Махьтвеест 20
20
Кухтлогант алкхэш.
1Тэн гуэйк што ли альм‐царства эвт налла пэрт хозьенійн, ку инцек айгалт ливтій пальхктед туй‐олмыйт иджес вын‐мурь‐айто.
2И куэсь сон синый гуэйм шитій арвайн эвтій динареій пяйва, сон вулгехт синыйт иджес вын‐мурь‐айто.
3Куэсь сон ливтій олгус коалмант чяс бале, сон уйній нумбійт чуэнчмен кахп‐саест туеха.
4И сійе цилькій: мэннэд и тій мунэ вын‐айта, и ми тійе вульгинч, антам тійе. Сій вулькин.
5Васьт ливтій кудант чяс бале и авцант чяс бале, и туишт тэн‐ше.
6Кячча, куэсь сон ливтій эхтемплогант чяс бале, сон ковный нумбійт туеха чуэнчмен, и сарн сійе: мэйт тій туеха чуэнчбеттед тасьт кяджас піейве?
7Сій сарнеб сонне: ни кіе ій пальхктанч миныйт. Сон сійе сарн: мэннэд и тій мунэ вын‐айто, и ми тійе вулькинч, линчбеттед вальтед.
8Ну куэсь шэндій іекнанч, цялхк вын‐айдэ хозьен иджес вирма олмне: кочь туешеійт, аньт сійе пальк, алкехт маӈемузійн авдьмузій райя.
9И кок путтин эхтемплогант чяс бале, вальтин эвтій динареій.
10А кок путтин авдьмузе, юрьтин, што валь?-?теп іенамп; а и сій вальтин эвтій динареій.
11И куэсь сій вальтин, и алькин пэрт хозьене элэ артэд.
12И сарнун: так маӈемузе туешин эвт чяс, и тон пійих синыйт эвт райя миный гуэйм, кок куньдим піейве лоссэдвудэ и паштэг.
13А сон вуэста цилькій эхте синест: виль! мун ым віерехт тонэ логест; ыкка тон сіехтманч муныйн эвтед динареест?
14Вальт иджант, и мэнэ; а мун татам аньтед тэлайне маӈемуссе тэн‐ше, кон и тонне.
15Ійя мунэ ля валт иччан лыкест туешед, мэйт татам? Или ли тонэ чальм анес верес еалэ элэ тэн гіеччен, што мун лям шиг?
16Нит линчин маӈемуз авдьмуссен, и авдьмуз линчин маӈемуссен; тэн гуэйк што ли іеннег кохчманч, а ванас ли валэшанч.
17И вулькій Исус паяс Іерусалимма, и варест коччай кухтемплокь уэпсувьеттед рявна эвтійт, и цилькій сійе:
18Кич, мій мэннэп Іерусалимма, и олмо альк лянч антанч шуремус папыйт, и кирькидійт, и судэш?-?куэдет сонэ сорма;
19И аньтет сонэ тортмас олмыйт окнахтем варас, куппэм варас, и ристе‐саньтем варас; и коалмант пяйва сон еаллай.
20Танна пудій сонне Зеведее эльгій іен иджес эльгій гуэйм, коммэрдэлэй, и мэйт лянч анай сонст.
21Сон цилькій сонне: мэйт тон татах? Сон сарн сонне: ціельк, што так кухт мунэ альге ыштчин Тонэ лузэ эхт уэльгис пялла, а нумпь чинч пялла Тонэ царствест.
22Исус цилькій вуэста: іеппед тиде мэйт ан?-?беттед. Уэйбеттед, іеппед юккэд тэн напь кон мун югэшкоадам, или рыстнэттед тэйн рыстнэтмужійн, койн мун рыстнэдам? Сій сонне цильхкин: уэйеп.
23И сарн сійе: мунэ напь линчбеттед юккэд, и рыстнэтмужійн, койн мун рыстнэдам, линчбеттед рыстнэттед; а ыштед уэльгис пялла и чинч пялла мунэ лузэ, илля мунэ аньтмест, а кіез мунэ ачь валмышт.
24Куэсь іерес локь уэпсуввэе куллин тан, сій сіентин куйт вильле элэ.
25А Исус коччай синыйт и цилькій: тій титбеттед, што олмый царэ синый альн аннеб царвудэ, и шур‐олмо валт аннеб синый альн.
26А тиный кэскест ій биде нит ліеде: а кіе тахт тиный кэскест шуремуссен ліеде, сонне быт тійе слушьен ліеде.
27И кіе тахт тиный кэскест автьмуссен, сонне быт тійе ліеде пакэлвэссен;
28Нит готь олмо альк ій тэн варас поаттанч, што сонне слушчиш, а слушшед пудій, и аньтед иджес инк, іенгій лонесем варас.
29И куэсь сій вулькин Іерихонест; синый мильт пудій іеннэг олмнеттед.
30И кич, кухт чальмхеммес, кок оррун чуэкас гурест, куэсь сій куллин, што Исус ман рае, алькин кукхэллэд: шалэшт миныйт, Господи, Давыд альк!
31А олмо пахкун синыйт оррэд инэха; а сій вял чувьтамп кукхэлшкуттин: шалэшт миныйт, Господи, Давыд альк!
32Исус іэскій, коччай синый альтла, и цилькій: мэйт тій тахтбеттед мунст?
33Сій сарнеб сонне: Господи, што авнехчин минест чальме.
34Ну Исус шалэштлувый, кускый синэ чельмійт; и тестханна уйнешкуттин синэ чальме, и сій вулькин сонэ мильт.
Trenutno izabrano:
Махьтвеест 20: Kildin
Istaknuto
Podijeli
Kopiraj
Želiš li da tvoje istaknuto bude sačuvano na svim tvojim uređajima? Kreiraj nalog ili se prijavi
Евангеліе отъ Матеен, изданное Обществомъ Распространеиія Библін въ Велико‐Британін и въ другихъ странахъ (British and Foreign Bible Society) 1878.
