Ehanita 1
1
Acoronia ono Oloyiri ol Olibo
1Tiofilo, jyo abuk hoŋ etabotye legyorok ni ehanita huno Yesu daŋ iko ettiyenita honyi many t’etteri, 2many jyo noloŋ ninya akafarik inyi lidou, bwo inyi latuhok esyarana ifahita to Oloyiri ol Olibo jyo lefahat#1:2 lefahatIsi laati hinya ifak Yesu ittiyeniere eram honyi. honyi hinya onyimu inyi. 3Bwo fe ihalu ittigemita honyi, italeyehi nya inyi ahwan honyi al isu jihosi te etamijanita arryai, to oŋitek atomwana aŋwan bwo iramyo inyi erre huno olobye Hollum. 4Ati to obo oloŋ, ninya hetoŋoi inyi ikosi, ittittoyo inyi isi ojo, Hefwatta addi to Yerusalem, ati itilati ecorit ono Monyoŋ. Ojo inyi, Inyi ana ecorit inya itaniŋuna tai jihoŋ. 5Nyo ahode batisimo ono Yoane ara ta aari ati ihalu omuk oŋitek kai ibatisye adi itai to Oloyiri ol Olibo.
Acaharu ono Yesu Lidou
6Ninya lattubanie isi ifiye isi inyi ojori, ?Hobu, ilo attadi iye ihwania inyyahina nolobye jyo Israele? 7Ojo inyi jihosi, Ibyaŋata tai iremehina mijana asahyen iko noŋitek hun oŋotok Monyoŋ ta awahan honyi. 8Ati ifwotuna adi itai adwaran al attu Oloyiri ol Olibo jihatai bwo fe irata adi itai ahetamijanak hoŋ limiji Yerusalem bwo Yudea iko Samaria bwo fe ifauhyen hun omuk daŋ. 9Ninya latuhok inyi nekyanita huna bwo isi harasai yadari jihonyi igonyuni isi inyi lakafi ahide, bwo fe nedis ette raŋuna inyi ette inyi litohina to hoŋite hosi. 10Ati hekikorihini isi lidou ta aleten honyi, kwak teyya igonyuni isi lomuk laati arrihai awotyai iger hosi iko aboŋojin hun obwori. 11Ojori isi, Itai, hulo Galilea hulo. ?Nanyo en ibonnatyati tai ette yadari ahide idou? Yesu lodwo al akafarai jihatai ahide idou, ocohuno adi orrijo ihwa an akafarik inyi ania idou.
Anyimuna ono Mattia
12Teyya, acaharai isi Yerusalem to doŋe an ifurani Oliveto an ilyaha’to imiji Yerusalem. 13Ninya lajiŋani isi lihaji ette isi icul ittugul on owon’to ihide haji on ottubatyerek isi toloŋi; arai nya isi: Petro, Yoanne, Yakobo, Andrea, Filipo, Tomaso, Bartolemeo, Matteyo, Yakobo lonyi Alufayo, bwo fe Simone Selot#1:13 SelotArai isi laati hinya igyamai bebe ihouniere afau hosi jyo Roma. iko Yuda lonyi Yakobo. 14Owoni nya isi daŋ iko egigilo hosi abotye bwo odulori isi amojo arabotye iko aŋorwo bwo Maria honye Yesu, iko illarak honyi. 15To oŋitek hwa owotya Petro ihiji illarak honyi ikyanari. Owon nya neluluŋ wati hul arai esiha abotye iko atomwana arrihai. 16Ojo Petro jihosi, Illarak hoŋ, oŋida itasiruni egyerita hunya igyoroni hun ikyana Oloyiri ol Olibo to hutuk Davide te eram ono Yuda latadihoni heniafak Yesu. 17Nyo ara nya inyi aholohoi bwo aharani nya inyi ligyamari ikohoi. 18Inyyaŋu nya Yuda amana te edumiti hunya itinyyaŋaniere inyi Etalahani ette inyi kwaharo dia ette fodoho tehiji ette amonyit honyi idwoŋ. 19Tania omijani aati Yerusalem daŋ ette ifurana amana ana te ekyana hosi ojo, Akedama on ojo, amana ewot hoto. 20Ati igyoroni ibuk ono afureta huno Davide ojo,
“Hetera amaji ana amura
Bwo fe hetelaha tulo amanya dia.”
Igyoroni bwo fe,
“Ijara obo hotorutak egyama honyi.”
21-22Osiru dwo obo orutak amaji nya irari ahetamijanani ikohoi ono nebuhuna Yesu. Oŋida inyi ara olo hulo hunya ewon’to ikohoi ta asahyen daŋ hunya edahatyere hohoi iko Hobu Yesu many ibatisyere Yoane inyi many acahari inyi idou. 23Ojo teyya ette isi nyimuna aati arrihai, Mattia bwo Yosefo al ifurani Barsaba, bwo afure honyi abotye anya Justo. 24Tania omojoi isi ojori, Monye, ihwo imijak bwo iye atajya wati daŋ, itahutak alali oŋida hohoi enyimu jyo aati hulo arrihai hulo irari alefahata ikohoi, 25oŋida orutak amaji inya onyimoni jyo Yuda igyamari, nyo lalo Yuda addi, imaji honyi. 26Tania ikilai isi ette ikiluna Mattia ette inosonia inyi iluluŋ ono lefahat hulo ’tomon habotye.
Trenutno izabrano:
Ehanita 1: LOT1969
Istaknuto
Podijeli
Kopiraj
Želiš li da tvoje istaknuto bude sačuvano na svim tvojim uređajima? Kreiraj nalog ili se prijavi
This text was originally published by the British and Foreign Bible Society in 1969.