Populära bibelverser från Луԛа 6

Dela

Бьдьн, ԝәрʼа ԝе бе дайине, бь пиванәкә тʼьжи һʼәжанди, дәԝьсанди, сәри ԛучʼ ԝе бькьнә пʼеша ԝә. Чьмки бь чь чапе һун бьпивьн, бь ԝе жи ԝәрʼа ԝе бе пиване».

Мәрьве ԛәнщ, жь хьзна дьле хԝәйи ԛәнщ, ԛәнщийе дәртинә, ле мәрьве хьраб, жь хьзна дьле хԝәйи хьраб хьрабийе дәртинә. Чьмки дьле ԝи чьва тʼьжи йә зар жи әԝе дьбежә.

Ле һун дьжмьнед хԝә һʼьз бькьн, ԛәнщийе бькьн, дәйн бьдьн у һивийа вәгәрʼандьне нәминьн. Һәԛе ԝәйе гәләк бә у һуне бьбьнә зарʼед Йе Һәри Жорьн. Чьмки Әԝ бона бешекьра жи, нәрʼаста жи ԛәнщ ә.

Дьлрʼәʼм бьн, чаԝа Баве ԝә дьлрʼәʼм ә.

Лома нәкьн у ломәйе ль ԝә нәбьн, нәһәԛийе нәкьн, нәһәԛи ԝе ль ԝә нәбә, бьбахшиньн ԝәрʼа ԝе бе бахшандьне.

Ле Әз ԝәрʼа, йед кӧ дьбьһен дьбежьм, дьжмьнед хԝә һʼьз бькьн, хернәхԝазед хԝәрʼа ԛәнщийе бькьн. Ньфьрʼкьред хԝә бьмбарәк кьн у бона йед хьрабийе ԝә дькьн, дӧа бькьн.

У чаԝа һун дьхԝазьн мәрьв бона ԝә бькьн, һун жи ӧса ԝанрʼа бькьн.

Һәгәр йәк рʼуйе тә хә, йе дьн жи бьдә бәр у йе кӧ пʼоте тә жь тә бьстинә, кьрасе хԝә жи жерʼа бьһелә. Бьдә ԝи, кʼи жь тә дьхԝазә у кʼи жь тә дьстинә пашда нәхԝазә.

Дара ԛәнщ бәре хьраб надә, нә жи дара хьраб бәре ԛәнщ.

Һәр дар жь бәре хԝә те наскьрьне, кәсәк жь стьрийа һежира начьнә у нә жи жь дьрʼийе тьрийа.