यूहन्ना 15
15
येशू लेमुते अंगूर दोङबो ईन
1थेरूई लोईन येशूकी चेलातेबाला “ङा लेमुते अंगूर दोङबो ईन। थेमे आबाचेन दि दोङबो ताकान्ते ईन। 2थेकी अंगूर मोगोन्च्येते हाँगा गाङे ठेला क्युरग्यो। थेमे लेमु खाला गोन्च्येते हाँगातेबाचेन झन लेमु खाला गोन्स्यीत सिन कलमी खाला तेरग्यो। 3ङे ख्योकोनला लापाते बातकी खित्सादु ख्योकोन सेम लेमु गाल्गीन सिन्दा ओत। 4ख्योकोन ङात्ताङ डिक्लाराङ देत। थेमे ङाङ ख्योकोनताङ डिक्लाराङ देत्क्यो। दोङबोदुकी टाल्नामेकी हाँगालाकामा छ्याःङ अंगूर गोन्दा मुथुपा च्योकराङ खाला ङात्ताङ डिगीनराङ मादेत्सीन ख्योकोनगीङ खेराङगीकामा छ्याःङ खिता मुथुबो।
5अंगूर दोङबो ङा ईन। ख्योकोनचेन थे हाँगाओन ईन। ङात्ताङ डिक्लाराङ देत्कान्ते मित्ताङचेन ङाङ डिक्लाराङ देत्क्यो। थेमे अंगूर काल्बेई गोन्दाच्योक खाला होथोक्ते मिकीराङ लेमु लेमु कामकामा खिता थुप्क्यो। ङात्ताङ ठाल्ला ख्योकोनगी छ्याःङ कामोङ खिता मुथुबो। 6ङात्ताङ डिक्लाराङ मेदेत्कान्ते मिचेन दोङबोदुकी लाछे खाईन क्युराते हाँगा च्योक्ते ईन। लाछे खाईन क्युराते थोक्ते हाँगा काम्ग्यो। थेमे रूला मे नाङमा क्युरग्यो। थेमे थे थेरूराङ छिइओ। 7ख्योकोन ङात्ताङ डिगीनराङ देत्सीन थेमे ङे लापाते बात ङेन्गीन देत्सीन खेराङला जे नाङ सिरा सेम लाङगीदुक परमेश्वरला नाङ सि। थेकी ख्योकोनला दाक तेरग्यो। 8अंगूर काल्बेई गोन्दाच्योक खाला ख्योकोनगी लेमु लेमु कामकामा खानामेई ङे आबाताङ चुक छ्येज्यीक शक्ति ओता ईन्दाका सिन मिओनगी छ्या स्येक्यो। दोस्यिककामा मेन, ख्योकोनगी थोक लेमु खाबा थोङजीन ख्योकोन ङे चेला दुका सिन गाङेकी छ्या स्येक्यो।
9आबेकी ङाला ङिङज्ये खाबा ओता च्योकराङ खाईन ङे ख्योकोनला ङिङज्ये खाबा ओत। ङे ख्योकोनला ङिङज्ये खिनराङ देत्स्यीत सिन ख्योकोन ङात्ताङ डिक्लाराङ देत। 10ख्योकोनगी ङे खि सिन कोताते ङेन्सीन ङा ख्योकोनला ङिङज्ये खिन देत्क्यो। ङेङ आबेकी खि सिन कोताते ङेन्दा ओत। थोगी थेकी ङाला ङिङज्ये खिनराङ देत्क्यो। 11ख्योकोन ङा च्योकराङ छ्याःङ पीर मिक्किता खाला गा खिन देत्स्यीत। दोक खाला ख्योकोन जहिलेङ गा खिन देता थुप्स्यीत सिनराङ ङे ख्योकोनला दि बातओन साबाते ईन। 12ङा ख्योकोनला दोक खि सिन कोत्क्यो। च्यि सासीन ङे ख्योकोनला खाबा च्योकराङ खाला ख्योकोनगीङ खेराङ नाङ दोक्पोईकी ज्येनज्यीकला ङिङज्ये खि। 13दाक्पोन र्वाओन लाईदु दाक्पोन ज्यान तेरच्येते छेत ङिङज्ये ज्येनतोक छ्याःङ मेन। 14ख्योकोनगी ङे खि सिन कोताते ङेन्सीन ख्योकोन ङे र्वाओन ईन। 15थानामेकी ङा ख्योकोनला ङे काम खित्कान्ते मि सिन मिसिरो। च्यिला सासीन मालिकतेकी च्यि खिता चाल्ला दुका सिन थे काम खित्कान्ते मिकी छ्याःङ छ्या मेस्येओ। आबेकी ङाला छ्या स्ये च्युत्कीन बिन्दाते बात गाङे ङे ख्योकोनलाङ लाप्कीन बिन्दा ओत। थोगी थानी ङा ख्योकोनला ङे र्वाओनका ईन सिओ। 