Lun Bawang for Malaysia; 1982 MAS - Non-Drama (NT)

Lun Bawang for Malaysia; 1982 MAS - Drama (NT)

<div class="version vid3072 iso6393lnd" data-vid="3072" data-iso6393="lnd">
 <div class="book bkJHN">
 <div class="chapter ch15" data-usfm="JHN.15">
 <div class="label">15</div><div class="s">Y&#233;sus Ineh Lawa Anggur Luk Matu</div><div class="p"> 1&#8220;Ui ini Lawa Anggur luk matu, idi TamanKu, Ieh ineh luk ngasa' neneh. 2Anid-anid angat luk bang Negku luk na kebua' miak tetuinNeh; idi anid-anid angat luk kebua' ruenNeh ngal&#233;t pad bua'neh meluun ula'. 3Muyuh ini kali' rungen mal&#233;t ngaceku bala luk bilaKu nemuyuh. 4Do' muyuh lutep bang Negku, idi Ui pana' bang nemuyuh. Mepad kudeng angat na miak kebua' dengan lalud bururneh sebuleng, kudeng na lutep bang lawa anggur, kudeng ineh teh muyuh pana' na miak kebua' kudeng muyuh na lutep bang Negku.</div><div class="p"> 5&#8220;Ui ini Lawa Anggur, idi muyuh angat-angatneh. Kudeng id&#233;-id&#233; luk lutep bang Negku, idi Ui pana' bang neneh, ieh miak kebua' mula'; ngaceku kudeng Ui na ngedengan nemuyuh, muyuh na miak nganau' anun-anun. 6Kudeng id&#233;-id&#233; luk na lutep bang Negku, ieh miak talan mepad kudeng angat ineh, idi mangun tekering. Muci lemulun miak ngamung angat-angat ineh idi ideh miak talan bang apui, idi sabpen. 7Kudeng muyuh lutep bang Negku, idi balaKu lutep bang nemuyuh, do' mutuh anun-anun luk pian muyuh, idi ineh luk miak mangun kuan muyuh. 8Bang amung ini rayeh TamanKu uen ngegala', ieh ineh kudeng muyuh kebua' mula', idi muyuh miak mangun ku anak-anak sekola'Ku. 9Mepad kudeng Taman pangeh mawa Negku, kudeng ineh teh Ui pangeh mawa nemuyuh. Do' muyuh lutep bang awaKu ineh. 10Kudeng muyuh maya' ukum-ukumKu, kali' rungen muyuh miak lutep bang awaKu, mepad kudeng Ui pangeh nemaya' ukum-ukum TamanKu, idi nelutep bang awaNeh.</div><div class="p"> 11&#8220;Idi Ui pangeh nemala amung ini kuan muyuh, pad awangKu tudo bang nemuyuh, idi awang muyuh pana' meriput peh. 12#Yah 13.34; 15.17; 1 Yah 3.23; 2 Yah 5 Ini ukumKu, ieh ineh do' muyuh mawa seburur inan seburur mepad kudeng Ui pangeh mawa nemuyuh. 13Na luk idi seburur pana' luk inan awa luk meluun rayeh ratnan ini, ieh ineh pad ieh mar&#233; ulunneh ngaceku amung-amung luk rurumneh. 