Matyò Etu əghɛ vɛ ə ve nyi fa ŋwàʼlè
Etu əghɛ vɛ ə ve nyi fa ŋwàʼlè
Ŋwàʼlè ə̀ Matyò tsâ nə Njisə̀s nyi wùə èsɔza vɛ ə tè tsɨ̀ne, mə za nyi vəyn vɛ ə Zhə̀fè tè lwiynse tsɨ̀nè ə mkàyn me Mɨ̂m tɔynə̂ ə vəyn. Tom èchùŋ nə zɨ̂yn va ke sê ghɨ Njûs ghɛ ə tè piə Njisə̀s, è və ndəmə̂ ə ghənə ə fètəyn. È nyì sê ghɨ ghe əkɨ̂m ə mbi.
Ŋwàʼlè ə Matyò nyi mə ə fɛte pɨatê zə̂ynzè. È zhə̀te kə tè piə Njisə̀s, tsâ kè kə è tè fi mômè, è môm zɛ ə è tè tsɛ̀ tɔynê ətəyn fɨnə tsâ kə è zhə̀te fɨ̂aʼ ə vəyn ze ndaʼa nə tom echûŋzè è zaʼlêzè, è kɨsè tsuʼ əghɨ̀zè ə Ngalìlî. Epàm ə zɨnə mə, ŋwàʼlè ə̀təyn tsâ ekwî ə Njisə̀szè se zhə̀tè ə Ngalìlî se nduə fɨ ə Njèlusalɛ̀m, è ghɛ ghɛ ə ghe tè kyayn ə ngàm èkwùŋsə ə̀ Njisə̀s fa mbi se nduə mɨ̀sè è payntê ə vəynze awâmnè è kɨsè zômə̀ ə vəynze.
Ŋwàʼlè nə zɨ̂yn tyəynə̀ nə Njisə̀s nyi tyə̀ynsè èghaʼâ, kyi àtyaʼ se tsàyn eghɛ zɛ ə lâŋ ə Fezhə̀kè pìə, fɨnə zaʼlə̂ kûmə̀ èfɔ̂yn ə Fezhə̀vè. Zaʼlê ə vəyn ze tè nyi endiŋ ètwɔ̂yn. 1. Eghɛ ə Fezhə̀e zɛ è tsà etûə pfɨ̀yn (endiŋ 5-7); 2. Əghɛ ghɛ ə chùmtè epàm sə vəynse eghɨm njò sepɛ̀ tə ndûə nə̂ (endiŋ 10); 3. Ngàynsè kûmə̀ èfɔyn ə Fezhə̀vè (endiŋ 13); 4. Ezaʼlê kûmə̀ èghɛ zɛ se chùmtè ə Njisə̀s tyə̀ynə̀ zəynze. (Endiŋ 18); 5. Ezaʼlê kûmə̀ mbi èkwùŋsə zɨ̂nə̀ è kɨsè pə̂yn efɔ̀yn ə Fezhə̀vè (endiŋ 24-25).
Etu əghɛ vɛ ə ve nyi fâ ŋwàʼlè
Zə ə ghɨ esas ə ndɛ Njisə̀sghè è ndom vɛ ə piə vəyn ətəyn (andiŋ 1.1–2.23)
Efɨaʼ ə Njɔyn Fo M̀mòze (endiŋ 3.1-12)
Kə Njɔyn tè fo môm sê Njisə̀s, Satàyn ə mɔ̀mə̀ vəyn (endiŋ 3.13–4.11)
Efɨaʼ ə Njisə̀szè ə Ngalìlî (endiŋ 4.12–18.35)
Njisə̀s ə ndò ə Ngalìlî ə kɔʼɔ ə Njèlusalɛ̀m (endiŋ 19.1–20.34)
Əghɛ ghɛ ghe kyâyn ə Njèlusalɛ̀m è kɨsè ə tepòlə̀ tə təynte ə ngàm èkwùŋsə tsɔ̀fə kə Njisə̀s kwu (endiŋ 21.1–27.66)
Kə Pɛ̂pɛ zômə̀ ə tyə̀ynə̀ ngɨŋ ə vəyn sê ghɨ ghe tsɨ̀ə kə nyi (endiŋ 28.1-20)
Trenutno izabrano:
Matyò Etu əghɛ vɛ ə ve nyi fa ŋwàʼlè: bfm
Istaknuto
Podijeli
Kopiraj
Želiš li da tvoje istaknuto bude sačuvano na svim tvojim uređajima? Kreiraj nalog ili se prijavi
©2022 CABTAL