Populära bibelverser från ལོ་ཀུ 18

Dela

ཡང་སྐྱབས་མགོན་ཡེ་ཤུས་ཁོ་རྣམས་ལ་ཡིད་མི་ཕམ་པར་དུས་རྟག་ཏུ་གསོལ་བ་འདེབས་དགོས་པའི་ཆེད་དུ་དཔེ་ཞིག་གསུངས་པ་འདི་ལྟ༌སྟེ།

འོ་ན་དཀོན་མཆོག་གི་བདམས་པའི་མི་རྣམས་ཀྱིས་ཉིན་མཚན་མེད་པར་ཁོང་ལ་འོ་དོད་བོས་ན། ཁོང་གིས་འགོར་འགྱངས་མི་མཛད་པར་དེ་རྣམས་ལ་བདེན་ལུགས་གནང་བ་མ་ཡིན་ནམ། དེས་ན་བདག་གིས་ཁྱོད་རྣམས་ལ་སྨྲ་བར་བྱ༌སྟེ། དཀོན་མཆོག་གིས་མྱུར་བ་མྱུར་དུ་དེ་རྣམས་ལ་བདེན་ལུགས་གནང་བར་འགྱུར་རོ།། འོན་ཀྱང་མིའི་བུ་ཕེབས་ཡོང་བའི་དུས་སུ་འཇིག་རྟེན་འདི་རུ་ཁོང་ལ་དད་པའི་སྐྱེ་བོ་སུ་ཞིག་རྙེད་པར་འགྱུར་རམ་ཞེས་གསུངས༌སོ།།

ཡང་ཁོང་གིས་འདི་སྐད༌དུ། མིས་བསྒྲུབ་མི་ནུས་པའི་དོན་རྣམས་དཀོན་མཆོག་གིས་མཛད་ནུས་པ་ཡིན་ཞེས་གསུངས་སོ།།

ཁྲིམས་དཔོན་གྱིས་ཡུན་རིང་ཞིག་ལ་དོན་དེ་ཁས་མ་བླངས། ཕྱིས་སུ་ཁྲིམས་དཔོན་གྱི་སེམས༌ལ། བདག་ནི་དཀོན་མཆོག་ལ་མི་གུས་མི་འཇིགས་ཤིང་མི་རྣམས་ལའང་བརྩི་མཐོང་མི་བྱེད་པ་ཞིག་ཡིན༌མོད། འོན་ཀྱང་ཡུགས་མོ་འདིས་ང་ལ་སུན་སྣང་བསྐྱེད་པས་བདག་གིས་ཁོ་མོར་བདེན་ལུགས་སྟེར་བར་བྱའོ།། དེ་ལྟར་མིན་ཚེ་ཁོ་མོ་རྒྱུན་དུ་ཡོང་ནས་ང་རང་འུ་ཐུག་པར་བྱེད་སྙམ་པའོ།།

བདག་གིས་ཁྱོད་རྣམས་ལ་བདེན་པར་སྨྲ༌སྟེ། མི་སུས་ཀྱང་དཀོན་མཆོག་གི་རྒྱལ་སྲིད་ནི་བྱིས་པའི་ཚུལ་གྱིས་དང་དུ་མ་བླངས༌ན། མི་དེ་ཅིས་ཀྱང་རྒྱལ་སྲིད་དེར་ཞུགས་མི་ནུས་ཞེས་གསུངས༌སོ།།

འོན་ཀྱང་སྐྱབས་མགོན་ཡེ་ཤུས་དེ་རྣམས་ཚུར་བོས་ཏེ་འདི་སྐད༌དུ། དཀོན་མཆོག་གི་རྒྱལ་སྲིད་ནི་དེ་ལྟ་བུ་རྣམས་ཀྱི་ཡིན༌པས། བྱིས་པ་རྣམས་མ་འགོག་པར་བདག་གི་དྲུང་ལ་ཡོང་དུ༌ཆུག

སྐྱབས་མགོན་ཡེ་ཤུས་འདི་སྐད༌དུ། ཁྱོད་ཀྱི་མིག་གིས་མཐོང་ཐུབ་པར་གྱུར༌ཅིག ཁྱོད་ཀྱི་དད་པས་ཁྱོད་རང་བསྐྱབས་པ་ཡིན་ཞེས་གསུངས་པ༌དང༌།

སྐྱབས་མགོན་ཡེ་ཤུས་འདི་སྐད༌དུ། ཁྱོད་ཀྱིས་ཅིའི་ཕྱིར་བདག་ལ་བཟང་པོ་ཟེར༌རམ། དཀོན་མཆོག་ཁོ་ན་ལས་གཞན་བཟང་པོ་གཅིག་ཀྱང་མེད།