Populära bibelverser från INṬANNA 9

Dela

Chun, Pathien bawkin, “Hi hi kei le nangni le in kuoma thilsiem hringna nei tinrêng umhai kâra, suon tâwp loa um peihai ta dingin, ka thuthlung inchikna chu a nih. Sûmah ka sumrisâng kân zâmtir a, chu chu kei le hnuoi inkâra thuthlung inchikna ding nîng a tih.

Chun, sumrisâng chu sûmah inzâm hlak a ta; chuongchun, Pathien le hnuoi chunga tisa um po po laia thilsiem hringna nei tinrêng inkârah kumkhaw thuthlung um chu ka hriet zing theina dingin en hlak ka tih,” a ta.

Tukhawm mihriem thisen in- suotu chu mihriem vêkin ama thisen chu an insuo ve ding a nih: Pathienin ama angpuiin mihriem a siem sih a.

Chun, Pathienin Noa le a naupasalhai chu mal a sâwm a, an kuomah, “Chi tamtak inthlain hung pung unla, hnuoi hi hluo sip ro.

Thilhring chângthei tinrênghai chu in ta dingin fâk ding nîng an ta; thlai hring ka pêk ang cheu khan iengkim ka pêk vawng cheu.

Nangni ṭîna le pawisakna hnuoia sa tinrêng le chunglêng vate tinrêngin nei an ta; chuonghai le hnuoia bawkinvâka lâwn po po le, tuisuorieta nga po pohai chu, in kuta pêk an ni vawng tah.

Chun, nangni chu chi tamtak inthlain hung pung ro; hnuoia hin nau tamtak nei unla, a chunga hin hung pung ro,” a ta.