Populära bibelverser från EXODUS 7

Dela

BAWIPA nih khan Moses cu a thawh i, “Zohhmanh, nangmah cu Faro caah Pathian bantuk ah kan ser lai i na u Aaron nih na profet bantukin a sinah bia a chim lai.

Sihmanhsehlaw Faro cu a lung ka ṭhawnter lai i Izipt ram chungah hin khuaruahharmi thil tampi ka tuah lai nain na bia a ngai duh lai lo. Cu tikah ka ṭhawnnak cu Izipt ram ah khan ka langhter lai i Izipt mi kha fak piin dan ka tat hna lai; cun ka ralkapbu, Israel mi kha Izipt ram cun ka chuahpi hna lai.

Izipt mi nih cun an cung i ka kut ka hler tik le Israel mi kha an ram chungin ka chuahpi hna tikah, keimah cu BAWIPA ka si kha an hngalh lai,” a ti.

Cun Faro nih a mifim le camhthiam pawl kha a auh ve hna i annih zong nih cu bantuk cu an tuah khawh ve. An ṭhiangṭhunh kha an hlonh ve hna i rul ah an i cang ve. Sihmanhsehlaw Aaron ṭhiangṭhunh nih khan a dolh dih hna.

Cucaah BAWIPA chimmi cu, “Ka tuah laimi thil thawng hin BAWIPA ka si cu na hngalh lai,” ti hi a si. Zohhmanh, hi ṭhiangṭhunh hin tiva ti kha ka tuk lai i thisen ah a cang lai.

“Faro nih a rak in thawh hna i, ‘Nan tuah khawh taktak le tuah khawh taktak lo cu khuaruahharmi thil nan tuahmi in ta nan langhter,’ an ti hna ahcun, Moses nih Aaron kha, ‘Na ṭhiangṭhunh kha i lak law Faro hmaiah khan hlonh law rul ah canter,’ na ti lai,” tiah a ti hna. Moses le Aaron cu Faro sinah khan an va kal i BAWIPA nih a fial hna bang khan an va tuah. Aaron nih khan a ṭhiangṭhunh cu Faro hmaiah khan a hlonh i rul ah aa cang.