Populära bibelverser från YAWHAN 5

Dela

Nanhte hpe ngai gaja wa teng teng tsun made ga, Nye a ga madat nna ngai e shangun dat ai wa hpe kamsham ai wa gaw, htani htana asak lu la wu ai rai nna, tara dawdan ai kaw n du ai sha, si nga ai kaw nna hkrung nga ai de, kawt lai wa sai.

Yesu gaw dai wa kaleng taw nga ai hpe mu nna, shing rai machyi nga ai na la sai, chye wu ai majaw, dai wa hpe, “Nang mai mayu nni?” ngu nna san wu ai.

Chyum laika ni hta nna nanhte htani htana asak lu la na re ai, nga nna myit myit dai majaw, dai laika ni hta nanhte hkan sawk yu yu rai myit dai: dai laika ni nan nye a lam sakse hkam nga ai: dai re ai mi, asak hkrung ai lu la na matu nanhte gaw ngai hpang de n sa mayu myit dai.

Shaloi Yesu gaw, “Rawt u, na a hpun panep la hpai nna hkawm wa su,” ngu nna dai wa hpe tsun wu ai. Dai wa gaw shaloi jang mai mat ai rai nna, shi a hpun panep hpai let hkawm mat wa ai.

Dai re ai majaw Yesu gaw, “Ngai nanhte hpe gaja wa teng teng tsun made ga, Kasha gaw tinang a myit hte hpa mung n galaw lu ai; Kawa galaw ai lam mu mamu hpe sha hkan galaw lu ai: Kawa galaw ai lam shagu, Kasha mung hkan galaw lu na rai nga ai.