ሉቃ̈ሳ 13
13
ማ̈ሪቲ ጌሊባ̈ሶ ኣሲ ዎይ ዪ̈ሬ
1ዪና̇ ኢዝባራ ኣሳን ጾ̈ሳ̇̇̈ቦ ዣ̈ርሽ ሺ̈ሻ̇ምባ̇ራ ጲላ̈ጦ̈ሲ ኢንታ̇ ዎን ኢንታ̇ ሱ̈ንዳ̇ ኢንታ̇ ዣ̈ርሺንባር ቡሺንቲ̇ኖ ጋሊላ ኣሳንኮ ባዚን ዬሱ̈ሳብ ሶ̈ሊኖ ኣሳን ኢና ዎዶ̈ን፥ 2ዬሱ̈ሲ ኢንታኮ “ዪ̈ዲኮ ዪን ጋሊላ ኣሳን ዪ ፌ̈ኖ ቢጻ ኢንታ̇ ዬሊ̇ኖንዳ ኢንቲ̇ ሜላ ጋሊላ ጋዶ̇ ኣሳንፖ̇ ዎይ ሺ ናጋራንቻ̇ ማ̈ቂ̇ኖኮታ̇ብ ዪንታ̇ክ ማይጺ̈ራ? 3ዪዝ ጊዳካ̇ዬ፥ ቴ ዪንታ̇ብ ሶ̈ላዚንዳ̇ ማ̈ሪቲ ጌላካ̇ይ ኣቴ̇ጌይንዶ̇ ዪንታ̇ር ዎይን ዪና̇ ኢዝፌ̈ኒ ዪ̈ሬ። 4ዎይ ማ ሳሊሆ̈ማ ጋ̈ዝ ቤሲ̇ን ጋልዳ̇ ጳሪን ኬ̈ላ ኢንታ̇ ጋልዳ ዎዲ̇ን ዓይቂ̇ኖ ታጶ̇ ላማካይ ኣሳን ዬሩሳ̈ላም ካታማ ጋርታ ዎ ኣሳን ዎይንፖ ኢንቲ̇ ሺ ናጋራንቻ̇ ማ̈ቂ̇ኖኮታ̇ብ ዪንታ̇ክ ማይጺ̈ራ? 5ዪዝ ጊዳካ̇ዬ፥ ቴ ዪንታ̇ብ ሶ̈ላዚንዳ̇ ማ̈ሪቲ ጌላካ̇ይ ኣቴ̇ጌይንዶ̇ ዪንታ̇ር ዎይን ዪና̇ ኢዝፌ̈ኒ ዪ̈ሬ” ጌይዴ።
6ማ ዬሱ̈ሲ ሚሳ̇̈ሊ ኢንታ̇ብ ሶ̈ሊ̈ርዶሪ፦ “ፔቲ̇ ኣሲ ፌ ዎይን ታ̈ኪልቲ̇ን ጋርታ̇ ቶኪ̇ኖ ፔቲ̇ ባላስ ጋ̈ዝ ሚን ዎዶ̈ን ኢ ኢዝ ጋልዳፖ̇ ኣ̈ፍ ኤካ̇ንዳ̇ ጋ̈ር ዬ̈ሪ ኣባካር ዲጛካ̇ይ ኣቲ̇ዴ። 7ኢ ዎይና ታ̈ኪልቲ̇ን ጋርታ̇ ኦ̈ዝ ና̈ሳ̈ኮ ‘ታ̈ኒ ኢዛ ካጺ̇ኖኮ ኢዝ ጋልዳ̇ፖ̇ ኣ̈ፍ ኤካ̇ንዳ̇ ጋ̈ራ ዓይዚ̇ ላይ ዎይ ኢዝኮ ዬ̈ራ ኣባካር ዲጛካ̇ይ ኣቲ̇ኖኮታ̇ቦ ኔ ኢዞ ቃጻ̇ቤ፥ ኣባብ ሳ̈ዚን ሜላ̇ ሜሊሳና?’ ጌይዴ።
8ና̈ሳ̈ዲ ኢኮ ‘ላ̈! ታ̈ኒ ኢዝ ቡጊዲንባር ጎሽካ፣ ጌዚን፣ ጮ̈ራ ቶጛ ዎቲዝ ዲራ̈ስ ዓታ̇ባሮምቦ̇ ሙታ̇ ኣሻ̇ቤ። 9ላይብ ኢዛ ካጼ̇፥ ኮሼ̇! ካጻካ̇ይ ኣቴ̇ጌይን ኢዞ ቃጻ̇ቤ’ ጋ̈ር ማሂዴ” ጌይዴ።
