यूहन्ना परिचय
परिचय
यूहन्ना रचित सुभ समाचार नए नियम में चार किताबन में ते एक है जो ईसू मसीह के जीबन के बारे में बतातै। चारों किताबन कूं “सुभ समाचार” कैहतैं, जाकौ मतलब है “अच्छी खबर।” ये सुभ समाचार मत्ती, मरकुस, लूका और यूहन्ना द्वारा ईसू की मृत्यु के बाद लिखे गए हते। यूहन्ना रचित सुभ समाचार भेजे भये चेला यूहन्ना द्वारा ईसू के जन्म के लगभग 90 साल बाद लिखौ गयौ हतो। भलेई किताब जि नांय बताती के यूहन्ना लेखक है, पर लेखन सैली 1 यूहन्ना, 2 यूहन्ना और 3 यूहन्ना की किताबों के अछरन के समान है। कछू बिद्वानन कैहतैं कै, बा समै यूहन्ना इफिसुस सहर में रहतो, जामारै जि संभाबना है कै, जि किताब इफिसुस में लिखी गई हती।
यूहन्ना स्पस्ट रूप ते कहतै कै, किताब कौ उद्देस्य लोगन कूं जि भरोसौ दिबाबे में मदद करनों है कै, ईसू मसीह जीबित “परमेस्वर कौ पुत्र है” (यूहन्ना 20:31)। जि भरोसौ करके हम वाके नाम पै जीबन जी सकतैं। जि किताब यहुदी और गैर यहुदी दोनोंन के काजै लिखी गई हती। यूहन्ना रचित सुभ समाचार कछू बातन में अन्य तीन सुभ समाचारन ते भौत अलग है। यूहन्ना नें बिन चिन्न चमत्कारन पै ध्यान केंद्रित करौ है, जो ईसू नें करे हते। बानें दृस्टान्तन के बारे में ज्यादा नांय लिखौ। ईसू के बपतिस्मा और बेहड़ में ईसू की परीछा जैसी दूसरी पिरमुख घटनान के बारे में जा सुभ समाचार में नांय लिखौ गयौ।
रूपरेखा:
सुभ समाचार की सुरूआत (अध्याय 1:1–18)।
ईसू मसीह के द्वारा करे गये चमत्कारन के बारे में (अध्याय 1:19—12:50)।
ईसू के जीबन की घटनाओं और वाकी मृत्यु और मरे भयेन में ते जीबित हैबे के बारे में (अध्याय 13:1—20:31) तक
ईसू कौ लोगन कूं दिखाई दैबो और किताब लिखबे के उद्देस्य के बारे में (अध्याय 21)
Trenutno izabrano:
यूहन्ना परिचय: BRAJ
Istaknuto
Podeli
Kopiraj
Želiš li da tvoje istaknuto bude sačuvano na svim tvojim uređajima? Kreiraj nalog ili se prijavi
NonCommercial-NoDerivatives 4.0 International (CC BY-NC-ND 4.0)