Lûk Etu əghɛ vɛ ə ve nyi fa ŋwàʼlè
Etu əghɛ vɛ ə ve nyi fa ŋwàʼlè
Lûk tè nyàʼ sê ghɨə Njûsghè è kɨsè ghɛ ə̀ vachi əghɨ Njûsə̀ se tsàyn sê ghənə nə Njisə̀s Klâys nyi sɔ̀zà ə̀ ghənə̂. Lûk tsà nə Njisə̀s tè nyi mə ə̀ tɔŋə Sezuʼ sə Pɛ̂pɛse nə, “È pəyn è tom èchùŋ sê ghɨ afɨfghe (endiŋ 19.10). Tom èchùŋ nə zɨ̂yn wàmnə̀ setsɨ̀ kûmə̀ ə̀ghɨ ghɛ ə ghe kyi kyì tə tetsòs te tsɨəte. Ŋwàʼlè ə̀təyn wàmnə̀ kəpî kûmə̀ ə̀ghɛ ghɛ ə ghe pə̂ èsaŋnêzè kə e pə̂yn ə Njisə̀szè ə mbi ə zhə̀te ə̀ ŋwàʼlè ə̀təyn è kɨsè kɔʼ ə vəynze ekwùtwəyn ə mɨ̀se ə̀ ŋwàʼlè ə̀təyn.” (4.18).
Ghâŋghàŋə̀fè kûmə̀ kə tom èchùŋ tè ndəmə ə waŋə kə luʼ tekɨ̂m mə Njisə̀s ə kàynè kɔʼ ekwùtwəyn nyi mə Lûk ə nyàʼ kepî əfètə̂ ŋwàʼlè ə̀ tèfɨ̀aʼ. Ghɛ ə tsɨəghe nyiə nyi fa ŋwàʼlè kə, feghâŋghàŋə̀ kûmə̀ njàŋ ə̀ setsì, è môtè ə sengyəynze kə tè piə Njisə̀s, è kɨsè kə Njisə̀s tè nyi ə Ndɛ ètsə̀mə sə wâ vendômə̀, è kɨsè ngàyn kûmə̀ wùə èchùŋ ə Sàmalitàyn, è ngàyn kûmə̀ vâyn endômə̀ ènjìsə. Ghɛ nə ghɨnə mə nyi ke fa ŋwàʼlè ə̀ Lûk.
Lûk ə wàmnè ə fètə̂ ŋwàʼlè nə zɨ̂yn nâʼà àchûŋ kûmə̀ Sèzuʼ se Ŋwaʼase, è tsə̂mè, è luʼ vɛ ə zənə tè kyi əfètəyn èfɨ̀aʼ ə Njisə̀szè, è kɨsè kə Zhə̀fè lɛsə̀ fo pise.
Etu əghɛ vɛ ə ve nyi fâ ŋwàʼlè
Eghɛ se zhə̀tə ŋwàʼlè zɨ̀yn (andiŋ 1.1-4)
Kə piə Njɔyn Fo M̀mò ə Pɔŋɔ piə Njisə̀s, è kə ghənə tè nyì sə mmîə (andiŋ 1.5–2.52)
Efɨ̂aʼ ə Njɔyn Foə M̀mòze (endiŋ 3.1-20)
Kə Njisə̀s tè fi môm, ndə̂plè ə mɔ̀mə̀ vəyn (endiŋ 3.21–4.13)
Efɨ̂aʼ ə Njisə̀szè ə Ngalìlî (endiŋ 4.14–9.50)
Njisə̀s ə ndò ə Ngalìlî ə kɔʼɔ ə Njèlusalɛ̀m (endiŋ 9.51–19.27)
Əghɛ ghɛ ə ghe tè kyayn ə ngàm èkwùŋsə ə̀ Njisə̀s ə Njèlusalɛ̀m è polə̀ tə təynte tsɔ̀fə kə è kwu (endiŋ 9.51–19.27)
Kə Njisə̀s tè zòmə ə tyə̂nə̀ ngɨŋ ə̀ vəyn sê ghɨghe ə fɨnə ndô kɔʼɔ ekwùtwəyn kè əndayn (endiŋ 24.1-53)
Trenutno izabrano:
Lûk Etu əghɛ vɛ ə ve nyi fa ŋwàʼlè: bfm
Istaknuto
Podijeli
Kopiraj
Želiš li da tvoje istaknuto bude sačuvano na svim tvojim uređajima? Kreiraj nalog ili se prijavi
©2022 CABTAL