KEUJADIAN 12
12
Brahim geutawök lé Po teu Allah
1 #
Kis. 7:2-3; Ibr. 11:8 Tuhan meufeureuman ubak Brahim, “Gata tinggai kheueh nanggroe gata, waréh kawöm gata dan rumoh ayah gata, dan gata jak kheueh laju u nanggroe nyang teuma Ulôn tunyok ubak gata. 2Ulôn teuma Lôn bri ubak gata keuturonan nyang le dan Lôn peujeuet keuturonan gata nyan keu bansa-bansa nyang rayeuk. Ulôn teuma Lôn bri beureukat ubak gata dan Lôn peumeusyeuhu nan gata bansigom donya, akhé jih gata teuma jeuet keubeureukat.
3 #
Gal. 3:8
Ulôn teuma Lôn bri beureukat keu ureuëng-ureuëng nyang bri beureukat ubak gata
dan Lôn kutok ureuëng-ureuëng nyang kutok gata.
Dan sabab gata
Ulôn teuma Lôn bri beureukat ubak banmandum bansa nyang na di ateueh bumoe.”#Dan sabab … bansa di ateueh bumoe; atawa Banmandum bansa teuma jimeulakée ubak Ulôn mangat Lôn bri beureukat awaknyan lagée nyang ka Ulôn bri beureukat ateueh gata.
4-5Brahim ka meu-umu 75 thon watée geutinggai Haran, lagée nyang ka geupeurintah lé Tuhan ubak gobnyan. Brahim geujak u tanoh Kanaan meusajan-sajan ngon Sarai peurumoh gobnyan, dan Lot aneuk kumuen gobnyan, meunan cit banmandum hareuta beunda gobnyan dan namiet-namiet nyang geuteumé watée di Haran.
Óh watée awaknyan ka troh u Kanaan, 6Brahim laju geujak-jak bansaboh tanoh nyan sampoe gobnyan trok nibak-bak kayée keuramat di More, na kheueh teumpat iébadat di Sikhem. (Bak watéenyan ureuëng Kanaan mantong geutinggai nibak tanoh nyan.) 7#Kis. 7:5; Gal. 3:16 Tuhan geupeuleumah droe ubak Brahim dan laju geumeufeureuman ubak gobnyan, “Nyoe kheueh nanggroe nyang teuma Ulôn bri keu keuturonan gata.” Dan Brahim laju geupeudong saboh miseubah nibak teumpat nyan keu Tuhan nyang ka geupeuleumah droe ubak gobnyan. 8Óh lheueh nyan gobnyan laju geujak lom u bagian seulatan, u daerah meubukét dibagian timu banda Betel, dan laju geupeudong khimah lamkawan Betel ngon banda Ai: Betel siblaih ubarat dan Ai siblaih utimu, meunan cit bak teumpat nyan gobnyan geupeudong miseubah dan geuseumah Tuhan. 9Óh lheueh nyan gobnyan geujak lom nibak teumpat nyang saboh uteumpat nyang laén, teupeukeu ubagian seulatan tanoh Kanaan.
Brahim di nanggroe Meusé
10Teuma watée nyan di Kanaan teungoh teuka musém deuk nyang lumpah gawat, sampoe Brahim geujak leubeh jiôh lom ubagian seulatan, u nanggroe Meusé mangat jeuet geutinggai disinan sampoe beuncana nyan habéh. 11Watée gobnyan keuneuk geuliengkeu bataih nanggroe dan geutamong u nanggroe Meusé, geupeugah kheueh lé gobnyan ubak Sarai meurumoh geuh nyan, “Gata lagak that, wahei peurumoh lôn. 12Meunyoe gata jingieng lé ureuëng Meusé, awaknyan laju jipike bahwa gata na kheueh peurumoh ulôn dan ulôn laju jipoh maté dan gata jipeubiyeu udeb. 13#Keuj. 20:2, 26:7 Teuma nyang gét gata peugah mantong bahwa gata na kheueh adoe ulôn mangat ulôn jipeubiyeu udeb dan jipeusaneut ulôn seucara gét sabab na gata.” 14Dan beutôi that, watée Brahim ka geuliengkeu bataih nanggroe dan laju trok u nanggroe Meusé, lé ureuëng Meusé laju jikalon bahwa Sarai nyan gagah lumpah na. 15Na padub droe peugawée meuligoe jingieng inong nyan dan laju jijak peugah ubak raja pakriban gagah jih ureuëng inong nyan; sabab nyan Sarai nyan laju jiba ubak meuligoe raja. 16Deumi Sarai, raja geupeutimang Brahim seucara gét dan geubri ubak gobnyan namiet-namiet, kawan bubiri dan kawan kaméng, leumô, keuleudée dan unta.
17Teuma sabab raja geucok Sarai, Tuhan laju geupeutreun peunyakét nyang lupah parah ateueh raja nyan meunan cit ubak ureuëng-ureuëng nyang na lam meuligoe raja. 18Laju raja geucok Brahim dan geutanyong ubak gobnyan, “Peue nyang ka tapeubuet ateueh ulôn nyoe? Pakon hana gata peugah bahwa inong nyan peurumoh gata? 19Pakon gata peugah jihnyan adoe gata dan gata peubiyeu inong nyan ulôn cok keupeurumoh lôn? Nyoe pat jih, peurumoh gata, cok laju dan gata jak laju keudeh!” 20Raja laju geupeutreun titah ubak siladum peugawée gobnyan, dan awaknyan laju jipeuteubiet Brahim nibak nanggroe nyan meusajan-sajan ngon peurumoh gobnyan dan banmandum atra milék gobnyan.
Trenutno izabrano:
KEUJADIAN 12: LAIACE
Istaknuto
Podijeli
Kopiraj
Želiš li da tvoje istaknuto bude sačuvano na svim tvojim uređajima? Kreiraj nalog ili se prijavi
Old and New Testament in Today's Aceh Language @ LAI, 1997.