मत्ती 3
3
योहन बप्तिस्मा देवनवारा
(मरकुस 1:1-8; लूका 3:1-18; योहन 1:19-28)
1ओनो दिवस मा, योहन बप्तिस्मा #3:1जसो यीसु मारो गयो गाड़ो गयो, जिंदो भयी गयो वसोच पानी मा बुड़नो मन्जे यीसु को संग मरनो अना बुड़ के हीटनो मन्जे यीसु जसो जिन्दो भयो वसोच पाप को लाय मरके नेकी करन को लाय जिंदो होवनो। देवन वालो, यहुदिया देस को सुनसान जंगल मा आयो अना परचार करन लगयो। 2#मत्ती 4:17; मरकुस 1:15अपरो पाप लक दुहूर भय जाव, काहे की सरग को राज#3:2परमेस्वर की महिमा कठा आय गई से। 3योहन वोच से जोन को गोस्टी यसायाह भविस्यवक्ता न कहिसेस का:
“जंगल मा एक मानूस हाकल रहयो से
का परमेस्वर की रास्ता ला तैयार करो,
अना वोकी सरक#3:3सड़क सरल करो”#यसायाह 40:3
4योहन को कपरा ऊट को चुन्दी लक बनयो होतो। अना आपरी कमर मा चमड़ा को पट्टा बांधत होतो। ओको जेवन फाफा अना सहेद होतो।#2 राजा 1:8 5तबा येरुसलेम नगर, अना सारो यहुदिया देस, अना यरदन नदी को इतानी-उतानी को सब जघा, का लोक ओको जवर हिटके आइन। 6उनना आपरो-आपरो पाप ला मानके यरदन नदी मा ओको लक बप्तिस्मा#3:6यहूदी गिनको सुद्ध होवन को एक नियम सेत। जोनमा पानी मा आपरो पाप ला मानके डुबकी लगावनो पड़ासेत। लेईन।
7 #
मत्ती 16:1; 11:12; 23:13-36 जबा योहन न लगत सा मोसे को नियम को सिक्सक अना सदुकि फरिसी इनला बप्तिस्मा लेवन काजी आपरो जवर आवत चोविस, ता उनलक कहीस “हे सरप को अवलाद, तुमीला कोनी ना हेत दिलाइसेस, का आवन वालो कोप लक बचो” 8वोनो काम गीनला चोवके तुमी अपरो पाप लक मन हटाव अना आपरो आप मा साजरो फर पावो। #3:8साजरो काम करो। 9अना असो नोको सोचो, का तुमी यो कहेके दंड लक बच सकासेव का अबराहम तुमरो पुरखा से, मी तुमरो लक कव्हसु का परमेस्वर एना पहाड़ी को गोटा मा लक अबराहम को लाई आवलाद पैदा कर सकासे।#योहन 8:33 10अता टँगिया झाड़ की जड़ पर राखियो से, जेना-जेना झाड़ साजरो फर नही आना से, उ कापो अना स्तो मा झोको जाहेत।#मत्ती 7:19 11मि ता तुमी ला पानी लक “पाप लक मन हटाव को बप्तिस्मा देवासेउ, पर जोन मोरो मंघा आवन वालो से, उ मोरो लक ताकतवर से, मि ओको सेन्डिल उचलन को लाईक नही सेऊ। उ तुमला पवीतर आतमा अना स्तो लक बप्तिस्मा देहे। 12ओको सुपड़ो, ओको हात मा से, उ आपरो खरीयान साजरो लक सफा करेत। अना आपरो गहुँ ला आपरो ढोला मा जमा करेत पर भुसा ला ओना स्तो मा पेटाहे जोन कबच नही झिझाहेत।”
यीसु को बप्तिस्मा
(मरकुस 1:9-11; लूका 3:21-22; योहन 1:31-34)
13ओना बेरा मा यीसु ना गलील छेतर लक, यरदन नदी को किनार मा, योहन लक बप्तिस्मा लेवन वोको जवर आयो। 14पर योहन यो सांगके, ओला रोकन लग्यो “मोला ता तोरो हात लक, बप्तिस्मा लेवनो से, अना तु मोरो जवर आयीसेस”
15यीसु ना ओला जवाब देइस “अबा ता असो च होवन दे, काहे की आमी ला येना रित लक सबच धरम-करम ला पूरो करनो से।” तबा योहन, यीसु को गोस्टी ला मान लेइस।
16जसोच यीसु बप्तिस्मा लेइस, त वसोच बाहेर आयो तबा वोको लई सरग को किवाड़ उघड़ गयो, अना वरता लक#3:16बादल अलग होवना परमेस्वर को आतमा ला परेवा को जसो आपरो वरता उतरता चोइस। 17अना सरग लक आवाज आयकु आई “यो मोरो चहेतो टूरा से, जेना लक मि सब लक ज्यादा खुस सेव।” #मत्ती 12:18; 17:5; मरकुस 9:7; लूका 9:35
Trenutno izabrano:
मत्ती 3: NTPSP23
Istaknuto
Podijeli
Kopiraj
Želiš li da tvoje istaknuto bude sačuvano na svim tvojim uređajima? Kreiraj nalog ili se prijavi
The New Testament in Powari Language © The Word for the World International and Powari Madhya Pradesh, 2023.
