1 Sámìɔ̀ 7
7
1Lɛ̀kɔ̀ɔɛ gɔ̃ɔ̃̀nù wógo Kɛ́ríá-zérìnɛ̀ wó nu wó Yàwɛa Wòdɔwò Gblɔ̀n ɓɛɛ sɥ wó nuá Ábínádà píékee tɔ̃̀là nǝn, é wóà gbɵ Ɛ́lìézà kǝ̀ púú kǝ nyɛ̀ɛ̀ e zòkǝ Yàwɛa gblɔ̀n ɓɛ píé.
Sámìɔ̀ è líésɥ̀ Ézrɛ̀mɛ̀nù ká
2Gó yi wóloá Wòdɔwò Gblɔ̀n ɓɛɛ ká Kɛ́ríá-zérìn lɛ̀ɓàɛ̀ à lɛ̀ è grɔ̀ɔ̀ dèèdè nɛ̀ɛ̀ kwɛ̀ gɔ́ɔ̀ pèètɛ lɵ́. À yi ɓɛ káɛ Ézrɛ̀ píékee mɛnù wò gbɵbɔ̀ Yàwɛ píé nyɛ̀ɛ̀ gbũ woɓà.
3Lɛ̀kɔ̀ɔ̀ɛ Sámìɔ̀ yà pɵ Ézrɛ̀ píékeemɛ̀nù lǝ̀, “Ékɛ̃̀ɛ̃̀ ka siɛ̀là Yàwɛ píé ka zòɔ sáálɵɛ káɛ, kǝ kàa kɔà Aaɓibĩ́nù é dàa aaɓimu Àtárɔ̀ wó sɛ́gbɛ gɥ́ aaɓínù káɛ zɥ̀. Káa zòɔ pǝ̀kǝ, kã́ã̀ yuɔkǝ Yàwɛ sróó lǝ̀. Yàkɔɔ́ɛ è lò ka ɓo gã́gɥ́ Félésã́ã̀mɛ̀nù kwɛ.” 4Lɛ̀kɔ̀ɔɛ Ézrɛ̀mɛ̀nù ɓɛɛ wóo kwàà waa kwikpo Béè wãã̀ Àtárɔ̀ nù zɥ̀ wó yuɔkǝ Yàwɛ dokpã́ã́ lǝ̀.
5Lɛ̀kɔ̀ɔɛ Sámìɔ̀ yà pɵ, “Ézrɛ̀ sáálɵɛ kàpá ka kóà Mízípà pɵɵ kǝ ã́ã̀ ɓɛà Yàwɛ lǝ̀ ka mɔ́ɔ̀wɔ̃̀ɓà.” 6Zɛ̃ãɓɛ wô kǝ̀a wó pà wo kóà Mízípà pɵɵ, wó yítɔ, wô wrò sɛa nyɛ̀ɛ̀ à zɔ̃̀ nɛ̀ɛ̀ wo zòɔ dàsɥ̀mɥ̀ yéngɥ́ waa sɔ̀nyaa mɔ́ɔ̀wɔ̃̀ã̀ Yàwɛ líé. Wóo bɛ̃̀to yi ɓɛɛ ká, wô pɵ má, “Yíá sɔ̀nyaa kǝ Yàwɛ gɔ̀.” É Sámìɔ̀ è zadɔ Ézrɛ̀mɛ̀nù ɓa Mízípà pɵɵ.