14Muyuh ini lun rurumKu kudeng muyuh nganau' anun-anun luk dukenKu nemuyuh. 15Na Ui neten nemuyuh demulun teh, ngaceku seburur demulun na kali' luk ruen tuanneh; iamo' Ui pangeh neneten nemuyuh luk rurumKu, ngaceku amung-amung luk Ui neninger ratnan TamanKu, ineh teh luk bida'Ku nemuyuh. 16Baken muyuh luk nemili' Negku, iamo' Ui ini luk nemili' nemuyuh idi nengeletep nemuyuh, pad muyuh am&#233;' ngeruat mula' bua', idi pad bua' muyuh ineh meruked peh. Idi anun-anun luk pituen muyuh ratnan Taman bag ngadanKu, Ieh miak mar&#233; kuan muyuh. 17Ini luk dukenKu nemuyuh, pad muyuh mawa seburur inan seburur.</div><div class="s">Gateh Tana' Ini</div><div class="p"> 18&#8220;Kudeng uang tana' ini megateh nemuyuh, ngeraw&#233;, idi ieh pangeh megateh Negku atun rat nemuyuh. 19Kudeng muyuh ratnan tana' ini, kali' rungen tana' ini miak mawa nemuyuh mepad kudeng pupuneh sebuleng. Iamo' muyuh baken ratnan tana' ini, ngaceku Ui pangeh nemili' nemuyuh ratnan tana' ini. Ini punneh tana' ini megateh nemuyuh. 20#Mat 10.24; Luk 6.40; Yah 13.16 Do' muyuh ngeraw&#233; bala luk bilaKu nemuyuh, &#8216;Seburur demulun na meluun rayeh ratnan tuanneh.&#8217; Kudeng ideh nengedereh Negku, kali' rungen ideh ngedereh nemuyuh teh. Kudeng ideh nemaya' balaKu, idi bala muyuh pana' miak b&#233;ndeh. 21Iamo amung-amung ini miak ruendeh kuan muyuh ngaceku ngadanKu, ngaceku ideh na miti Neneh luk nengecuk Negku. 22Kudeng Ui na nacing pebala nedeh, idi na ideh nmesala', iamo' nekini ideh na miak sumaad ratnan sala'deh. 23Id&#233;-id&#233; luk megateh Nekgu, ieh megateh inan TamanKu teh. 24Kudeng Ui na nenganau' tuda'-tuda' kekamen luk nateh inau' lun baken arangdeh, idi na ide ideh mesala' iamo' nekini ideh pangeh nenier idi megateh Negku idi inan Taman teh. 25#Nani 35.19; 69.4 Iamo' amung ini pangeh mangun kudeng ini, pad ngacing bala luk inayud bang Ukumdeh, &#8216;Idi ideh pangeh megateh Negku dengan na punneh.&#8217;</div><div class="p"> 26&#8220;Iamo' Lun Ngedengan ineh miak macing, ieh ineh Roh luk matu luk macing ratnan Taman. Ui ngecuk Neneh am&#233;' nemuyuh ratnan Taman ineh, idi Ieh miak mar&#233; kali' ratnan Ui. 27Muyuh pana' miak mangun ku lun nekali' Negku, ngaceku muyuh tudo denganKu rat pun-pun.</div>
 </div>
 </div>
</div>

