Populära bibelverser från LUKA 17

Dela

Ak koleenji ineendet, Ng'eet, si iwe: kagosaabin kayaneng'ung'.”

Ak ngo chalwogenjin konyil tisap eng' peetuut agenge, ak ngo week ole imi konyil tisap koleen, Kaasigu; inyochi kaat.”

Ak kingo keer age eng' icheek kole kagosap, koweek, kolasunonu Kamuktaindet eng' kutit ne oo; ak ki ibutyi keelyekyik koweekyi kongoi; ak ki Samarindet chiichooto.

Oriipkei: ngo chiliilun ne otupche, iger kong'; ak ngo sik, inyochi kaat.

Ak ki wol Jeso kole, “Kama kitiliil taman? Ago mi ano chugai sogoolu?

Ak ki le Kiptaiyat, Ndotinye kayaneet ne uu keswootap karadali, ko ye omwachi mogoywoni, oleenji, Kitutin, ak keminin eng' araraita; kogasook iit.

Age tugul ne cheeng'ei kosar saboondanyi kobeeti: ak age tugul ne ibeeti saboondanyi koriibei.

Ki leenji kasubikyik anyun, “Pwoonei kanagutik matiny: ago pwo! Eng' chiichooto punu! Kita kaigai eng' ineendet kirooch kaatinnyi koitap pai ne oo ak kewiirchi araraita, kosiir ye inachi age eng' chu mengech.

Ak ko uu ole ki piitunda eng' peetuusyegap Noah, ko tuun uu nooto eng' peetuusyegap Weeriitap chii. Ki amisyei, kieisei, kiitunisyei, ak ki igoitoi kitun, agoi peetuut ne ki wo Noah moinget oriit, ak ki nyo maraneet, ak kobar tugul.