Махьтвеест 16
16
Куттэмплогант алкхэш.
1И путтин фарисее и саддукее, и, сонэ кихчлем варас аннун вузьхед синыйт вузьхемуж альмест.
2А сон вуэста цилькій сійе: іекна тій сарнбеттед: лянч шиг шэӈ, тэн мильт што ли альм рупсед;
3И инцек: тарьм лянч абр‐шэӈ, тэн мильт што ли альм рупсес‐чоахпес. Тій кухтла! маньтем ли альм, тій тэн уэйбеттед ратькед; вай палій титыйт іеппед мать.
4Нюэзес и ріехк‐туешей пулвдэг оц тиныйт; и тихт ій энто сійе, Іона пророк титха. И кудій синыйт, и вульгій.
5И куэсь сій вулькин нумпь пялла, сонэ уэпсуввэе оайлэхтин вальтем лійбійт.
6Цилькій сійе Исус: кихчед, варьдуввед фарисеій и саддукеій вашнест.
7Ну сій юрьтин кэскнис и сарнун: тат ли, што мій лійбійт іеп валтанч.
8Го Исус тан тидій, сон цилькій сійе: мэйт иджсант юрьтбеттед, вань‐віерла, што лійбійт іеппед валтанч?
9Вяла тій іеппед антэшт и іеппед мушть выт ліейбе выдэ тофант олмый варас, и мэн віерьт тій кушшед копчійт?
10И киччем ліейпед ніельле тофант элэ олмнеттед, и мэн віерьт кушшед тій копчійт?
11Кохт іеппед тольхке, што ым лійбій майнест цялхканч тійе: варедуввед фарисеій и саддукеій вышнест?
12Танна сій оскун, сон пакай сійе варедуввед ій ліейп‐вашнест, а фарисеій и саддукеій уэпсемест.
13А куэсь Исус пудій Иллип Кесарее іемня, сон кэджій иджес уэпсувьійн: кіен эвтель олмо аннеб мунэ, олмо альге?
14Сій цилхкин: эвт Эвван Рыстее эвтель, еарас Ильле эвтель, мута Іеремее эвтель или эвт пророк эвтель.
15Сон сарн сійе: а тій кіен эвтель локбеттед мунэ?
16Ну Сымман Піедар цилькій сонне сане вуэста: Тон лях Христос, іеллее Иммель альк.
17Танна Исус цилькій сонне вуэста: оазлэш тон, Сымман Іона альк, тэн гуэйк што ни лишк ни вэр іет вузеханч тонне тан, а мунэ ачь, ку ли альмійн.
18И мун тонне сарнам: тон лях Піедар, и тан калле элэ мун сядам иччан ціеркев, и адэ увс іеб уэйт сонэ.
19И антам тонне альм‐царства лохк‐чувтгійт; и мэйт корних іемней альн, тэт лянч и эльмійн корманч; и мэйт тон іемней альн чоавдах, тэт лянч чоавданч эльмійн.
20Танна Исус кильдій иджес уэпсувьійт, што ни кіез іеб цялкче, што сон ли (Исус) Христос.
21Теде палест Исус альгій иджес уэпсувьійт аньтед тіетмуж, што сонне быт вулькед Іерусалимма, и іеннэг вайвед вальтед поарсемужійн и шуремус папыйн и кирь‐кидійн, и контьед; и коалмант піейве еалъед,
22И коччай Піедар сонэ лапта, и сарнашкудій сонне вуэста: лехчих тон лаввед иджант варас, Господи, што тат ій линче тонне.
23А сон коввусь маст и цилькій Піедре: мэнэ паго мунст сатана: тон коччах мунэ пас лэхко; тэн гуэйк шго тон юрдах, ык тэн ку ли Иммеле, а тэн, ку ли олмый.
24Танна Исус цилькій иджес уэпсувьійт: кіе татанч мунэ мильт вулькед, пяхтэдэ иджсант, и вальт рыстант, и пуэде мунэ мильт.
25Тэн гуэйк што кіе тахт иджес иӈк варедед; тэт кадахт сонэ; а кіе кадахт иӈкес мунэ гуэйк; тэт кавн сонэ.
26Ми лянч олмне віехквудійт, го сон кавэсинч пук мырэ, а чудзахт иӈкэсъ? Или маньтем оастмуж ант олмунч иджес иӈкэ эвтель!
27Тэн гуэйк што поат олмо альк иджес адже коаргест Іеӈкліидис гуэйм; и танна ант юкьинче сонэ туій мильт.
28Вуйкест тійе сарнам: ліеб куэ‐ля‐кіекхен тасьт чуэнчьійн, кок іеб уйн сорьмес эвтель, кон сій іеб уйн олмо парьне вардем иджес царствест.
Trenutno izabrano:
Махьтвеест 16: Kildin
Istaknuto
Podijeli
Kopiraj
Želiš li da tvoje istaknuto bude sačuvano na svim tvojim uređajima? Kreiraj nalog ili se prijavi
Евангеліе отъ Матеен, изданное Обществомъ Распространеиія Библін въ Велико‐Британін и въ другихъ странахъ (British and Foreign Bible Society) 1878.
