मर्कुस किताब नाल्पाका
किताब नाल्पाका
मर्कुस दोअ्का युहन्ना इसुको तेन्हे चात्यागेलाइता मुल चात्या सिमोन पत्रुसको भेर्पाको साघाइका हिघाखे। मर्कुस मरियमको चान रो बारनाबासको भागेना हिघाखे (साल्तेङ १२:१२; कलस्सि ४:१०)। पत्रुस मर्कुसहेङ काङको चान दोअ्का हि (१ पत्रुस ५:१३)। वा पावल साल्तेङ दिङगिल्काहेङ बुङ साघाइ घाखे (साल्तेङ १२:२५; कलस्सि ४:१०; २ तिमोथि ४:११)। मर्कुस ताइमिङ तेन्हे चात्यागेलाइता मान्थुलाउ बुङ वा इसुको ज्यानको बारेता सोझाङ पत्रुससो धिरतेङ इदोइ रेम्काबानाल वाको दोअ्कामाफिक लेखेहि।
हेन्जाङ बाइबल बिद्वानगेलाइको ठहर हि, मर्कुस रोम पुरता हितेङ इदोइ रेम्काबानाल लेखेहि। द्यालोङ इसुको रेम्काबानालता इदोइ रेम्काबानाल झाराङ खान्तेङ लाम्फा लेखेका हिघाहि। जेसापा मत्ति इदोइ रेम्काबानाल बिसेस पातेङ यहुदिगेलाइको भाअ्सिङ लेखेहि, एन्साङ मर्कुस रोमिगेलाइको भाअ्सिङ लेखेहि। द्यालोङ रेम्काबानालता मर्कुसको रेम्काबानाल झाराङखान्तेङ लाम्फा लेखेन्हाका हिघाहि। इदोइ रेम्काबानाल इ.सं. ५५-६५ को माझाता इसु सिकाको झान्डाइ एकुरिते बाअ्सारन्हुअ्सो लेखेका हिघाहि। मत्ति रो लुका बुङ इदोइ रेम्काबानालता लेखेन्हाका हेन्जाङ काथा ताताइको रेम्काबानालता गाभेका हिघाखे।
पोतोका बिसइ नामेसि
रेम्काबानालको सुरु १:१-१३
इसु गालिलता पाका काम १:१४-९:५०
गालिलसो यरुसलेमथिकापा १०:१-५२
यरुसलेमता न्हुअ् आथार ११:१-१५:४७
इसु सिकासो सिन्हुका १६:१-८
प्रभु सिन्हुकान्हुअ्सो देखाल पिका रो सादेलभारि हानेका १६:९-२०
Trenutno izabrano:
मर्कुस किताब नाल्पाका: DHIM
Istaknuto
Podijeli
Kopiraj
Želiš li da tvoje istaknuto bude sačuvano na svim tvojim uređajima? Kreiraj nalog ili se prijavi
© 2024 (Active), Wycliffe Bible Translators, Inc. All rights reserved.