Matthaisioi Phrinzangpo 3
3
1Dare, dya, jaquniangnuk chhurshkyal tangkhan Yoannes yongse Yudayapi thangstongeang gochugen yang dyu zeren zes: 2Gyodluks bashik chiazerbana Rshnamuni rgyastridpo nyemor hlebsed! 3Chiazerbana Esayas khyenkhanis dyu zeren " Ashipi lampo rchose chhetaq bashik, khoe rgyalamun strangshik zere kustabkhan skadchik thangstongeang yod/zerchi de mungtuk baskhanpo/khorang in. 4Ni, Yoannes khorang rshngabongi bali goncha yodpin yang khoe skyedpaola koe skyeraqshik chingse yodpin, khoe zachaspo tsatipal nang jingi zbrangrtsi inmin.
5Dekana Yerusalempaun nang Yudayapaun jung nang Yordani (zuruni) khorpeka yodkhanun jung bingse khoe shitia yongs. 6Yang rangi nyespaunla in zeren Yordani ltsangspoeang khos khongunla chhurshkyal tangs. 7Amma Pharisyapaun nang Saddukpaun mangmo rangi chhurshkyalpoa yongmao thongmana, khos khongunla zes; Wahunik Zbruli phru-un! Yongcha yodkhan sprolangsikana shorshik zere khyentanga suikana jalta thobsuk ?
8De phya gyodluks na byormo yodkhan phalu-un khurshik! 9Yang Abraham ngachi atao in zere khyenti koqpeang masamshik, chiazerbana ngas khyentanga zered, di rdoauniangna Abrahama buthsaun ldanchukpa Ashipa-a khyuded. 10Amma dareang staqjiuni pataqika stare jaqse yod; dekana rgyala phalu mikhurkhan staqjiun jung chaded yang meang phanged. 11Mana ngares khyentanga gyodluksi chhurshkyalpo na tanged, amma ngi jukna skyodkhanpo nga basang khyudchan in, khuri kangrlam gonma nga byormoek men. Khores khyentanga Rtsangma Sems nang/me-eang zbagspa tsoḵẖs chhurshkyal tangnuk/. 12Khuri ongskhyempo Khoe laqpeang yod, yang khores rangi yulthyaqpo rgyala base zduk, yang rangi kroun-bangbeangnuk spungnuk, amma jabjibpo mishikhan meang straqtuk.
13Dekana Yeshu khorang Yoannesikana chhurshkyal lenma Galilyeangna Yordanika khoe shitia skyods. 14Amma Yoannesis Khoa mabachukpana jus Yeres nga-a-ang chhurshkyal tangchao thsathsa dukse yerang ngi shitia skyodeda ? 15Yeshu khoa tamlaniang mols : Darena bachugang; chiazerbana khadrang yodkhanun jung gangrgya chhachukchao ngantanga ba thsathsa yod. Dekana khos Khoa bachuksuk. 16Yang Yeshua chhurshkal thobsena dyana bang khurika chhui shitiana khrile skyods. Yang ltosang: Rshnamun khoa bes, yang Ashipi semszangpo qondilchik natsoḵẖs base babsen yang khoeka yongspao khoa thong. 17Yang misto, rshnamuniangna skadchik dyu molen bings: Kho nga mâ thade yodkhan ngi rchespa buthsa in.
Trenutno izabrano:
Matthaisioi Phrinzangpo 3: SOMA
Istaknuto
Podijeli
Kopiraj
Želiš li da tvoje istaknuto bude sačuvano na svim tvojim uređajima? Kreiraj nalog ili se prijavi
© Société Biblique de Genève