ዬሱ̈ሲ ፔቲ̇ ዱላ̇ባሮ ኣሲን ሳንባ̇ታ ጋላስ ፋዴ
10ዬሱ̈ሲ ሳንባ̇ታ ጋላስ ፔቲ̇ ኣይሁዳን ዎ̈ሳ ኬ̈ ጋርታ̇ ታማ̈ርሲ̇̈ርዶ̈ን፥ 11ኢ̈ታ ኣያ̇ና ኤር ታጶ̇ ላማካይ ላይ ዎይ ኢዞ ኩ̈ርማሳር ኣሺ̇ኖ ፔቲ̇ ኣስዶ̈ራ ኢና ዎ። ኢዛሬ ኩ̈ርማ̈ኖኮታ̇ቦ ኣባካር ሾክ ጋ̈ንዳ̇ቦ ዳንዳኣካ̇ዬ። 12ዬሱ̈ሲ ኢዞ ቤቃ̇ር ፌ̈ክ ጼይጋሪ “ኣ̈ሽ! ኔ ኔ ዓርጊ̇ን ጋርታ̇ፖ̇ ፋጺኔ” ጌይዴ። 13ኢናፖ̇ ኢ ፌ ኩሺን ኢዝ ጋልዳ ጋዲ̇ን ኢዛር ኤሊ̇ባር ፉዳ ጺት ኤቃ̇ዴ፤ ጾ̈ሳ̇̇̈ዳር ጋላታዴ።
14ኣይሁዳን ዎ̈ሳ ኬ̈ምቦ̇ ኣላቃ̈ዲ ዬሱ̈ሲ ሳምባታ ጋላስ ኣሲን ፋኖኮታ̇ቦ ጎይላሪ ዎርዣ̈ኮ “ኦ̈ሳ ኦ̈ንዳ̇ብ ዳንዳኢዛ ሌሂ ቃሚ̇ ዎ፤ ዪ̈ኮታ̇ቦ ዪን ቃማን ጋርታ̇ ዬ̈ሪ ፋጺብትዶኬ ሳምባታ ጋላስ ጊዳካ̇ዬ” ጌይዴ።
15ጎዳ ማሃር ኢ̈ኮ “ዪንቲ̇ ኣሳ ቲ̈ን ኮሽ̇ ማይጻር ቤንታ̇ንዳብ ኮዪዛን! ዪንታ̇ ጋርታ̇ፖ̇ ፔቲ̇ ኣሲ ፌ ጌ̈ን̈ዳ ዎይ ፌ ዬራ̈ዳ ሳምባታ ጋላስ ቢሊ̇ ኤ̈ጚ ዋ̈ ኡሺ̇ዝ ኣሲ ባዪ ዶ̈ኔ? 16ዓት ዪ̈ዲኮ ዓና̇ ኣሲን ኣብራሃ̈ማ ዜር ማ̈ቂ̇ኖንዳ ታጶ̇ ላማካይ ላይ ዎይ ሴ̈ጣና ኢዞ ቃቺ̇ን ዎን ዪና̇ ፌ ዓርጊ̇ን ጋርታ̇ፖ̇ ሳምባታ ጋላስ ፋጻንዳ̇ብ ኮሻ̇ባሳ?” ጌይዴ።
17ኢ ዪኖ̇ ሶ̈ሊ ኢ ዎቲኖ ባዚን ኢጺ̇ዝ ኣሳን ዎይ ዬ̈ልቂ̇ዴ። ዎርዣ ዎይ ማ ኢ ኦ̈ኖ ጋራ̇ሚሲዝ ኦ̈ሳንባራ ዎይ ኡፋይቲ̇ዴ።
ሳና̈ፊጫ ጋ̈ዝ ታ̈ኪልት ኣ̈ፊን ሚሳ̇̈ሊ
ማ̈ርቆ̈ሳ 4፡30-32፤ ማ̈ቶ̈ሳ 13፡31-32
