ԾՆՈՒՆԴՔ Գլուխ ԻԹ
Գլուխ ԻԹ
1 Եւ զոտս իւր ամբարձեալ Յակոբայ գնալ յերկիրն արեւելից, #29։1 ՅԵբր. պակասէառ Լաբան որդի Բաթուելի Ասորւոյ, եղբայր Ռեբեկայ, մօր Յակոբայ եւ Եսաւայ։՝՝ 2Եւ հայեցաւ եւ ահա ջրհոր մի ի դաշտի անդ. եւ էին անդ երեք հօտք խաշանց մակաղեալք ի նմա, եւ ի ջրհորոյն յայնմանէ արբուցանէին զխաշինսն. եւ վէմ մի մեծ կայր ի վերայ բերանոյ ջրհորոյն։ 3Եւ անդր ժողովէին ամենայն հօտք, եւ տապալէին զվէմն ի բերանոյ ջրհորոյն, եւ տային ջուր խաշանցն, եւ կափուցանէին զվէմն ի բերան ջրհորոյն անդրէն ի տեղի իւր։ 4Եւ ասէ ցնոսա Յակոբ. Եղբարք, ուստի՞ էք դուք։ Եւ նոքա ասեն. Ի Խառանէ եմք։ 5Ասէ ցնոսա. Գիտէ՞ք դուք զԼաբան զորդի Նաքովրայ։ Եւ նոքա ասեն. Գիտեմք։ 6Ասէ ցնոսա. Ո՞ղջ իցէ։ Եւ նոքա ասեն. Ողջ է։ Եւ ահա Ռաքէլ դուստր նորա #29։6 Եբր. գայգայր ընդ խաշինսն։ 7Եւ ասէ Յակոբ. Դեռ աւուր շատ կայ, չեւ եւս է ժամ խաշանցդ ժողովելոյ. արբուցէք խաշանցդ, եւ երթայք արածեցէք։ 8Եւ նոքա ասեն. Չէ հնար թէ մինչ ոչ ժողովիցին ամենայն հովիւք, եւ տապալիցեն զվէմդ ի բերանոյ ջրհորոյդ, եւ արբուցանիցեմք խաշանցս։ 9Մինչդեռ նա ընդ նոսա խօսէր, ահա Ռաքէլ դուստր Լաբանու գայր ընդ խաշինս հօր իւրոյ. քանզի նա արածէր զխաշինս հօր իւրոյ։ 10Եւ եղեւ իբրեւ ետես Յակոբ զՌաքէլ դուստր Լաբանայ եղբօր մօր իւրոյ, եւ զխաշինս Լաբանայ եղբօր մօր իւրոյ, եւ մատուցեալ Յակոբ տապալեցոյց զվէմն ի բերանոյ ջրհորոյն, եւ արբոյց խաշանցն Լաբանու եղբօր մօր իւրոյ։ 11Եւ համբուրեաց Յակոբ զՌաքէլ, եւ ձայն եբարձ եւ ելաց։ 12Եւ պատմեաց Յակոբ Ռաքելայ եթէ եղբայր հօր նորա է, եւ որդի Ռեբեկայ. եւ ընթացաւ պատմեաց հօր իւրում #29։12 ՅԵբր. պակասէըստ բանիցս այսոցիկ՝՝։ 13Եւ եղեւ իբրեւ լուաւ Լաբան զանուն Յակոբայ որդւոյ քեռ իւրոյ, ընթացաւ ընդ առաջ նորա, գիրկս արկ եւ համբուրեաց զնա, եւ տարաւ զնա ի տուն իւր. եւ պատմեաց Լաբանու զամենայն զբանս զայսոսիկ։ 14Եւ ասէ ցնա Լաբան. Յոսկերացս իմոց եւ ի մարմնոցս իմոց ես դու։ Եւ էր ընդ նմա ամսօրեայ մի ժամանակ։
15Եւ ասէ Լաբան ցՅակոբ. Զի եղբայր իմ ես դու, #29։15 Եբր. միթէ ծառայեսցես ինձ ձրի՞ոչ ծառայեսցես ինձ ձրի՝՝. յայտ արա ինձ զինչ իցեն վարձք քո։ 16Եւ Լաբանայ էին երկու դստերք. անուն երիցուն Լիա, եւ անուն կրտսերոյն Ռաքէլ։ 17Եւ աչք Լիայ գիջագոյնք, բայց Ռաքէլ բարի էր տեսլեամբ եւ գեղեցիկ երեսօք։ 18Եւ սիրեաց Յակոբ զՌաքէլ. եւ ասէ. Ծառայեցից քեզ եւթն ամ վասն Ռաքելայ դստեր քո կրտսերոյ։ 19Եւ ասէ ցնա Լաբան. Լաւ իցէ՝ քեզ տալ զնա քան տալ զնա առն օտարի. բնակեա դու ընդ իս։ 20Եւ ծառայեաց Յակոբ վասն Ռաքելայ ամս եւթն. եւ էին յաչս նորա իբրեւ աւուրք սակաւք, քանզի սիրէր զնա։