BALA LUK DO' Lun Bawang Bible © The Bible Society of Malaysia 1982, Second Edition 1998.

“Ui ini Lawa Anggur luk matu, idi TamanKu, Ieh ineh luk ngasa' neneh. Anid-anid angat luk bang Negku luk na kebua' miak tetuinNeh; idi anid-anid angat luk kebua' ruenNeh ngalét pad bua'neh meluun ula'. Muyuh ini kali' rungen malét ngaceku bala luk bilaKu nemuyuh. Do' muyuh lutep bang Negku, idi Ui pana' bang nemuyuh. Mepad kudeng angat na miak kebua' dengan lalud bururneh sebuleng, kudeng na lutep bang lawa anggur, kudeng ineh teh muyuh pana' na miak kebua' kudeng muyuh na lutep bang Negku.
“Ui ini Lawa Anggur, idi muyuh angat-angatneh. Kudeng idé-idé luk lutep bang Negku, idi Ui pana' bang neneh, ieh miak kebua' mula'; ngaceku kudeng Ui na ngedengan nemuyuh, muyuh na miak nganau' anun-anun. Kudeng idé-idé luk na lutep bang Negku, ieh miak talan mepad kudeng angat ineh, idi mangun tekering. Muci lemulun miak ngamung angat-angat ineh idi ideh miak talan bang apui, idi sabpen. Kudeng muyuh lutep bang Negku, idi balaKu lutep bang nemuyuh, do' mutuh anun-anun luk pian muyuh, idi ineh luk miak mangun kuan muyuh. Bang amung ini rayeh TamanKu uen ngegala', ieh ineh kudeng muyuh kebua' mula', idi muyuh miak mangun ku anak-anak sekola'Ku. Mepad kudeng Taman pangeh mawa Negku, kudeng ineh teh Ui pangeh mawa nemuyuh. Do' muyuh lutep bang awaKu ineh. Kudeng muyuh maya' ukum-ukumKu, kali' rungen muyuh miak lutep bang awaKu, mepad kudeng Ui pangeh nemaya' ukum-ukum TamanKu, idi nelutep bang awaNeh.
“Idi Ui pangeh nemala amung ini kuan muyuh, pad awangKu tudo bang nemuyuh, idi awang muyuh pana' meriput peh. Ini ukumKu, ieh ineh do' muyuh mawa seburur inan seburur mepad kudeng Ui pangeh mawa nemuyuh. Na luk idi seburur pana' luk inan awa luk meluun rayeh ratnan ini, ieh ineh pad ieh maré ulunneh ngaceku amung-amung luk rurumneh. Muyuh ini lun rurumKu kudeng muyuh nganau' anun-anun luk dukenKu nemuyuh. Na Ui neten nemuyuh demulun teh, ngaceku seburur demulun na kali' luk ruen tuanneh; iamo' Ui pangeh neneten nemuyuh luk rurumKu, ngaceku amung-amung luk Ui neninger ratnan TamanKu, ineh teh luk bida'Ku nemuyuh. Baken muyuh luk nemili' Negku, iamo' Ui ini luk nemili' nemuyuh idi nengeletep nemuyuh, pad muyuh amé' ngeruat mula' bua', idi pad bua' muyuh ineh meruked peh. Idi anun-anun luk pituen muyuh ratnan Taman bag ngadanKu, Ieh miak maré kuan muyuh. Ini luk dukenKu nemuyuh, pad muyuh mawa seburur inan seburur.

“Kudeng uang tana' ini megateh nemuyuh, ngerawé, idi ieh pangeh megateh Negku atun rat nemuyuh. Kudeng muyuh ratnan tana' ini, kali' rungen tana' ini miak mawa nemuyuh mepad kudeng pupuneh sebuleng. Iamo' muyuh baken ratnan tana' ini, ngaceku Ui pangeh nemili' nemuyuh ratnan tana' ini. Ini punneh tana' ini megateh nemuyuh. Do' muyuh ngerawé bala luk bilaKu nemuyuh, ‘Seburur demulun na meluun rayeh ratnan tuanneh.’ Kudeng ideh nengedereh Negku, kali' rungen ideh ngedereh nemuyuh teh. Kudeng ideh nemaya' balaKu, idi bala muyuh pana' miak béndeh. Iamo amung-amung ini miak ruendeh kuan muyuh ngaceku ngadanKu, ngaceku ideh na miti Neneh luk nengecuk Negku. Kudeng Ui na nacing pebala nedeh, idi na ideh nmesala', iamo' nekini ideh na miak sumaad ratnan sala'deh. Idé-idé luk megateh Nekgu, ieh megateh inan TamanKu teh. Kudeng Ui na nenganau' tuda'-tuda' kekamen luk nateh inau' lun baken arangdeh, idi na ide ideh mesala' iamo' nekini ideh pangeh nenier idi megateh Negku idi inan Taman teh. Iamo' amung ini pangeh mangun kudeng ini, pad ngacing bala luk inayud bang Ukumdeh, ‘Idi ideh pangeh megateh Negku dengan na punneh.’
“Iamo' Lun Ngedengan ineh miak macing, ieh ineh Roh luk matu luk macing ratnan Taman. Ui ngecuk Neneh amé' nemuyuh ratnan Taman ineh, idi Ieh miak maré kali' ratnan Ui. Muyuh pana' miak mangun ku lun nekali' Negku, ngaceku muyuh tudo denganKu rat pun-pun.

Lyssna på YAHYA 15