Populära bibelverser från Enkiterunoto 9

Dela

Nejo Enkai: “Ele ninye olmonekie lo sotua lo lning'o laitayu te rishata ai o ntae, o pooki toki naishu natii tenebo intae o too lporori oosuju. Atipika olokirrai lai atua enkatampoi naa keaku olmonekie lo sotua lai o enkop.

Ore etii olokirrai atua inkatampo, naa kaing'or ninye nadamu osotua lai lo lning'o ntarasi otii erishata Enkai o pooki toki naishu natii oriong enkop.”

Ore oloba anaa oloibukoo osarge lo ltung'ani, naa oltung'ani oibukoo osarge lenye, amu eitayio Enkai oltung'ani te nkitanyaanyukoto enye makewan.

Nemayian Enkai Noa o layiok lenyena, nejoki ninche: “Entoisho entubul entoponari, emputa enkop.

Ore pooki toki naishu nalo keaku endaa te intae, ore anaa enaishoo intae inkaitubulu naanyori, aishoo intae pooki toki.

Keureyu intae pooki ng'ues natii enkop o pooki motonyi o loing'ang'e o pooki toki naiserpepiari te nkop, o pooki sinkirri le naiposha, keaku inkaik inyi etii.

Ore intae, entubul entoponari entaa kumok emputa enkop.”