Yow Nkotulu
Nkotulu
Mu mikaanda myomina midzoonsolo mu Yesu, mukaanda wa Yowane wahele na myantwaari bunu myakaka (wa Matayi, wa Malako na wa Luka). Ha yulu mpasi na manyoongi bya Yesu (18–19), Yowane nde-kaka wudzoonsolo mu makweele ma ku Kana (2.1-12), na nyolulu dza Yesu bo na Nikodemo (3.1-21), na mukyeetu wa bari Samariya (4.1-12), na mubeeru miilu wa ku Betedzata (5.1-18), na muutu wabutuka na miisu myafwa (9.1-41)
Mu mbandukulu mukaanda (1.1-18), Yowane wusoongo Yesu, bunu Maampu ma bibvu ngo bibvu ma Nzaambi, mayisa ha butoto mu kifwaani kya muutu, mu kudzakala ha kakati dya baatu, kidiimbu kya bumwooyo, kya buungi na ngwanwa.
Nguri musamu mu mukaanda wuri mu bibari byoolo byatswiikama mu «kilookolo» kya Yesu: kilookolo kikyo kya lufwa lwaandi, na kya nzangusulu yaandi mu munkeembu (2.4; 12.23).
– Tekesele kilookolo kya Yesu (1.19–12.50): kibari kyatete kidzoonsolo mu bimbaangi byalaka mu Yesu: Yowane Mubotiki, Andere muyiki waandi, Filipo, Natanahele, muutu-muutu wadzoonso bunu buri nyukululu yaandi, mu bi bari ba bakulu mu Yesu. Tumi mukaanda wudzoonsolo mu mbwanukunu dza Yesu dza bitsuumbu-bitsuumbu, mu bimaangu nsaamu bimonoko bunu «bidiimbu» bi bayelemini kukwaata mbangukulu. Yowane wamana kibari kikyo mu kutambukisa kisalu kya Yesu, na wakufika nguri musamu wa Yesu (12.37-50).
– Kilookolo kya Yesu bu kyatubuka (13.1), Yesu wasisikila bayiki baandi ntumu dzamusundu, bu katiiriri nde ti bayiki baandi basaa salila ha mambisa maandi (kik. 13–16). Tumi lusaambulu lwaandi lwa kingaanga kya Nzaambi (kik. 17), kayirima mu kukoto mu lufwa na kuyekele bayiki ba kasiisa kuri Taayi. Mukaanda Yowane wadzoonso bunu mikaanda myakaka mu nkaangulu Yesu, nzeengulu mukanu wa lufwa kuri Yesu, mfwiilu yaandi ha yulu kuruwa, mwiinu mampeembe kuri nyutu Yesu yo pe (kik. 18–20). Yesu Kiristo wamonoko kuri Mariya wa ku Mangadala, tumi kuri bayiki, bvulu-bvulu kuri Toma. Kikabu kya 21 (nde wamonokono kuri bayiki nsaamu ku simu dya mubu wa Tiberya.) kikyo kibari bateeteke ha mambisa ma manunu ya mukaanda.
Manunu mukaanda wu (20.30-31), wuyaabisa mu nki bari batina nde; bamutina mu kuri ti mutaanga mukaanda kabakila ti Yesu ngo Mesya wu bataasiri mu ntaangu yankulu, Mwaana Nzaambi.
Trenutno izabrano:
Yow Nkotulu: MW2013
Istaknuto
Podijeli
Kopiraj
Želiš li da tvoje istaknuto bude sačuvano na svim tvojim uređajima? Kreiraj nalog ili se prijavi
Nouveau Testament Beembe © Bible Society of the Republic of Congo, 2013.