Apositili 1
1
1Indongodzi dzila, dze ndakwandikye, ve lyâne Tejofili, ndikwandikye dzonda, dze amulaga Jesu nukulima nukuvulanidza, Luk. 1, 3.
2ndafike nadzo papaki-gono kikyo, kye inulilwa-ga kukyâńa, pe ahumile mukuvalagilila mwa Mubepo umwîmike avańi-gendwa vakwe, ve avahălile,
3vavo ku ve ivonesaga mûmi, pe ahumile mulupumuko, pakuva ivonesa-ga kolofu ulwidzelanika. Neke valolanage ifigono fińa-makyumi gataji (40), neke avalongelage nidza vutwa vwa Nguluvi.
4Neke pe alundine navo neke avalagilage ukuta: mutane ukuhega mu-Jelusaleme muno; hamu, muludzindilage uluhuvilo lwa dâda, lwe mulupulike nukwangu. Joh. 15, 26; Luk. 24, 49.
5Pakuva Johana adzabikilaga lu lulenga, neke uńeńe pasigye panaṅi, apo muladzabikilwa mwa Mubepo umwîmike. Mat. 3, 11.
6Neke avene, avalundine baho, neke vamuvudzage vatigilage: ve mutw’ave, vona pe pa kigono kikyo, kye ulamwimikila uvutwa vwakwe u-Jisilahele? Luk. 24, 21.
7Neke umwene apilusage atigilage: lusi lweńo nda pakufikagula nimyâka nisaîa, ifyo afigelanidze ju dâda pavutavulilwe vwakwe.
8Hamu, uńeńe mulanukila ingufu, pe alav’aku-vadzila u-Mubepo umwîmike neke mulavedza volesi vangu na mu-Jelusaleme na mu-Judaja na mu-Samaliti ukufika na kwe jidugye ińi.
9Neke lino baho, pe ahumile mukululonga ulu, neke baho inuswage vulolela ku vavo neke ilifunde limusīkage neke amîho gatane ukumuvona. Mal. 16, 19; Luk 24, 51.
10Neke lino avene, pe vaṅanukye kuko, pe ikwinuka kukyâńa, neke baho vonage avagosi vavili vimile bahe vali, vafwete imyênda imyêlu, Luk. 24, 4.
11vitigila: ńe va mu-Galilaj’ańe, mwimye kiki, muṅanukye kiki kukyâńa? U-Jesu uju, je mumuvwene ukusīkwa ukweńo ukuhe-lela kukyâńa, aladzila kangi gi migendele gigyo, gye mumuvwene ukwinuka kukyâńa. Luk. 21, 27.
12Neke baho vasedukilage ukuhelela ku-Jelusaleme ukuhuma pakidunda, kye vitigila kimono, ikili pîpi na Jelusaleme, kili paluvala lwa ṅasi, ijili vugendo pa ńwabaha. Luk. 24, 50. 52. 53.
13Neke lino vavye vadzifike neke vinukage ińumba ija kukâno, kwe vavujilaga mbêpali na Petele na Johana, na Jakovo na Andeleja, na Filipu na Toma, na Balatolomaja na Mataja, na Jakovo umwa-Alifwaja na Simono umupifu, na Juda umwa-Jakovo. Luk. 6, 13-16.
14Neke ava vonda vadadambalilaga pakulapangila, vali mutima gumwinga, navakiṅinavo ṅani, na Malija, uṅina va Jesu, na vanakwavo va Jesu. 2, 1; Joh. 7, 3.
15Neke lino ifigono fifyo neke image u-Petele pagati pavańigendwa avaja-gwe. [Neke avene, avalundine, pakuvala amatavwa kwigana na makyumi gavili vafikye.]
16Neke atigilage: ńe vâne, ńe vańa-ṅolo vesu, nadzo dzali ńakwadza idzolilwe, dzila dze alongye u-Mubepo mumulomo gwa Davidi, dzila dze amulongaga u-Juda, je avalongolye avańa-kumwì-bata Jesu,
17pakuva nave avalililwe pamwi nanefwe, nave atavulilwe umugavo gwa malimo aga.
18Neke uju lino akasa-vile akańi nifya paluho mbo lwakwe uluhaluka, kangi asangwike kukyâńa, agwe vulongodzamutwe neke apwefukage pagatinagati neke vusukulwage nuvutumbu vwakwe vonda. Mat. 27, 3-10.
19Neke idzi dzipulise kuvonda, avadzengile mu-Jelusaleme muno, ikileka nakańi kala katambulwage ilya Hakeledama pa udongele janavo, kwe kuta: eńi ińi-danda.
20Pakuva muhâte ja ndzimbililo lolilwe ulwakuta: „ikâja jakwe ńa-ku-dzuka luṅalaṅala, atane uukuvoneka umuńa kudzenga mumo“ nulwa kuta: „Na muvwimilidzi vwakwe namó ahomelage ujungi.“
21Neke lino avagosi, ve twavedzasaga imyâka gyonda, pe sali ave ivujila umutwa visu Jesu ukwesu muno, Joh. 15, 27.
22avāmulye pa pe adza-bikaga u-Johana avafikile pa pakigono, kye inukye u-Jesu kukyâńa, ve avagye jumwi adzukage molesi mujisu, uvakolela ukuta: adzulubwike umwene.
23Neke baho vavabagulage vavili, na Josefe, je vatigilaga Balasaba, ilipelwa ilingi ali je Jusutu, na Matija.
24Neke baho valapangilage vatigilage: ve mutwa, ve mukagula-numbula dza vonda, usōne, je umuhalíle uveve kuvavili ava,
25umuńa-kuhomela pavulimilavangi uvu na pa vu-Apositili, vwe avulekile u-Juda, pe ahelelaga pavwikalo uvwakwe ju mwene.
26Neke baho vasŏlanilage isŏlo, neke baho isŏlo neke jimugwilage u-Matija. Neke baho vatigilage va kuvalilwa pamwi na vanikyumi na jumwi lino.
Trenutno izabrano:
Apositili 1: II
Istaknuto
Podijeli
Kopiraj
Želiš li da tvoje istaknuto bude sačuvano na svim tvojim uređajima? Kreiraj nalog ili se prijavi
New Testament in Bena © Bible Society of Tanzania, 1958.