “Ape do saṅgekʼ reakʼ daṛete ḍher idikʼpe ar dhạrti perejpe.

Jiwetʼ ar ạcur baṛae sanam jiwiyankoge aperen jomakʼko hoyokʼa. Ar jomakʼ lekate iń do laharege cetʼleka ape lạgitʼ aṛakʼ sakamkoń emlen onkage ńitokʼ hõ onakogeń ematʼpea

Ar dhạrtiren sanam janwarko, coṭren cẽṛẽko, leńokʼ ṭunḍạṅko ar jalapuriren hakoko do apeko botorapea. Noko do apeakʼ tiregeko jimạ ocoyena.

Ape do apeakʼ saṅgekʼ reakʼ daṛete ḍherokʼpe. Ar dhạrti reakʼ beṛhaete pasnaokʼpe ar saṅgekʼpe.”