Ehanita 14
14
Ettiyenio Imiji Ikonio
1Imiji Ikonio ojiŋani isi lihaji imojit ono Yudea ette ikyana jyo laati attati eluluŋ on obolo ono Yudea iko paganohyen omuk daŋ iruk. 2Ati Yudea hul ihari’to itamoryo paganohyen ette itarroho negigilita hosi jyo Paulo iko Barnaba. 3Tania itoŋoi isi dia fur ikyanari te eŋere ta amehino ono Hobu, ette Hobu itasiruna ekyanita hosi te etamijanita iko te ellillihita hunya ihanie isi ta nadwaran honyi. 4Ati owoni nya aati hutto miji iko egigilita arrihai, iruhi omuk jyo Yudea bwo omuk jyo lefahat. 5Ati awahi omuk paganohyen iko Yudea bwo eleittaha ittigemyo isi, ette jaran erwoŋyo lefahat ta amorwoi. 6Itaniŋuni Paulo iko Barnaba neram ana ette fuho many lifau Licania jy o amisihi Darba bwo Listara. 7Ati jyo afau ania ittittoye isi asayyo hun oyiji.
Erwoŋyo Paulo Imiji Listara
8Imiji Listara owon nya obo atulo al iluro ifau nyo obeŋ nya inyi oremik daha. Orrohoja nya inyi many t’esyori honyi. 9Itaniŋu inyi Paulo ikyana, ati ikikorik Paulo jihonyi nyo omijak inyi jo owon inyi iko neruk lifwotuniere naŋidari. 10Iloŋ Paulo inyi on okwat ojo, Otte te ejek hoi. Ette inyi ’lwara ahide ette daha te ejek honyi luŋa. 11Teyya ligonyu eluluŋ wati nedwarit ana an ihan Paulo iwuwoŋitai isi bebe te ekyana hosi ojori, Isuruni ajohin hulo jihohoi ihwa aati. 12Ifurani isi Barnaba Seo bwo Paulo Herme nyo ikyana inyi agalik. 13Attati eleittok olo aji Seo ninya owon’to ihalu miji, iyaŋuno esuŋ iko ayaburita likatin lihumyere laati. 14Ati al itaniŋuni Barnaba iko Paulo neram ana ogwasi isi aboŋojin hosi ta ajore bwo ette ŋyoron ilet ihiji iluluŋ wati ette jaran, 15?Hulo nyo ihaniete tai ihwania? Era hohoi awati ihwa itai. Efwonni hohoi dini iyaŋuniere asayyo hun oyiji’to jo oŋida iyituniete tai addi jyo erre hun ofyahaji’to hunia ittata iruk jyo Hollum leswoni, ayyani idou iko afau ojo aari bwo erre daŋ hun owoni’to jihosi. 16Ati abusak nya inyi laati hatadahahi te ekota hosi gele gele. 17Ati isyo nya inyi etamijani honyi nyo isyo inyi jihatai ahide t’edou bwo ette nema iko naŋer ŋijan. Isyo inyi bwo fe namuno itajya hatai ta naŋiyo on obolo. 18Hekyanai isi ihwania ette isi itik aati ta agolon hul awahi’to ihanio obo ehuma jihosi.
19Ati ofwonni Yudea to Antioka iko Ikonio hul isusui laati irwoŋyere Paulo ta amorwoi ette ’yatara inyi addi to miji nyo igigiloi isi jo aye inyi. 20Ati al ikoloni leyiyanak inyi odyoto inyi ette leten litwa miji. Nya motye ette isi fwatan iko Barnaba many imiji Darba.
Acaharu Hosi Antioka ono Sirya
21Ittittoye isi asayyo hun oyiji jyo amiji ania ette italwajana leyiyanak arryai. Teyya acaharai isi limisihi Listara, Ikonio, ojo Antioka, 22itagolyere atajya heyiyanak te ettittoyo hosi jojo, Oduloro daha ta neruk hatai nyo ijiŋaniere lilobye Hollum ara te ettigemita arryai. 23Bwo fe liklesyahyen daŋ, onyimuni isi eleittaha attati ittaŋuna isi jyo Hobu hosi ta amojo iko aferuna.
24Allaŋi isi Pisidia bwo afanyi Pamfilia. 25Ittiyenie nya isi imiji Perga bwo ette fwatan Atalya. 26Ette jiŋana ababur icahari Antioka amiji inya ifahunierek isi ta amehino ono Hollum igyamari egyama an atuhi isi ania. 27Ninya lafanyi isi dia, ottubanie isi iko aati hutto klesya daŋ ette iramana isi erre daŋ hun ihanio Hollum tesi bwo fe aŋai aŋahi inyi ekat ono neruk jyo paganohyen. 28Ette isi itoŋo iko leyiyanak fur.
Trenutno izabrano:
Ehanita 14: LOT1969
Istaknuto
Podijeli
Kopiraj
Želiš li da tvoje istaknuto bude sačuvano na svim tvojim uređajima? Kreiraj nalog ili se prijavi
This text was originally published by the British and Foreign Bible Society in 1969.