Yohani 2
2
Uwinga mu Kana
1Ayala amanda yawili yasila akuwa uwinga mukaya ka mu Kana, wa mu Galileya, nunyina wakwe Yesu walinji kweneko; 2nu Yesu-nye nawasambilizi wakwe wisilwe kuwinga. 3Ala wayini wavikomwa wino wang'wanga wasila, nyina wakwe Yesu anena umwanakwe ati, Wasi nu wayini.
4Yesu atolelela ati, Mayo, chisi
achizima ukunena ichakuchita. Impindi yane itani ifichile.
5Ukuwa nyina wakwe Yesu anyoka anena awawomvi ati, Chonsi chino wawanena muchite.
6Muchipepelwe chawa Yuda muli amasundo yakukomelezya ukusamba, muno achochonye paponye palinji insembo zyamawe mutanda, insembo yonga yayananga ninkalanjilo ziwili pamwi zitatu. 7Yesu anena awawomvi, ati, Yizuzyani aminzi munsembo. Awizuzyapwi. 8Anyoka awanena ati, Aleni kanonzi yitululani aminzi yamwi mutwalile umwenichakulya chapawinga. Awamutwalila, 9ayelezya ang'wa aminzi, yano yapiluzilwe wayini. Weni nanti kumanya kuno wayininye weyo wafumile (ukuwa awawomvi wane wasemvile aminzi wamanyile); nga umwenichakulya ayita siwinga 10amunena ati, Umuntu wensi akatela ateweta muzima pakutalika, nga wale awitwa wang'wa nkani apano awateweta ilyavye-lyavye. Ukuwa wenji watela uwisile wayini muzima awino wasuka waleta kanonzi!
11Choo achimanyilo chakutalika chino Yesu wachisile ichamilimo yakwe imikulu mwe Kana wa mu Galileya; kokonye akuno walanjizizye ukuchindama kwakwe, nawasambilizi wakwe awamusuwila.
12Pansizi e Yesu nunyina, nawanyina, nga nawasambilizi wakwe awaya ku Kapemahumi, awaya awikala kweneko amanda matichi.
Yesu aya kung'anda yakwe Leza
(Mateyu 21:12-13; Marko 11:15-17; Luka 19:45-46)
13Yatezile impindi yachakulya chakupitililwa icha wa Yuda, yapalamila, Yesu wayile kwe Yerusalemu. 14Aya azana wane wakazyanga ing'ombe, ning'onzi, ninkunda, nawano wakawunkanianga indalama pamatebulo yawo mung'anda yakwe Leza. 15Achita umusanzu watunkusa awinga inyama zyonsi mung'anda yakwe Leza, ing'onzi ning'ombenye; apenulania amatebulo yakwe wakakawunkania wandalama; 16akalipila wane wakazyanga inkunda ati, Fumyani inkunda zinu moo! Mutachita ing'anda yakwe Tata ngati ang'anda yakulonchela! 17Awasambilizi wakwe awizuka kuno Amawaliko Matele yavwanga yati, We Leza ukukunda kwang'anda yako kuno nayikunda, chikumpya ngati amulilo.
18Achaleka wakapanzya wawa Yuda awamuyila imfwelenje awamuwuzya awati, Nga achimanyilochi chino ungatulanjizya kuno uli namaka yakuchitila wonye-woo?
19Yesu awatolelela ati, Mongolani ing'anda yakwe Leza yoo yala apakuti amanda yawe yatatu ntele nayikatusya swinya.
20Awamuwuzya awati, Ungafwa wakatusya ing'anda yoo mumanda yatatu? Ing'anda yoo yazenzilwe kumyaka amakumi yani nimyaka mutanda!
21Ukuwa ing'anda yino Yesu watakanga walinji amuwili wakwe. 22Achaleka walile wazyulupulwa kumfwa, awasambilizi wakwe awizuka chino wavwanzile; awasuwila Amawaliko Matele nachino Yesu watasile.
Yesu wamanya awantu wonsi
23Ala pano Yesu ali mwe Yerusalemu pampindi yachakulya chakupitililwa, paponye awavule awamusuwila pano walola imilimo mikulu yino wachisile. 24Ukuwa Yesu weni atawasuwizile, amuno wamanyile awantu wonsi ichete. 25Atalondanga nanti akuti wumwi angamunena ivyawantu, amuno wamanyile mumyezo yawo mukasi.
Trenutno izabrano:
Yohani 2: WWN82
Istaknuto
Podijeli
Kopiraj
Želiš li da tvoje istaknuto bude sačuvano na svim tvojim uređajima? Kreiraj nalog ili se prijavi
Chinamwanga Bible © United Bible Societies, 1981.