7Lɛ̀ Félésã́ã̀mɛ̀nù wô ma nɛ̀ɛ̀ Ézrɛ̀mɛ̀nù wà pá wo kóà Mízípà pɵɵɛ, Félésã́ã̀ ɓɔ̀umɛ̀ sɔ́ɔ́lú ɓɛɛ wãã̀ waa kózǝmɛ̀nù wó nu wɔ̃̀ɔ̃̀ grù yà wo ɓà. Lɛ̀ Ézrɛ̀mɛ̀nù wó wɔ̃́ nɛ̀ maɛ wo bũzùù woɓà Félésã́ã̀mɛ̀nù mɔ́ɔ̀wɔ̃̀ɓà. 8Lɛ̀kɔ̀ɔɛ Ézrɛ̀mɛ̀nù wô pɵ Sámìɔ̀ lǝ̀, “Kɵ́kǝ̀ ɥ́ bo gbɵbɔ lɛ̀à Yàwɛ, kwaa Aaɓi píé yi mɔ́ɔ̀wɔ̃̀ɓà, kǝ nyɛ̀ɛ̀ yi la Félésã́ã̀mɛ̀nù kwɛ.” 9Lɵɛ Sámìɔ̀ è ɓlánǝ́ é tũ̀ nyɔ́ mɥɛ kũ é sraɓo à plɛ́n ká gɥ́ɵ́srà ká Yàwɛ lǝ̀, é Sámìɔ̀ è gbɵbɔ Yàwɛ píé Ézrɛ̀mɛ̀nù mɔ́ɔ̀wɔ̃̀ɓà, é Yàwɛ yà zǝnu. 10Lɛ̀ Sámìɔ̀ kǝ̀ sraɓolɛ̀àɛ̀, kǝ Félésã́ã̀mɛ̀nù wò gã́ã́là Ézrɛ̀ ká kɵ̀ɵ wɔ̃̀ɔ̃̀ grù yà woɓà. Kǝǝ Yàwɛ ɓɛɛ yàkǝ̀ é gbã è gblà gbéèká Félésã́ã̀mɛ̀nù gɔ̀ wo gɔ̀gɥ́lɛ̀ è dɔ dúlɵ wó dùa Ézrɛ̀ lǝ̀ blàa. 11Ézrɛ̀ gɔ̃ɔ̃̀nù wó to Félésã́ã̀mɛ̀nù píé wóo zǝ wóloá wó wòa Bɛ́kàà pɵɵ.
12Lɛ̀kɔ̀ɔɛ Sámìɔ̀ è gùǝ̀kpo sɥ ê dɔgɛ̃̀ã̀ Mízípà pɵ̀ wãã̀ Zɛ̀sã́nà pɵ̀ wo son, ê tɔ́lɛ̀ “Ɛ́bɛ̀nízǝ̀,” à gɥ́ tɔɔ gbũ̀mɛ̃ã̀ gùǝ̀. Ƃií yà pɵ̀, “Yàwɛ yà gbũ kwaɓà kwá wòa zɵ.” 13Ézrɛ̀ kɔ̀ è zìè Félésã́ã̀mɛ̀nù là, é waá wo gɛ̃̀kpoú ye Ézrɛ̀ sɛ̀ gɥ́ gbɔ. Yàwɛ kɔ̀ è kǝ̀ gbín Félésã́ã̀ sɛ̀ là lɛ̀ Sámìɔ̀ è kǝ̀àgɥ́ Ézrɛ̀ sɛ̀ làɛ̀ ká. 14É Yàwɛ è pɵ vàvànù é Félésã́ã̀mɛ̀nù wô kũ Ézrɛ̀ gɔ̀ɛ̀ nu Ézrɛ̀ lǝ̀ zɥ́ do, é goá Íkrɔ̀n pɵɵ é loá Gáà pɵ̀ gɥ́. Ĩ́ĩ́ sɛ́ lɛ̀ gbú é kǝ̀ Félésã́ã̀mɛ̀nua píígbéèlɛ̀ xlɵ̀ɵ̀ɛ̀ é to Ézrɛ̀ gɔ̀. Zɥ́ɛ, zòɔyàgrú è kǝ̀ Ézrɛ̀ wãã̀ Ámɔ̀mɛ̀nù wo son.
15Sámìɔ̀ è líésɥ̀ Ézrɛ̀ ká àɓà kǝ̀àgɥ́ yì kpɔ̀n é toɛ ká. 16Yàkǝɛ kwɛ̀ do do sáálɵɛ káɛ Sámìɔ̀ è yaa pɵnù yè klángɥ́ nìɛ̀ wo làsɥ̀ ká, gó Bɛ́tɔ̀ pɵ̀ gɥ́, ɥ́ ló Géégàà pɵ̀ gɥ́, ɥ́ nu Mízípa pɵ̀ gɥ́ɛ, è Ézrɛ̀mɛ̀nùa wɔ̃́ yè kólíé lɛ̀nù nɛ̀ ɓà. 17Yàkɔɔ́ɛ to é yìɛ̀ e zɥ́ é nu Wrámà, ɓií àɓà kɔ́ kǝ̀ má. Zɥ́ɛ lɛ̀ɓɛɛ é zadɔ Ézrɛ̀ ɓà àɓà, é sraɓòàlàpǝ̀ dɔ Yàwɛ lǝ̀ má.
Currently Selected:
1 Sámìɔ̀ 7: DHB
Highlight
Share
Copy
Want to have your highlights saved across all your devices? Sign up or sign in