Populära bibelverser från OBUCHACHILO 9

Dela

Mana Nyasaye naboola ari, “Ndalaraho eshilolelo shiendakano eyekholanga ninenywe nende buli shindu eshili mwoyo eshia muli ninashio bulano nende khulwa tsinzibulo tsiosi etsiakhetse olunyuma. Endetsangaho olulindi lwanje mumaleesi, ne lulaba eshilolelo shieindakano yanje nende abeshialo.

Olulindi niluli mumaleesi, ndalalulolanga nindiitsulila indakano yeyinziayo, eyandakhola nende ebilonje biosi ebiokhushialo ebili mwoyo.”

Omundu yalongwa mwikondo lia Nyasaye, kho omundu yesi yesi naba niyera omundu washie, oundi yesi khandi yakhamwire.

Mana Nyasaye nalaamila Noa nende abaanabe abasiani tsikhabi naboola ari, “Mwibulane nimumeetekha mana mwitsule khushialo.

Mulaliitsanga buli shindu eshichendanga khandi eshili mwoyo. Khandi shinga olwa ndamuhelesia emimela okhuba eshiokhulia shienywe, nolwa emuhelesiiye ebindu biosi mbu, bibe ebiokhulia bienywe.

Buli isolo, linyonyi nende ebindu biosi ebimoolanga nende tsinyeni bilamuria inywe. Biosi bili hasi wobunyali bwenywe.

Nenyu inywe, emulaka mbu, mwibulane nimumeetekha muno khushialo.”