Populära bibelverser från Jǒn 4

Dela

Osówo ányi Busun, ne banet ḿbé mbe ba-fâ ǎ kâng ba-man ba-kû ǎ efé ké busun ne ké ntûntû.

Nké nkéré mu o-bâ, ne oo/fyi mú bachíchí-banet ḿbé badafé Osówo ké ntûntû ba/chi ba-fé Bonchí eten ké busun ne ké ntûntû. Azong-banet nyí mbe ba-fâ ǎ něen nké Bonchí eten mu o-ryuu ng o/fu, bakû ǎ efé.

Nké nang yeě nké o/jwáp omu mú me n/chi n-kye ǎ, omu oo*ba/chi o-chî ǎ ejê*. Ké ebóng, omu mú me n/chi n-kye ǎ o/chi o-firi ǎ ké enyam-byiko wǎ kace ńké nke ka-byí i ké mbwo, ńké ka/chi ka-kye ǎ omu mú dyikpen ne dyikpen ńdyí ne banyá.

Jisos o-faa o/fu, â wo a/mû a-nyît ng ńkyí Osówo mu o-kyâ, ne dyizong-onet to ńdyí ndyi dyi-bí ng ǒ omu mú ojwábáng, a/mû a/chi a-bí ǎ, ne nyǐ o/mû o/chi o-kye ǒ omu mú dyikpen.

Jisos o-sét kámbé o/fu, byiryíng ejí byi-chi i ofê mú ndakye okabe mú nyǐ mú o/twóm mě, ne m-man to bǎmkpóngé ḿbé nyǐ o/kye mě o/fu, me nchi.

Onyinyi ámu o-raa o/fu, bonchí, wo chwǒm kyi*fí ǒ ńkyí adató omu*. Dyijwáng to dyi/ríbî. Wo a-ri ng omu mú dyikpen nyá.

Mú onyinyi ámu o-sét Jisos o/fu, me mu n-nyît ng n/fu, onet mú Osówo o/kúng ǎ butu, mú odabángê Karâs o/chi o-bâ. Ké nkéré mú nyǐ oo/bê, o/chi o-sét bě kángkáng byěm. Jisos o-faa o/fu, me nyǐ něen mú mu o-raa ng ne wo.

bâ n̂g ba-ba-ri onet mú o/sét mě kángkáng byěm ḿbyí nn/chi ké dyikpen ejí. Nang o-man n ekyú onet mú Osówo o/kúng ǎ butu o.