Populära bibelverser från ወንጌል ዘማቴዎስ 15

Dela

ወዘሰ ይወፅእ እምውስተ አፍ እምልብ ይወፅእ ወዝ ውእቱ ዘያረኵሶ ለሰብእ። እስመ እምውስተ ልብ ይወፅእ ኅሊና እኩይ ዘውእቱ ቀቲል ወዝሙት ስርቅ ስምዕ በሐሰት ወፅርፈት።

ከመ አኮ ዘይበውእ ውስተ አፍ ዘያረኵሶ ለሰብእ አላ ዘይወፅእ እምውስተ አፍ ውእቱ ያረኵሶ ለሰብእ።

«ዝ ሕዝብ በከናፍሪሆሙ ያከብሩኒ ወበልቦሙሰ ነዋኀ ይርኅቁ እምኔየ። ወከንቶ ያመልኩኒ እንዘ ይሜህሩ ትምህርተ ሥርዐታተ ሰብእ።»

ወእምዝ አውሥኣ እግዚእ ኢየሱስ ወይቤላ ኦ ብእሲቶ ዐቢይ ሃይማኖትኪ ይኩንኪ በከመ ተአመንኪ ወሐይወት ወለታ እምይእቲ ሰዓት።

ወቀሪባ ሰገደት ሎቱ እንዘ ትብል እግዚኦ ርድአኒ። ወአውሥኣ ወይቤላ ኢኮነ ሠናየ ነሢአ ኅብስተ ውሉድ ወውሂብ ለከለባት። ወትቤ እወ እግዚኦ ከለባትኒ ጓ ይበልዑ እምፍርፋራት ዘይወድቅ እማእደ አጋዕዝቲሆሙ።