1 Sámìɔ̀ 5
5
Wòdɔwò Gblɔ̀n ɓɛɛ è Félésã́ã̀mɛ̀nù son
1Lɛ̀ Félésã́ã̀mɛ̀nù wà Aaɓia Wòdɔwò Gblɔ̀n ɓɛ kṹɛ̃, wà sɥ̀ wó goá Ɛ́bɛ̀nízǝ̀ pɵɵ wó loá Ásídɔ̀ pɵɵ. 2Lɛ̀kɔ̀ɔɛ wó loá aaɓibĩ́ wô lɛ̀ Dágɔ̃̀ɛ̃̀ píékee wóa dɔ Dágɔ̃̀ ɓɛ sɔ́. 3Kǝǝ lɛ̀ Ásídɔ̀mɛ̀nù wó bɥ̀ɵ̀ lɛ̀àlíéɛ, lɛ̀gà, kǝ Dágɔ̃̀ yà pɥ̀ɵ̀ sɛa, yà gblɥn e lílà Yàwɛa Wòdɔwò Gblɔ̀n ɓɛ líé. Lɵɛ wó Dágɔ̃̀ sɥ wô dɔ e dɔ̀lɛ̀ ɓà. 4Kǝǝ lɛ̀ wó bɥ̀ɵ̀ lɛ̀àlíé lɛ̀kpààyì gbɛ káɛ, lɛ̀gà, kǝ Dágɔ̃̀ yà pɥ̀ɵ̀ sɛa e lílà Yàwɛa Wòdɔwò Gblɔ̀n ɓɛ líé, kǝ à gɔ̀ wãã̀ à gbìè pèètɛ ɓɛ wà góàɓà wo wɔù mɥ̀ kponkɛ́á là, Dágɔ̃̀ dukru wɛ́á é to. 5Àmɔ́ɔ̀wɔ̃̀ɓàɛ̀ Dágɔ̃̀a sraɓo mɛ̀nù ĩ́ĩ́ mɛsáálɵ wó dàlà Dágɔ̃̀ píékeeɛ wáá ye Dágɔ̃̀a kɔ́lí kponkɛ́á là Ásídɔ̀ pɵɵ é tũ̀apɵ é wòa gbɛ̃́ã̀ ɓà.
6Yàwɛ kɔ̀ è kǝ̀ gbín Ásídɔ̀pɵ̀ gɥ́ mɛ̀nù là, é súó và è dà wolà é bààmɥ́ é lìɛ̀ yɔ̀a wrò mɛnù wó go Ásídɔ̀ wãã̀ pɵnù wó kǝ̀à zɥ̀tópíéɛ gɥ́ɛ ɓà. 7Lɛ̀ mɛnù wó go Ásídɔ̀ɛ̀ wó wɔ̃́ é kǝ̀ kǝlɛ̀àɛ̀ yeɛ, wô pɵ, “Ézrɛ̀ Aaɓia Wòdɔwò Gblɔ̀n ɓɛ kɵ́kǝ̀ é to kwa píé zɵ, ɓií à kɔ̀ è gbín kwalà, é gbín Dágɔ̃̀ é kwaa aaɓi káɛ là.” 8Wó mɛ bɔ Félésã́ã̀ sɛ̀ sáálɵɛ gɥ́ é ɓɔ̀umɛ̀ sáálɵɛ wó pà wo kóà, é wô pɵ, “Kwa lòà kǝlɛ̀ Ézrɛ̀mɛ̀nù waa Aaɓia Wòdɔwò Gblɔ̀n é nɛ̀ mɔ́ɔ̀wɔ̃̀gɥ́i?”
Wô pɵ, “Kà Ézrɛ̀ Aaɓia gblɔ̀n ɓɛ sɥ́ ká loá Gáà pɵ̀ gɥ́.” Lɛ̀kɔ̀ɔɛ wó Ézrɛ̀ Aaɓia gblɔ̀n ɓɛ sɥ wó loá má. 9Kǝǝ lɛ̀ wà loá máɛ, Yàwɛ kɔ̀ è kǝ̀ gbín pɵ ɓɛ là, é súósɥ̀ gbéè dà wo son, é lìɛ̀yɔ̀a è wrò gɔ̃ɔ̃̀nù wó pɵ ɓɛ gɥ́ɛ ɓà, à mɛdɔ̀ùnù wãã̀ à mɛziinù plɛ́n ká. 10Lɛ̀kɔ̀ɔɛ wó Aaɓia Wòdɔwò Gblɔ̀n ɓɛ sɥ wó loá Íkrɔ̀n pɵɵ. Kǝǝ lɛ̀ Aaɓia Wòdɔwò Gblɔ̀n ɓɛ é dà pɵɵɛ, Íkrɔ̀nmɛ̀ sáálɵɛ wòo wò sɥ̀lúú gbéè gbɵká wòa nɛ̀ɛ̀, “Wà nu Ézrɛ̀ Aaɓia Wòdɔwò Gblɔ̀n ɓɛ ká yi píé kǝ nyɛ̀ɛ̀ yi zǝ, nyɛ̀ɛ̀ yia mɛnù sáálɵɛ zǝ.” 11Amɔ́ɔ̀wɔ̃̀ã̀ɛ̃̀ wó mɛ bɔ Félésã́ã̀sɛ̀ sáálɵɛ gɥ́ é ɓɔ̀umɛ̀ sáálɵɛ wó pà wokóà wô pɵ, “Kà Ézrɛ̀ Aaɓia Gblɔ̀n ɓɛ bɔ è ló e dè dɔ̀lɛ̀ɓà, kɵ́kǝ̀ é nu kwãã̀ kwaa mɛnù kwa zǝ.” Ƃií súósɥ̀ yaa è dà wogɥ́ pɵ ɓɛ gɥ́. Aaɓikɔ̀ è kǝ̀ gbín má dèèdè. 12Gɔ̃ɔ̃̀nù àyé waá gaɛ, lìɛ̀yɔ̀a è wrò woɓà sáálɵ, é pɵ kpɔ̀n ɓɛ à gbɵbɔ wò è wò naà.
Currently Selected:
1 Sámìɔ̀ 5: DHB
Highlight
Share
Copy
Want to have your highlights saved across all your devices? Sign up or sign in