Махьтвеест 19
19
Ахцемплогант алкхэш.
1Куэсь Исус луптій тайт сагыйт; танна сон вульгій Галилеест, и пудій Іудее чорро Іордан туэкка.
2Сонэ мильт іеннег пудій олмнеттед, и сон тирвхэттій синыйт томбет.
3И путтин сонне фарисее, и сонэ кихчлем варас цильхкин сонне: лійя олмне валт юкке ашшест раткьед иджес капгест?
4Сон цилькій сійе вуэста: іеппеда тій локманч, што ку сидій алькей айгест, алм‐олмо и нызан‐олмо сидій синыйт?
5И цилькій: тан мильт куэт олмунч аджес и іеннес, и ахт иджес капка, и линчин кухт эвт лышка.
6Нит што сій уже іеб лях куэхтасьт, а эхт лишк. І нит, мэйт Иммель эхтедь, тэн олмне ій биде ратькед.
7Сій сонне сарнеб: ну мэн гуэйк Мойсей пакай аньтед раткьем‐кирь, и раткьед сонст?
8Сон сійе сарн: Мойсей, тинэ кэр кутькій гуэйк, тійе аньдій валт раткьед иджант акійн; а алькмен иллинч нит.
9А мун тійе сарнам: кіе раткай иджес капгест іерес туест го ряхктувмуж гуэйк віерсій гуэйм, и найхтлат нумпа; тэт ли віерсій гуэйм рякланч; и кіе найхтлат ратканч капка, ли віерсій гуэйм рякланч.
10Сарнеб сонне сонэ уэпсуввэе: кохт олмунч нит лянч корманч иджес капка; то пурямп сонне ли ій найхтлэттед.
11А сон сійе цилькій: ій пукыйт тат сань чоагэ, а кіез ли антанч.
12Тэн гуэйк што ліеб кацканч олмо, кок іеннес човьест шеньтин нит; и ліеб кацканч олмо, кок ліеб кацканч олмый гіеччен; и ліеб кацканч олмо, кок иджа кацкин иджес альм царства гуэйк. Ку оай чагенед, ань чагянт.
13Танна похтанч лійин сонне парна, што пі?-?яхч синый элэ кидійдис, и коммэрдэлахч; а уэпсуввэе сивтин синыйт.
14Ну Исус цилькій: лушьтед парнайт, и іеллед цавцед синыйт потлеммен мунэ горра; тэн гуэйк што теле‐мукмій ли альм‐царства.
15И пиій синый элэ кидійдис и вульгій тампе.
16И кич, пудій эхт олмунч и цилькій сонне: шиг уэпсей! мэйт мынне быт туешед шикнійт, тэн варас, што мынне лехч аге‐еалмуш?
17Ну сон цилькій сонне: мэйт тон коччах мунэ шикнен? Ни кіе иллях шиг, готь эхт Иммель. А готь тон татах мэннэд аге‐еалмушше; тульэде (Иммель) пахк?-?мужій мильт.
18Сарн сонне: мэй мильт? Ну Исус цилькій: іель коньт, іель ряхктув віерсій гуэйм; іель суэлэнт; іель сарн кіелес чор‐олмо‐сагыйт;
19Ане аджант еаннант шуррэн, и шобешт иджант альтмуз, готь ич иджант.
20Нур олмунч сонне сарн: тан пук мун пинь?-?ним иччан нурвудест; ми мунст вял ій оалэ?
21Исус цилькій сонне: го тон татних ліеде тивт налла; мэнэ, мигэ иджант еалмужэ, и юге вайв?-?сійт; и тонне лянч еал альмест; и пуэде, ваньц мунэ мильт.
22Куэсь кулый нур олмунч тан сане; сон вань?-?цій тумпьла пяцлест; тэн гуэйк што сонст ляй іеннэг еаллэд.
23А Исус цилькій иджес уэпсувьійт: вуйкест сарнам тійе, лоссэд ли ваптекке мэннэд альм‐царства.
24И вял сарнам тійе: кіепсамп ли верблютте мэннэд нивле пэтташ чэдэ, го ваптекке мэннэд Иммель царства.
25Готь сонэ уэпсуввэе тан куллин, сій чуэвта суркнин и цильхкин: кій оай шыт піестхуввед?
26А Исус кичист синэ элэ, цилькій сійе: тат олмуйт иллях махт туешед, а Иммель пук оай.
27Танна Піедар цилькій сонне вуэста сане: кич, мій кудим пук, и вульким тонэ мильт, ми шыт лянч мійе?
28Ну Исус цилькій сійе: вуйкест тійе сарнам, што тій, кок мунэ мильт вулькійт, оттест шэнтмужест, куэсь ышт олмо альк иджес славе ыштем‐сайя, и тій ыштбеттед кухтемплоге ыштем‐сайя, суттэд Израилэ кухтемплоге пулвдэккед.
29И юкьянч, ку куэт иджес пэртійт, или вильлійт, или уэрпнійт, или аджес, или іеннес, или капкес, или парнайдис, или іемнійдис мунэ нэмэ гуэйк, сон оанч чуде вуэрред іенамп, и лянч сонне аге еалмуш.
30А іеннэг лянч автьмуссед маӈемуссен, и маӈемузэ линчин автьмуссен.
Trenutno izabrano:
Махьтвеест 19: Kildin
Istaknuto
Podijeli
Kopiraj
Želiš li da tvoje istaknuto bude sačuvano na svim tvojim uređajima? Kreiraj nalog ili se prijavi
Евангеліе отъ Матеен, изданное Обществомъ Распространеиія Библін въ Велико‐Британін и въ другихъ странахъ (British and Foreign Bible Society) 1878.