21Եւ ասէ Յակոբ ցԼաբան. Տուր ինձ զկին իմ, լցեալ են աւուրք, զի մտից առ նա։ 22Եւ ժողովեաց Լաբան զամենայն արս տեղւոյն, եւ արար հարսանիս։ 23Եւ եղեւ երեկոյ, առեալ Լաբանու զԼիա դուստր իւր տարաւ առ Յակոբ, եւ եմուտ առ նա Յակոբ։ 24Եւ ետ Լաբան զԶելփա զաղախին իւր նաժիշտ դստեր իւրում Լիայ։ 25Եւ իբրեւ այգ եղեւ, եւ ահա Լիա էր. եւ ասէ Յակոբ ցԼաբան. Զի՞նչ գործեցեր զայս. ո՞չ վասն Ռաքելի ծառայեցի քեզ. ընդէ՞ր խաբեցեր զիս։ 26Ասէ Լաբան. Չեն օրէնք յաշխարհի մերում տալ նախ զկրտսերն քան զերէց։ 27Արդ կատարեա #29։27 Եբր. զեւթներորդն սորաեւթն եւս ամ ընդ նորա՝՝, եւ տաց քեզ եւ զնա փոխանակ վաստակոցն զոր վաստակեսցես ինձ զեւթն ամ եւս այլ։ 28Արար այնպէս Յակոբ, եւ կատարեաց #29։28 Եբր. զեւթներորդն նորաեւթն եւս ամ ընդ նորա՝՝. եւ ետ նմա Լաբան զՌաքէլ դուստր իւր կնութեան։ 29Եւ ետ Լաբան Ռաքելի դստեր իւրում զԲալլա զաղախին իւր նաժիշտ։ 30Եւ եմուտ առ Ռաքէլ, եւ սիրեաց զՌաքէլ քան զԼիա. եւ ծառայեաց նմա այլ եւս եւթն ամ։
31Իբրեւ ետես Տէր եթէ ատելի է Լիա, եբաց զարգանդ նորա. բայց Ռաքէլ ամուլ էր։ 32Եւ յղացաւ Լիա, եւ ծնաւ որդի #29։32 ՅԵբր. պակասէՅակոբայ, եւ կոչեաց զանուն նորա #29։32 Այսինքն՝ տես որդիՌուբէն. ասէ. Զի ետես Տէր զտառապանս իմ, արդ սիրեսցէ զիս այր իմ։ 33Յղացաւ դարձեալ #29։33 ՅԵբր. պակասէԼիա եւ ծնաւ երկրորդ որդի #29։33 ՅԵբր. պակասէՅակոբայ, եւ ասէ. Զի լուաւ Տէր եթէ ատեցեալ եմ, եւ յաւել ինձ զսա. եւ կոչեաց զանուն նորա #29։33 Այսինքն՝ լսելՇմաւոն։ 34Եւ յղացաւ եւ ծնաւ որդի, եւ ասէ. Արդ առ իս եղիցի այր իմ, զի ծնայ նմա երիս որդիս. վասն այսորիկ կոչեաց զանուն նորա #29։34 Այսինքն՝ յարումնՂեւի։ 35Եւ յղացաւ դարձեալ, ծնաւ որդի, եւ ասէ. Զայս միւսանգամ գոհացայց զՏեառնէ. եւ կոչեաց զանուն նորա #29։35 Այսինքն՝ գոհութիւնՅուդա. եւ եկաց ի ծննդոց։
Trenutno izabrano:
ԾՆՈՒՆԴՔ Գլուխ ԻԹ: ԳՐԲ1895
Istaknuto
Podijeli
Kopiraj
Želiš li da tvoje istaknuto bude sačuvano na svim tvojim uređajima? Kreiraj nalog ili se prijavi
Հայաստանի Աստվածաշնչային Ընկերություն, 2018
Bible Society of Armenia, 2018