Matiyu 7

Ài k'ài mɔɔɲɔɔ ya kiti tɛɛ

Luka 6.37-38, 41-42

1«Ài k'ài mɔɔɲɔɔlu ya kiti tɛɛ, alako Ala kana àilu fana ya kiti tɛɛ. 2#Malɛkɛ 4.24.Kamasɔlɔn ài vɛ ài mɔɔɲɔɔlu ya kiti tɛɛla teme, Ala kɛtɔ àilu gbu ya kiti tɛɛla ten ne. Ài yi sumali kɛla ài mɔɔɲɔɔlu yɛ teme, Ala kɛtɔ sumali kɛla àilu fana yɛ ten ne. 3Mindɛ lɔ i yi jilimuu lasaala i badenma ɲa ma, k'a talan i tɛ jilifɛlɛn yena min ile gbu ɲa ma? 4A yi di? Jilifɛlɛn yi tole i ɲa ma, i yi se a fɔla i badenma yɛ, ko: ‹I lɔ ǹ'i jilimuu bɔ i ɲa ma›? 5Ile filangafo! Fɔ i yi jilifɛlɛn bɔ i jɛlɛkanu ɲa ma kunfɔlɔ le. Wo vɛ kɛla, i kɛtɔ yeni kɛla kobɛn ka jilimuu bɔ i badenma ɲa ma.

6«Ài kà lɔhɔlɔma fen di wulunilu ma, fɔsa ai kana seikɔ ài ma k'ài lɔfalafala. Ài k'àiya lululu di kɔsɛlu ma, fɔsa ai kana wolu lɔdɔndɔn.»

Aladaliko

Luka 11.9-13

7«Ài yi daili kɛ, ài do y'a sɔlɔnne. Ài y'a ɲinin, ài do y'a yene. Ài yi da makɔnkɔn, da do la yi kale ài yɛ. 8Kamasɔlɔn ni mɔɔ min ka daili kɛ, wo tii y'a sɔlɔnne. Ni mɔɔ min do v'a ɲininna, wo tii y'a yene. Ado ni mɔɔ min ka da makɔnkɔn, da la yi kale wo tii yɛ. 9Kɛ́ mindɛ le ài tɛma, ni a den k'a dali bulu la, a kɛtɔ kawakulun dila a ma? 10Niwotɛ, ni a den k'a dali jɛɛ la, a kɛtɔ sa ɲɛnɛma dila a ma? 11Àilu ni àiya sɔn kɛwonya bɛ, ni ài k'a lɔn ài ka kan k'ài dennu sɔ fen ɲuma minu la, a lagbɛyine feu ko ài Fa min yi haijɛnɛ, wo y'a dailibalu sɔla fen ɲumalu le la!

12 # Luka 6.31. «Ni ài y'a fɛ mɔɔlu yi ko min bɛ kɛ ài yɛ, àilu gbu yi wo suu dɔ kɛ ai yɛ, kamasɔlɔn a sɛvɛnin ten ne Nabi Musa ya Taulati lɔ, ani kela dɔgbɛlɛlu ya kitabulu lɔ.»

Da ba ni da dɔɔyanin

Luka 13.24

13«Ài yi don da dɔɔyanin fɛ, kamasɔlɔn siya min yi taala mɔɔ halakiya lɔ, wo da buɲayine, a do taama nɔyanin. Mɔɔ siyama le yi taala siya wo fɛ. 14Kɛɛ siya min yi taala niimaya banbali ma, wo donda dɔɔyayine, a do taama gbeleyanin. Mɔɔ dana le a yena dein.»

Kɔlɔman yi lɔnna a den ne ma

Luka 6.43-45

15«Ài y'ài jando ài jɛlɛ lɔ faɲafɔ kelalu ya ko lɔ. Ai y'ai jɛlɛ kɛla iwo saalu ka na ài ma, k'a talan soofali le ai le. 16Ài kɛtɔ wolu lɔnna ai kɛkolu le ma, iwo kɔlɔman yi lɔnna a den ma teme. A yi di? Mɔɔ yi sene lɛzɛn bɔla tazan na? Mɔɔ yi sene toloden bɔla bin woninma la? 17Kɔlɔman kein bɛ yi den kein ne kɛla, kɛɛ do kɔlɔman yon yi den yon ne kɛla. 18Kɔlɔman kein tɛ se den yon kɛla, kɔlɔman yon fana tɛ se den kein kɛla. 19#Matiyu 3.10; Luka 3.9.Kɔlɔman minu tɛ den kein kɛla, wolu bɛ tɛɛtɔle k'ai lafili taa lɔ. 20#Matiyu 12.33.Wo lɔ, ài kɛtɔ faɲafɔ kelalu lɔnna ai kɛkolu le ma.»

Faɲafɔ kɔbiladennu

Luka 13.26-27

21«Mɔɔ minu bɛ y'a fɔla m̀ ma ‹Kuntii, Kuntii,› wo bɛ tɛnala donna haijɛnɛ masaya lɔ, mafɔ mɔɔ minu yi ǹ Fa sawo kɛla min yi haijɛnɛ. 22Kititɛɛlon, mɔɔ siyama kɛtɔ a fɔla ǹ yɛ, ko: ‹Kuntii, Kuntii, ǹu ma kelaya kɛ i tɔɔ le lɔ? Ǹu ma jinalu gbɛn k'ai bɔ mɔɔlu lɔ i tɔɔ le lɔ, ani ka kawananko siyama kɛ?› 23Wo lon na, ǹ kɛtɔ a fɔla ai yɛ k'a lagbɛ, ǹ ko: ‹M̀ ma ài lɔn feu! Àilu koyonkɛbalu, ài yi bɔ ǹ ɲakɔlɔ!› »

Bonlɔba fila ma sana

Luka 6.47-49

24«Mɔɔ mɔɔ v'a tolomalɔla ǹ kumakannu la k'ai labato, wo tii kɛtɔ iwo kɛ́ hangilima min na aa bon lɔla fala kɔkan. 25San ka na, kɔɔ ka fa, ani fɔɲɛ ka bɔ ka se bon wo ma. Kɛɛ bon ma te, kamasɔlɔn a jusiinin tɛɛ fala le kɔkan.

26«Mɔɔ mɔɔ do v'a tolomalɔla ǹ kumakan minu la, kɛɛ a do m'ai labato, wo tii kɛtɔ iwo kɛ́ hangilindan, min na aa bon lɔla kiɲɛ kɔkan. 27San ka na, kɔɔ ka fa, ani fɔɲɛ ka bɔ ka se bon wo ma. A do ka te telemanin tɛtɛ!»

28 # Malɛkɛ 1.22; Luka 4.32. Isa wɔlinin kuma wolu fɔla, aa kalan ka jama kawakoya, 29kamasɔlɔn a tɛɛ ai kalanna seetiiya bolo le ma. A tɛɛ tɛ ai kalanna iwo seliya kalanmɔɔlu tɛɛ a kɛla teme.

Trenutno izabrano:

Matiyu 7: MBT2023

Istaknuto

Podijeli

Kopiraj