18ኢናፖ̇ ዬሱ̈ሲ ኢንታ̇ኮ “ጾ̈ሳ̇̇ ካ̈ቲቲን ኣብዝ ማይጻ̈ራ? ቴ ኢዞ ኣብዝባር ማይጺሳኖ? 19ኢዛ ፔቲ̇ ኣሲ ፌ ዎት ጋዲን ጋርታ̇ ኤ̈ጚ ዜርቂ̇ኖ ሳና̈ፊጫ ኣ̈ፊን ማይጻ̇̈ሬ። ኢዛ ዲጫ̇ራ ጴች ማ̈ቃ̇ዴ። ኣፋባር ፋሪዝ ካፋንሬ ኢዝ ሻቂን ጋልዳ̇ ፌ̈ብ ኬ̈ጺ̇ ዶኢ̈ዴ” ጌይዴ።
ኢርሻ ሚሳ̇̈ሊ
ማ̈ቶ̈ሳ 13፡33
20ማ ዓታ̇ር ኢ ኢንታ̇ኮ “ጾ̈ሳ̇̇ ካ̈ቲቲን ኣብዝባር ማይጺሳኖ” ጋ̈ር ኦይጪ̇ዴ። 21“ፔቲ̇ ኣሲንዳ̇ ዎይሊን ̈ል ኤካ̇ራ ሙኒቂ̇ኖ ሙኒቂን ካጻ̇ ዲንዳኒፌ̈ን ኢዝ ጋርታ̇ ሚሺኖ ኢርሺ̇ን ማይጻ̈ሬ” ጌይዴ።
ኩንእ ካራ
ማ̈ቶ̈ሳ 7፡13-14፥21-23
22ኢናፖ̇ ዓኒ ዬሩሳ̈ላም ሉኪ̇̈ርዶሪ ኢ ኣ̈̇ ሉኪ̇ዝ ካታማን ጋርታ̇ኬ ሳፋራን ጋርታ̇ ታማ̈ርሲ̇ሙታ̇ ሉኪ̇ዴ። 23ፔቲ̇ ኣሲ ኢ̈ክ ዬ̈ሪ “ጎዶ! ፋጺዛን ሙቃ̇ ኣስ ሙቲ̇ያ?” ጋ̈ር ኦይጪ̇ዴ።
ኢያር ኢንታ̇ኮ፤ 24“ኩንእ ካሪንባር ጌላንዳ̇ቦ ቲ̈ኒቲብቴ̇። ቴ ዪንታ̇ብ ሶ̈ላዚንዳ̇ ዎይሊን ኣሳን ኢዝባር ጌላንዳ̇ብ ኮዪ̈ርዶ̈ን ጌላንዳ̇ብ ዳንዳኢባ̈ሴ። 25ዪንቲ̇ ኣ̈ሊን ባ̈ባ̈ ዲንዳ̇ር ካሪን ዪብጺ̇ኖፖ̇ ዓኒ ዛ̈ና ኤቃ̇ሪ ‘ጎዶ! ኑ̈ብ ፊርቂ̇ሼ’ ጌዪ ሙታ̇ዶ̈ር ካሪን ቆንኪ ኤ̈̇̈ሬ።
ኢ ማ ዪንታ̇ኮ “ዪንቲ̇ ኦ̈ናኮ፥ ዎይዲፖ ዬይኖኮ ቴ ዪንታ̇ ኤራባሴ” ጋ̈ር ዪንታ̇ብ ማሂ̈ሬ።
26“ዪንታ̇ሬ ‘ኑ ኔባር ዎልኣ ሙዪ ኡሽኪ̇ ዎቲኒሽዋ፤ ኑ ዎ ካታሚን ጋርታ̇ሬ ኔ ኑ̈ና ታማ̈ርሲ̇ኔ’ ጌይሬ።
27“ኢ ዪንታ̇ኮ ‘ዪንቲ̇ ኦ̈ናኮ ማ ዎይዲፖ ዬይኖኮ ቴ ዪንታ̇ ኤራባሴ። ዪንቲ̇ ዉጫን ቴ ቲ̈ናፖ ፋኪ̇ብቴ̇’ ጌይሬ።
