Populära bibelverser från Genese 9

Dela

Kua tuatua maira oki te Atua, Teia te akairo o te koreromotu taku e tuku nei ei akairo noku e no kotou, e te au mea ora katoa ki ko na kia kotou na, no te au uki katoa e a muri ua atu. Ko taku anuanua i roto i te tumurangi ra, taku ïa e akono nei, ei akairo no te koreromotu naku, e to te ao katoa nei.

Kia anuanuaia oki ki roto i te tumurangi ra, ka akara ïa au, kia maara au i te koreromotu mutu kore na te Atua, e te au mea ora katoa o nga mea ravarai ki runga i te enua nei.

Ko te akamaringi i to te tangata nei toto, na te tangata katoa tona toto e akamaringi: i anga oki aia i te tangata ma to te Atua ra tu.

KUA akameitaki maira te Atua ia Noa e tana au tamariki; kua na ko maira kia ratou, Kia anau, e kia maata kotou, e akaki i te enua nei.

Te au mea ora katoa e aere nei, ei kai ïa na kotou; mei te au rakau mata katoa ra, kua oronga katoaia atu e au na kotou.

E ka tukuia te mataku ia kotou, e te ngarangara ia kotou, ki runga i te au puaka katoa o te enua nei, e ki runga i te au manu katoa o te reva, e ki runga i te au mea katoa e totoro aere ua ki rungao i te enua, e ki runga i te au ika katoa o te tai; tei to kotou rima anake ïa.

Ko kotou ra, kia anau, e kia maata roa; kia manganui to kotou uanga ki runga i te enua, e kia maata roa kotou i reira.