Populära bibelverser från SAN MARCOS 12

Dela

To bairo cʉ̃ ca-ĩiro oco bairo cʉ̃ ca-ĩiñupʉ Jesú: —Ape wame rotirique netoro ca-ani majuurije oco bairo ĩrique ãa: “Israel maja, apiya. Mani Ʉpaʉ Dio jicãʉna ãmi mani Ʉpaʉ. Apeĩ maami. To bairi mani Ʉpaʉ Diore nʉcʉbʉgoya. Seeto cʉ̃ maiña. Mʉja yeri mena, mʉja ca-tʉgooñarije mena, mʉja ca-tʉgooña ocabʉtirije mena, nipetirije mʉja ca-tʉgooña majiro cõo, mʉja Ʉpaʉ Diore cʉ̃ mai nʉcʉbʉgoya.” To cõona ãa ca-ani majuuri wame. Ti wame bero macá wame tiere bairobʉjana ãa tie quena. Oco bairo ãa: “Mʉja majuuna mʉja ca-mairore bairona aperã quenare na maiña.” Apeye tie netoro ca-anie maa, ca-ĩiñupʉ Jesú.

To bairo cõ cá-áto tʉjʉʉ cʉ̃ buerãre pijori oco bairo na ca-ĩiñupʉ Jesú: —Cariape mʉjaare yʉ ĩi. Atio ca-wapearico ca-bopacoo maca Dio cʉ̃ ca-tʉjʉro aperã nipetirã na netoro joomo. Na maca pairo ca-cʉgorã aniri nare ca-rʉjarijere jooma. Cõ maca, “Ca-bopacoo yʉ ãa,” ĩi tʉgooñaquẽcona nipetiro cõ ca-cʉgobatajeacãre joomo. Cõ ca-ʉga catíboriqueacãre joo peocõamo, ca-ĩiñupʉ Jesú.

Jesú Dio wiipʉ Jerusalén macá wiipʉ ãcʉ̃ camaja na ca-niyeru jãanucuri pata tʉ ca-ruiyupʉ. Dio wii na ca-quenoope wapare na ca-jãari pata ca-añupe. Camaja ti patapʉ na ca-niyeru jãaro ca-tʉjʉcõa ruiyupʉ. Aperã pairo ca-niyeru cʉgorã ti patapʉre pairo ca-jãañuparã. To bairo na cá-áti ani paʉna jicão ca-wapearico ca-bopacoo ca-ejayupo. Cõ quena pʉga cui niyeru cuiriacã ca-wapa mániacãre ti patapʉ ca-jãañupo.

Diore mani ca-mai nʉcʉbʉgorije, mani yeri mena, mani ca-tʉgooñarije mena, mani ca-tʉgooña ocabʉtirique mena mani ca-mairije ape wame netoro ca-ani majuurije ãa. To bairi mani majuuna mani ca-mairore bairona aperãre mani ca-mairije caroa ãa. Waibʉcʉrã joe buje mʉgorique netoro ca-ani majuurije ãa Diore mani ca-mairije, aperãre mani ca-mairije maca, Jesúre cʉ̃ ca-ĩiñupʉ.

To bairo na ca-ĩiro: —Baiyupa ʉpaʉ Roma macacʉre cʉ̃ jooya cʉ̃ ye ca-anipere. Dio ye quenare mʉjaare cʉ̃ ca-jenirijere cʉ̃ jooya, na ca-ĩiñupʉ Jesú. To bairo na cʉ̃ ca-ĩi yʉʉro apirã ca-api acʉacoajuparã.