Populära bibelverser från Jan 7

Dela

A kou Liv Bondjé-a di, i ékri: “Sala ka krè an mo-a, rounlo larivyè dilo ka bay lavi, ké soti di so tchò.””

Dèrnyé jou lafèt Ajoupa-a, pli gran jou-a, Jézi dibout, é li rélé fò, li di: “Tousa ki swèf, vini jwenn mo, sala ka krè an mo-a, bwè.”

Jézi té ka palé di Lèspri Bondjé moun-yan ki ka krè an li-a té ké risouvwè. An sa tan-an, Lèspri Bondjé pa té kò vini ansou pésonn, piski Jézi pa té kò monté annan syèl-a ké laglwar.

Las jijé moun ansou sa zòt ka wè, mé jijé sélon sa ki jis.

Sa ka palé an so pròp non ka chaché glwar pou so pròp kò. Mé sa ka travay pou sala ki voyé li-a, a roun wonm ki vrè, li pa gen movèzté annan li.

Jézi réponn yé: “Li pa ganyen anyen sa mo ka di, ka vini di mo menm. Tousa mo ka di, mo risouvwè l di sa ki voyé mo-a.

Moun latè pa pouvé rayi zòt, mé yé rayi mo piski mo di yé, sa yé ka fè mové.