Ehanita 12
12
Enefuna ono Petro
1To oŋitek hunia iniafatyo hobu Erode omuk hulo eklesya ta agolon. 2Ottoho inyi Yakobo illa Yoane ta afere. 3Ninya ligonyu Erode jo omunoi Yudea nehanio honyi ania, ette inyi bwo fe inefuna Petro. Arai nya oŋitek huno neyom ono emune on obeŋi bula. 4Inefu Erode Petro ette itifitana inyi ibabus bwo ihanak eluluŋ oseŋer aŋwan irrirryari inyi, oŋida iyaŋunie inyi jyo laati ihalu eyom ono Allaŋan Anjelo. 5Tania itoŋo Petro ibabus bwo odulo eklesya mojo bebe jyo Hollum tenyi.
Ahouna ono Petro
6Ta arwe an alari Erode iloŋori Petro, hojoto inyi al ifita ta aririk arrihai ihiji oseŋer arrihai, bwo omuk oseŋer irrirrya ekat babus. 7Teyya oleyo anjelo olo Hollum ette itafaŋ ababus. Anaŋ inyi Petro oloho itahenyere inyi ette jaran, Otte, kwak, ette aririk douna to has honyi. 8Attati anjelo jaran jihonyi, Iyyafak aboŋojin hoi iko amuha. Ihanio Petro ihwa ojo inyi. Ette inyi jaran, Agamak aboŋo hoi bwo waŋ te ehalu hoŋ. 9Attati inyi leten alet bwo Petro ette jifaro inyi. Ati obeŋ nya Petro omijak jo arai erre hunia ahode. Ati arai jihonyi ihwa arigya. 10Ninya allaŋi isi amaji etabotye ono errirryak bwo fe etarrihi, afanyi isi jyo ekat otto bilat on olo’to itwa miji, ette inyi ŋa hama. Ojiŋari isi ilet bwo ofwoi ikoi ette anjelo busana inyi. 11Ihwania omijak Petro jo arai erre huna ahode ette jaran, Ihwania amijak ni jo ifak Hollum anjelo honyi litalahuniere ani to has Erode iko erre hun igigiloi Yudea jo ehanio adi isi jihoŋ.
12Ninya howon inyi iko negigilo ana ette inyi leten ihaji Maria honye Yoane al ifurani bwo fe Marko. Ottubanie aati arryai dia hul omojoi. 13Illilloŋo inyi te ekat haŋ attati obo odwoti negyamani ’tuna, afure honyi Roda. 14Oheru inyi etuk Petro ette muno bebe ati obeŋ inyi aŋa ekat. Acaharo inyi jyo laati hya iramaniere isi jo Petro lyo owotya ikat haŋ. 15Ojori isi jihonyi, Isita iye. Ati ojo inyi, Inyi lya ahode. Ojori isi, Kuyya ara anjelo honyi. 16Ati odulo Petro illilloŋo. Ati ninya aŋai isi ekat, ette igonyuna inyi ette isi illillihai bebe. 17Ati itadwa inyi isi ta aani honyi ette iramana isi aŋai iyauno Hobu inyi to babus. Ette jaran, Ifwatta iramana Yakobo iko illarak hohoi hul omuk daŋ. Ette inyi leten jyo obo amaji.
18Al afaŋ amotye ihawwai oseŋer jo, anyo idwoŋ jyo Petro. 19Itiloŋo Erode inyi bwo obeŋi isi onyurani inyi tania ifiyo inyi errirryak ette ifahina omuk hottohorohi errirryak hulya. Attati inyi leten addi to Yudea many Cesarea ette rasahino dia.
Aye ono Erode
20To oŋitek hunia iloŋojita Erode jyo aati hutto Turo iko Sidon. Ette isi fwanna jyo Erode ifiyere inyi te etoŋo dee nyo inyyaŋai aati hutta fau hosi aŋiyo hosi jyo hobu. Ette isi fwanna itanyalamuniere Blasto legyamani olo hobu. 21To obo oloŋ on onyimu Erode iyyafak inyi aboŋojin honyi huno imiri ette itoŋo iseger honyi ette ikyana jyo laati. 22Iwuwoŋitai isi ojori, Etuk Hollum ania, obyaŋara ono atulo. 23Teyya kwak ette anjelo olo Hollum ibak inyi nyo obeŋ inyi itahabuyo Hollum ette inyi ye ka ahuru.
Barnaba iko Saulo
24Ati ihuhut nekyana ono Hollum ette bolori.
25Ojo teyya, ocohunie Barnaba iko Saulo to Yerusalem ninya atuhi isi erre hunya ifahinierek isi, bwo iyaŋunie isi Yoane al ifurani Marko.
Trenutno izabrano:
Ehanita 12: LOT1969
Istaknuto
Podijeli
Kopiraj
Želiš li da tvoje istaknuto bude sačuvano na svim tvojim uređajima? Kreiraj nalog ili se prijavi
This text was originally published by the British and Foreign Bible Society in 1969.