28“ዪንቲ̇ ኣብራሃ̈ማ፣ ዪሳ̈ቃ፣ ዓይቆ̈ባኬ ናባን ዎይ ጾ̈ሳ̇̇ ካ̈ቲቲን ጋርታ̇ ቤቃ̇ሪ ዪንቲ̇ ዪንታ̇ ቆሚ̇ን ማ ዛ̈ና ቶጚንቲ̇ ኣታ̇ዝ ኬል̇ ዪና̇ ኢዝባራ ዎዛርፌ̈ን ዬፊኬ ኣቺ ሙንትኬ ማ̈ቃ̇̈ርዶ̈ኔ? 29ኣሳን ኣዋ̈ፍ ኬሲ̇ፖ̇፣ ኣዋ̈ፍ ጌላፖ̇፣ ሲጛላፕኬ ኦፓ̇ፖ̇ ዬሪ ጾ̈ሳ̇̇ ካ̈ቲቲ ጋርታ̇ ዲጊ̇ሳ ሞ̈ንዳ̇ብ ዶኢ̈ሬ። 30ዎቲናካሬ ጋስ ኣቲ̇ኖን ጋርታ̇ፖ̇ ቲ̈ኒቲዛን፥ ቲ̈ኒቲኖ ኣሳን ጋርታ̇ፖ̇ ጋስ ኣቲ̇ዝ ኣሳን ዎ” ጌይዴ።
ዬሱ̈ሲ ዬሩሳ̈ላም ካታሚቦ̇ ዬ̈ኪ̇ዴ
ማ̈ቶ̈ሳ 23፡37-39
31ዪና̇ ኢዝባራ ፋራሳ̈ዋን ጋርታፖ̇ ፔቲ̇ ፔቲ̇ ኣሳን ዬ̈ሪ ዬሱ̈ሳኮ “ሄሮዶ̈ሲ ኔ̈ና ዎንዳ̇ብ ኮዪዛኮታ̇ቦ ዓንዳ̇ፖ̇ ዲንዳ̇ራ ሜላ ቤስ̇ ሉካ̇ቤ” ጌይዴ። 32ኢያር ኢንታ̇ኮ “ሉካ̇ር ዪ ዶ̈ባ̇̈ቦ ሶ̈ሊ̈ርዶ̈ሪ ‘ቴ ዓታ̇ብኬ ጊያ̈ቦ ኢ̈ት ኣያ̇ና ኬሳ̇̈ሬ፤ ማኖንር ፋ̈ሬ፤ ዓይዚ ቃምባራ ቴ ኦ̈ሲን ዉርሳ̈ሬ’ ጌይኔ ጌብቴ̇። 33ማ̈ቂ̇ናካሬ ናቢ ዬሩሳ̈ላማፖ̇ ሜላ ቤስ̇ ጋርታ̇ ዓይቃ̇ንዳቦ ኮሺባ̈ሴ። ዪ̈ኮታ̇ቦ ታ̈ኒ ዓታ̇ቦ፣ ጊያ̈ብኬ ዬንታ̇ ጌዳ ኢና ሉካ̈̇ሬ።
34“ናባን ዎዛንኬ ዪንታ̇ክ ኪ̈ቲንታ̇ር ሉኪ̇ኖ ኣሳን ሹችባር ቆጺ̇ ዎዝ ዬሩሳ̈ላም ኣሳን! ኩቶ ፌ ናኣን ፌ ካ̈ፒ̇ን ጻና ሺ̈ሻ̇ዚንዲ̇ፌ̈ኒ ታ̈ኒ ዪንታ̇ ሺ̈ሻ̇ንዳ̇ብ ኣ̈ፊን ቶህ ኮዪን ዪንቲ̇ ኢጺ̇ዴ። 35ዓ̈ዲሽ ቤቂ̇ብቴ! ዪንታ̇ ኣ̈ሊን ካይዝ ማ̈ቃ̇ር ኣታ̇̈ሬ። ቴ ዪንታ̇ብ ሶ̈ላዚንዳ̇፥ ዪንቲ ‘ጎዳ ሱምባር ዬይዛ ኢ ኣንጂንቲ̇ኖ̈ዳ’ ዪዝ ጌይዝ ዲራ̈ስ ዓኒፖ̇ ጌዳ ዪንቲ̇ ታ̈ና ቤቂ̇ባ̈ሴ” ጌይዴ።
Trenutno izabrano:
ሉቃ̈ሳ 13: ኦጫ̈ቃማ
Istaknuto
Podijeli
Kopiraj
Želiš li da tvoje istaknuto bude sačuvano na svim tvojim uređajima? Kreiraj nalog ili se prijavi