16ख्योकोनगी ङाला छाने खाबाते मेन। ख्योकोनगी लेमु लेमु काम खिता थुप्स्यीत थेमे ख्योकोनगी खाबाते दोक्ते काम नोमुङ खेरो मोन्डोस्यीत सिन ङेका ख्योकोनला छाने खाबाते ईन। ख्योकोनगी ङे खित ज्युता चाला च्योकराङ खानामेई ङे मिन लाकीन आबाताङ जे नाङ खासीनोङ थेकी ख्योकोनला तेरग्यो। 17ङा ख्योकोनला दोक खि सिन कोत्क्यो। च्यि सासीन ख्योकोनगी दोक्पोईकी ज्येनज्यीकला ङिङज्ये खि।
दि सा लुङबे मिओनगी दुक्पा तेरच्येते बात
18दि सा लुङबे मिओनगी ख्योकोनला मिगी थोङसार्मु खित्जीन ख्योकोनला थोक खिता भन्दा गोमाका थेबेकी ङाला मिगी थोङसार्मु खाबा ओतान सिन ठेम्बा खि। 19ख्योकोनोङ दि सा लुङबे मिराङ ईन्दा ईन्सीन थेबेकी ख्योकोनला खोपरोङ मिला च्योकराङ खाला ङिङज्ये खित्च्या ओतान। ख्योकोनला ङे थेबे नाङदुई छाने खाबाते ईन्देकी ख्योकोनचेन दि सा लुङबे मि मेन। थोगीराङ थेबेकी ख्योकोनला मिगी थोङसार्मु खिओ। 20‘सुइँदे काम खित्कान्ते मि मालिकते भन्दा छ्ये मेन,’ सिन ङे ख्योकोनला गोमाका साबाते बात ठेम्बा खि। च्यि सासीन ङाला च्योकराङ मिओनगी ख्योकोनलाङ खेदापानी खिओ। थेमे ङे साबाते ङेन्दा च्योकराङ मिओनगी ख्योकोनगी साबाते बादोङ ङेन्ग्यो। 21ङे मि ईन्देकीराङ थेबेकी ख्योकोनला खेदापानी खित्च्येते ईन। च्यिला सासीन ङाला दुरू तोङकान्तेला थेबेकी छ्याराङ मेस्येओ। 22ङा दुरू माबा ईन्सीनताङ थेबाला छ्याःङ मालापा ईन्सीन थेबेकी पाप खाबाते ईन सिन सिरा ओङच्या मेतान। थानी थेबेकी ङ्योकोनगी छ्याःङ पाप खाबा मेत सिन सिराराङ मेङेदो। 23ङाला मिगी थोङसार्मु खित्कान्ते मिकीचेन ङे आबालाङ थोकराङ खिओ। 24ङे थातासाक सुङगीङ खिता माथुपाते कामतेबा थेबे ङोन्लाराङ खाईन तेन्दाप। ङे थोक खाबाते छ्याःङ थोङा मेत्सीनचेन थेबेकी पाप खाबाते ईन सिन सिरा ओङच्या मेतान। तर थेबेकीनी ङे खाबाते काम गाङे थोङसीनोङ ङात्ताङ ङे आबा ङ्योकोन ङिकारला मिगी थोङसार्मु खिदुक। 25थेबेकी थोक खाबातेचेन परमेश्वरगी खोपरोङला बिन्दाते नियमला ‘छ्याःङ गल्तीराङ मेताला थेबेकी ङाला मिगी थोङसार्मु खासुङ,’ सिन टिबाते बात साबा च्योकराङ ओङाला ईन।#भजन ६९:४
26आबा ओत्सानेकी ङे ख्योकोन ओत्सामा तोङगो साबाते सल्लाह तेरकान्ते वानामेकी थेकी ख्योकोनला ङा सु ईन्दे, ङे च्यि खिते सिन लेमु खाला सिओ। थे आबे छ्य्वापेईराङ ओङगो। थेचेन परमेश्वर आत्मा ईन। थेकी ख्योकोनला सत्यते परमेश्वर छ्या स्ये ज्युत्क्यो। 27शुरूमेकीराङ ख्योकोन ङात्ताङ द्वामा देत्कीन ख्याम्गीन खाबाते मि ईन्देकी ख्योकोनगीङ ङा सु ईन्दे, ङे च्यि खिते सिन ज्येनला लोप्क्यो।
Trenutno izabrano:
यूहन्ना 15: JUL
Istaknuto
Podijeli
Kopiraj
Želiš li da tvoje istaknuto bude sačuvano na svim tvojim uređajima? Kreiraj nalog ili se prijavi
© 1992 Wycliffe Bible Translators Inc. All rights reserved.
