Matthaw 15
15
PENNOD XV.
Christ yn argyhoeddi’r Ysgrifenyddion ar Pharisai, yn iachau merch y wraig o Ganaan, ac yn porthu y torfeydd.
1YNA’R ysgrifenyddion a’r Pharisai, y rhai oeddent o Ierusalem, a ddaethant at yr Iesu, gan ymofyn, 2Paham y mae dy ddisgyblion di yn troseddu traddodiad yr hynafiaid? canys nid ydynt yn golchi eu dwylaw pan fwyttaont fara. 3Ac efe a attebodd ac a ddywedodd wrthynt, A phaham yr ydych chwi yn troseddu gorchymyn Duw trwy eich traddodiad chwi? 4Canys Duw a orchymynodd gan ddywedyd, Anrhydedda dy dad a’th fam; a’r hwn a rho ddrygair i’w dad neu i’w fam lladder ef yn farw. 5Eithr yr ydych chwi yn dywedyd, Os dywed un wrth ei dad neu’i fam, y lles y cewch oddi wrthyf fi, ydyw fy rhodd i, etto ni ddianrhydedda ei dad neu’i fam. 6Ac fel hyn y gwnaethoch orchymyn Duw yn ddi-rym trwy eich traddodiad eich hun. 7Oh ragrithwŷr, da y prophwydodd Esaias am danoch chwi, gan ddywedyd, 8Y mae y bobl hyn yn nesâu attaf a’u genau, ac yn fy anrhydeddu a’u gwefusau; ond eu calon sydd yn pellhau oddi wrthyf. 9Ac yn ofer y’m anrhydeddant i, gan ddysgu yn athrawiaeth traddodiadau dynion. 10Ac wedi iddo alw y dyrfa atto, efe a ddywedodd wrthynt, Clywch a deallwch. 11Nid yr hyn sydd yn myned i mewn i’r genau sydd yn halogi dyn; ond yr hyn sydd yn dyfod allan o’r genau, hynny sydd yn halogi dyn. 12Yna y daeth ei ddisgyblion atto, ac a ddywedasant wrtho, A wyddost ti ymrwystro o’r Pharisai wrth glywed yr ymadrodd hyn? 13Ac yntau a attebodd ac a ddywedodd, Pob planhigyn yr hwn ni’s plannodd fy Nhad nefol a ddiwreiddir. 14Gadêwch iddynt: tywysoddion deillion i’r deillion ydynt. Ac os y dall a dywys y dall, y ddau a syrthiant yn y ffos. 15A Phedr a attebodd ac a ddywedodd wrtho, Eglura i ni y ddammeg hon. 16A dywedodd yr Iesu, A ydych chwithau etto heb ddeall? 17Onid ydych chwi yn deall fod pob peth sydd yn myned i mewn i’r genau yn cwympo i’r bola, ac yn cael ei fwrw allan i’r geudy? 18Eithr y pethau a ddeuant allan o’r genau, sy’n dyfod allan o’r galon; a’r pethau hynny halogant ddyn. 19Canys o’r galon y daw allan ymadroddion drwg, lladdiadau, godinebau, putteindra, lladradau, cam dystiolaethau, cablau. 20Dyma’r pethau sy’n halogi dyn: eithr bwytta â dwylaw heb olchi ni haloga ddyn. 21A’r Iesu a aeth oddi yno, ac a giliodd i dueddau Tyrus a Sidon. 22Ac wele, gwraig o Canaan a ddaeth o’r parthau hynny, ac a lefodd, gan ddywedyd wrtho, Trugarhâ wrthyf, Arglwydd, Fab Dafydd: y mae fy merch yn ddrwg ei hwyl gan gythraul. 23Eithr nid attebodd efe iddi un gair. A daeth ei ddisgyblion atto, ac a attolygasant iddo, gan ddywedyd, Gollwng hi ymaith; canys y mae hi yn llefain ar ein hol. 24Ac efe a attebodd ac a ddywedodd, Ni’m danfonwyd i ond at ddefaid colledig tŷ Israel. 25Ond hi a ddaeth ac a’i cyfarchodd ef, gan ddywedyd, Arglwydd, cymmorth fi. 26Ac efe a attebodd ac a ddywedodd, Nid da cymmeryd bara’r plant, a’i fwrw i’r cwn. 27Hithau a ddywedodd, Gwir yw, Arglwydd: etto y mae’r cwn yn bwytta o’r briwsion sy’n syrthio oddi ar fwrdd eu harglwyddi. 28Yna’r attebodd yr Iesu, ac a ddywedodd wrthi, Ha wraig, mawr yw dy ffydd: bydded i ti fel yr wyt yn ewyllysio. A’i merch a iachawyd o’r awr honno. 29A’r Iesu a aeth oddi yno, ac a ddaeth ger llaw llyn Galilaia ac a esgynnodd i’r mynydd, ac a eisteddodd yno. 30A daeth atto dorfeydd lawer, a chanddynt gyd â hwynt gloffion, deillion, mudion, anafusion, ac eraill lawer: a hwy a’u bwriasant i lawr wrth draed yr Iesu, ac efe a’u hiachaodd hwynt: 31Fel y rhyfeddodd y torfeydd, wrth weled y mudion yn llefaru, y rhai anafus yn iach, y cloffion yn rhodio, a’r deillion yn gweled: a hwy a ogoneddasant Dduw Israel. 32A galwodd yr Iesu ei ddisgyblion atto, ac a ddywedodd, Yr ydwyf yn tosturio wrth y dyrfa; canys y maent yn aros gyd â mi dridiau weithian, ac nid oes ganddynt i’w fwytta: ac nid ydwyf yn ewyllysio eu gollwng hwynt ymaith ar eu cythlwng, rhag eu llewygu ar y ffordd. 33A’i ddisgyblion a ddywedent wrtho, O ba le y caem ni gymmaint o fara yn y diffeithwch, fel y digonid tyrfa gymmaint? 34A’r Iesu a ofynnodd iddynt, Pa sawl torth sydd gennych? A hwy a ddywedasant, Saith, ac ychydig bysgod bychain. 35Ac efe a orchymynodd i’r torfeydd eistedd ar y ddaear. 36A chan gymmeryd y saith dorth, a’r pysgod, a diolch, efe a’u torrodd, ac a’u rhoddodd i’w ddisgyblion, a’i ddisgyblion i’r dyrfa. 37A hwy oll a fwyttasant, ac a gawsant eu digon: ac a godasant o’r briw-fwyd oedd y’ngweddill, saith fasgedaid yn llawn. 38A’r rhai a fwyttasant oedd bedair mil o wŷr, heb law gwragedd a phlant. 39Ac wedi iddo ollwng y torfeydd ymaith, efe a aeth i fâd, ac a ddaeth i barthau Magdala.
Trenutno izabrano:
Matthaw 15: JJCN
Istaknuto
Podijeli
Kopiraj
Želiš li da tvoje istaknuto bude sačuvano na svim tvojim uređajima? Kreiraj nalog ili se prijavi
Y Cyfammod Newydd gan John Jones. Argraffwyd gan John Williams, Llundain 1808. Cafodd y testun ei ddigideiddio gan Gymdeithas y Beibl yn 2021.
