DEDI 6
6
Na akatu-na na tau
1Tunaka nu ba na-bonjangu-ka padangu na tau dàngu ba na-tanyalangu-ka la pa-nggubulu awangu, dàngu ba dadedi-ka da anakeda kawini, 2tàka da tau da maana - ana Alaha#da tau da maana - ana Alaha; jàka ndia: da anada da paalangu, jàka ndia, da ana Ala. ba daita-haka da bidi kawini ba da-manandangu. Nu ka kanoma-danjaka da bidi kawini da pambuha-da. 3Ka tungu-nanyaka liina i MIRI, “Nyungga nda ku-pahia-anyapa na tau ka naluri panga - ngalangu, nyuda pa-padikangu manda payatangu-ha, hi lupangu dameti. Piti welingu nàhu na malai lurida napa nda nahilu rihi-apa welingu la 120 ndaungu,” wànaka. 4La manggawa rehi nuna, dàngu la hambeli-na nuna, ninja da tau da mahama milimungga-ha la pinu tana. Nyuda nu wàla wuada da bidi kawini da ma-mangoma la tau da maana Alaha. Nuda da tau da mahama milimungga-ha jia-haka da ma-kaborangu bokulu da tau da mahunga tamuda la rehi la handàka-na.
5I MIRI naita-mayaka ba kanjupu akatu-mayaka na tau la pinu tana; mbuu ndàbana na kanandingu-da akatu mànu-ma-ayaka. 6Ka halaera-nanyaka Nyuna ba mbàda wulu-nahaka dàngu ba na-bànjalu haka la pinu tana. Kanjupu halaya na etina, 7hi napanii, “Napa ku-pamolu-nya na tau na pa-padika-nggu, dàngumbu mbuu ndàbada da ma-hawurungu dàngu da banda hawiangu, nadu ba halaera-kika ba mbàda padika-nggunjaka,” wàna. 8Na nyuna i Nuhu naliya na etina i MIRI.
I Nuhu
9-10Yiana-yaka na rukuna i Nuhu. Dadua haàtu da anana mini, i Hemu, i Yapitu dàngu i Hàmu. I Nuhu nda nawunda-a manjala, dàngu didi-ma-ayaka nyuna na tau hàmu la manggawa rehi nuna. Kadeki-mananya i Ala la lurina nyuna. 11Tàka mbuu ndàbana na tau hawiangu ma-akatu hàlaya la hanggana i Ala, dàngu la nggi - nggini mbana eti ju - jua-ma-ayaka. 12Ba nailu-yaka na pinu tana paraïna i Ala, ma-akatu-ma-ayaka na paita-na, nadu mbuu ndàbana na tau ba na-akatu hàla na lurina.
13Hàla tuu-nanyaka liina i Ala lai Nuhu, “Nyungga kubota-yaka la pa-panjàpu-ya na lurina mbuu ndàbana na pa-padikangu. Napa ku-pamolu karia-nja dàngu na pinu tana, nadu na pinu tana ba mbinu wàngu bia-nanyaka mbana etida nyuda. 14Pandoi-wa kapalu ndumamu nyumu welingu la ai kalatungu, pandoi-manya kuru - kurungu-na hu daa, dàngu peri wànya teru la kuruna dàngu la hambeli-na. 15Nuna na kapalu màta ka 133 metiru na madita-na, 22 metiru na ndàbaru-na dàngu 13 metiru na janggana. 16Pandoi-nya toku ndiduna#toku ndiduna; jàka ndia: katonga-na. na kapalu, na manggawa toku ndiduna dàngu dindina 44 hiti metiru-na. Pandoi-ya na kapalu ka na katailu ndàdikungu, dàngu tunya hau pindu la karaha-na.
17Napa ku-patàka-nya na iwa obungu ka na-pamolu hàlaya nggàra biaya na pa-padikangu na maluri la pinu tana. Mbuu ndàbana na maninya la pinu tana napa nameti, 18tàka jàka jiakau Nyumu, ka ku-paràndi dànya wànggunggau. Tamawa daa la kapalu nuna kariangu dàngu papaha-mu, dàngu da anamu lupa da papaha-da. 19-20Ngàndiwa daa la kapalu heu mini dàngu heu baina welingu la nimbihu ngara ma-hawurungu dàngu da banda hawiangu, ka àmbu damolu pa-kariangu. 21Ngàndimbu mbuu ndàbada da ngara pangangu ndumami nyimi dàngu nuda da banda,” wànanya. 22I Nuhu nanunju hàla-maha mbuu ndàbada da pa-pareta-na i Ala lai nyuna.
Trenutno izabrano:
DEDI 6: KAM
Istaknuto
Podijeli
Kopiraj
Želiš li da tvoje istaknuto bude sačuvano na svim tvojim uređajima? Kreiraj nalog ili se prijavi
@LAI 1995 Indonesian Bible Society (Lembaga Alkitab Indonesia)