Populära bibelverser från Maka 14

Dela

nio vota eri kiolake, “A Mama ṉa, kiadama quli ti pui tapata ikio ṉokasi. Sole tala vatutika komia upotuqu ko kapa aṉa kasi azo. Melai pui ṉo erekou aṉako zario kikolani, melai vaeka tu ko ereilo ṉoko vatolo kikolani jari.”

Ni vota mata eri ma kiolake, “Meta vailomo ni vararaitomo nio meta pui me amaqeovou zolizolito kale. Ako meta meqai zaria ereko ko sidopu, melai meta lekuleku ama maba poso mela.”

Ni aṉata a bazuemela me, lai ma lai komia Uri ama Bazu Baṉara ko lekasa puo ko ko pikairiovoa koi komia peuru ma peuru kale, ta kekai bazubazutou komia rekoreko ko erekako uri ama iruruputo tu maba poso ta ke kerukeruekou ko,” kiolake vo Jisu.

ni vota eri kiolake sea zouke kasi, “Aṉata matu duki ada eva ni sipole ko vouvaelou koa duki. Tu meta koi ni pui me maroṉou melai me vararaitou aṉa sase,” kiolake.

Ni se kebeta vuata keru nio Jisu ta o koake ko bereti, ni mauru o ikake, ni o palamukake ni o katimake voko disaipeli madu, ni eri kiolake, “Komi ta ko mamola pueka aṉako tupu. Meta komo ni kumo.”

Ni vota mata o koake ko kapa vaini ko ju sama ni o kasekake voko uriavo Baṉara kasi, ni o katimake voko disaipeli madu, ni sea kiadamu ta ke nozuekake. Nio Jisu ta mata eri kiolake sekasi, “Komia kapa vaini sama ta ko mamola pueka aṉako dara, koko rereovo ama tu ko pakiemo kubo maba poso, ni komia aṉako vou kio ko vinaeko ama vo Baṉara ko leveleveo maba poso kasi.

Ni se kebeta ola keru Olive Ore sama Sopu kale nio Jisu ta eri kiolake sea disaipeli madu kasi, “Mea kiada mela ta meda soqoilou ni me vaelou aṉa, ako ko Tabu ama Riki kikovevo ta eri nio sole, ‘Vo Baṉara ta o vouvaevou vo sipi o kati vailani ni se sipi poso ta keta birebireilou.’

Zolaimo tu meda zio. Keatini, nei ta voineni voa maba obeta kueva vo o saiqorilani aṉa sole!” kiolake.

Ni Jisu ta eri va kiolake, “Pita, puliako kokorako zialo omuqama taku oduadu ipu kale, nio ṉota eri la kiṉovou zouke taku, ‘Aṉata pui avai nianiia vo,’ kiṉovou,” kiolake.