Populära bibelverser från GENESIS 39

Dela

BAWIPA nih Josef cu a umpi i a caah thil kalning a tluang dih ko. A bawipa Izipt mipa inn ah cun a um.

Potifar nih cun a ngeihmi thil vialte cu Josef kut chungah khan a chiah dih ko i a ei awk rawl dah ti lo kha cu a dang zeihmanh a lungre aa theihmi a um lo. Josef cu mipumruaṭha midawh a si.

Josef cu thongtla dang vialte uktu ah khan a chiah i thonginn chung i an tuahmi thil vialte kha amah nih a zoh dih hna.

Josef cu a tlaihter hna i siangpahrang thongtla pawl an chiah hnanak hmun ah khan an chiah i cuka ah cun a um. Asinain BAWIPA nih khan Josef cu a umpi i a cungah zaangfahnak a ngei i cucaah thongbawi kha a lung a hmuh ngaingai.

Tlawmpal ah khin a bawipa nupi nih cun a duh i, “It u sih,” tiah a ti. Josef nih cun a duh lo i, “Hika ka um ruangah ka bawipa cu a inn chung thil kongah lungretheihnak zeihmanh ngei lo tein a um. A ngeihmi thil vialte kha keimah kut chungah a chiah dih. Hi inn chungah hin amah tlukin nawl ka ngei i a ka sianh lomi zeihmanh a um lo, a nupi nangmah dah ti lo cu. Cucaah cun cu bantuk thil ṭhalo cu zeitindah ka tuah khawh lai i Pathian cungah ka sual lai?” tiah a leh.

Asinain ni khat cu Josef kha a rian ṭuan awkah inn chungah khan a vung lut i cu lioah cun inn chungah khan ahohmanh an um lo; cucaah a angki leng khan a rak tlaih i, “Ka ihpi ko,” tiah a ti. Sihmanhsehlaw Josef nih cun a lektak i lengah a chuak i a angki leng cu a kut chungah cun a kaltak.