Populära bibelverser från युहुन्‍ना 2

Dela

ये़सुरे़ काक्‍नुःल्‍ले़ तगिबा कन् निङ्‌वाॽ के़माबा मिक्‍सेःन्‍निन् गालिल थुम्‍मोबा काना पाङ्‌जुम्‍मो चोगु॥ हे़क्‍केलॽरिक् कुमिमिदिङ्‌ङिन् ओसेःन्‍दाङ् चोगुआङ् कुहुॽसाम्‍बाहाॽरे़ खुने़ॽ आल्‍लसाङ् चाॽरिक् नसान् मे़जोगुरो॥

हे़क्‍केःल्‍ले़ ये़सुरे़ नोगप् पिरु, “थामे़रा मे़न्‍छुमाए, थेआङ् कन् पाःन्‍निन् इङ्‌गाॽ के़मे़त्ताबाबे? थेआङ्‌भे़ल्‍ले़ इङ्‌गाॽ आयाःम्‍बक् चोःक्‍मा ये़म्‍मिन् आल्‍ल थारिक् मे़न्‍दाए वाॽरो॥”

ये़सुरे़ खे़न् से़वारोबाहाॽ मे़त्तुसि, “कन् कुःन्‍दाहाॽ च्‍वाःत्तिल्‍ले़ कुले़म् थिम्‍से़म्‍सिम्‍मे़ॽ॥” हे़क्‍क्‍याङ् खे़ङ्‌हाॽरे़आङ् कुःन्‍दाहाॽ कुले़ःम् कुले़ःम् मे़धिम्‍सुसिरो॥ ये़सुरे़ खे़ङ्‌हाॽ मे़त्तुसि, “कन् मिसाक् वेगे़म्‍मे़ॽआङ् मेःक्‍खिम्‍मो चामुक् थिमुक् ओगे़मे़प्‍पे़न् पिरे़म्‍मे़ॽओ,” हे़क्‍क्‍याङ् खे़ङ्‌हाॽरे़आङ् खुने़ॽ पाःत्तुबा कुइसिक् मे़जोगु॥

हे़क्‍केःल्‍ले़ ये़सुरे़ नोगप् पिरुसि, “पोङ्, कन् माङ्‌हिम्‍मिन् यःसे़म्‍मे़ॽ हे़क्‍क्‍याङ् इङ्‌गाॽ सुम्‌ये़न्‍नो याम्‍मो चोगुङ्॥”

ये़सुरे़ इदाःक्‍किल्‍ले़न् ते़ःम्‍भुक् चोगुआङ् खे़न् के़रे़क् मे़ल्‍लुक्‍हाॽ हे़क्‍क्‍याङ् पित्‍हाॽनु सोसोरिक् के़रे़क् मनाहाॽ माङ्‌हिम्‍लाम् लाःक्‍कात् नाःत्तुदेसुसि हे़क्‍क्‍याङ् याङ् के़ले़क्‍पाहाॽरे़ खुनिॽ याङ्‌इत्‍छिहाॽआङ् से़सु पिरुसिर खुनिॽ साप्‍ने़त्‍हाॽआङ् ले़क्‍खु पिरुसिरो॥ हे़क्‍क्‍याङ् ये़सुरे़ खे़न् पुत्तुःक्‍के के़सङ्‌बाहाॽ मे़त्तुसि, “कङ्‌हाॽ तेॽरे़म्‍सिम्‍मे़ॽआङ् लाःक्‍कात् लःन्‍दे़म् पेगे़म्‍मे़ॽ! खिनिॽ थेआङ् आम्‍बारे़ कुहिम्‍मिन् सङ्इङ्‌दे़न् के़जोगुम्‍बाबे?”