Matayo 20
20
1Mataya bu adea dre adrele joliyi tini dise, akodi afozo dribikiono azi olepi dii zi frankase ai biño‐amvuna. 2Adi koka’i aiidre franka alo dise kituse di, i mu aii ai amvuna. 3Adi dre afozo saa na añi dise, dre dia azina nozo vo nga gizo di a adrera’a tako; 4Adi dre tazo aiidre, ki di, Mi koli biño‐amvuna indi, ado kafuta ya tani di, ma kofe amidre. Aii dreki aiiki lati dozo lizo. 5Adi dre afozo todia saa njikasia añi dise, saa nji‐dri‐su añi dise, dre tai ozo ngoro dridri di tini. 6Saa mudri‐dri‐alo añi dise, adi dre afozo, dre dia azina kusuzo adrera’a; adi dre tazo aiidre, ki di, Mi adre nole tako kitu kpacia adose ya? 7Aii dreki tazo adidre, Dia alo di dre ama zile azi o frankase tejia ko dise. Adi ta aiidre, Mi koli biño‐amvuna indi. 8Kitu kondi di, miri biño‐amvu adea ta dia ai nga likilepi diidre, ki di, Mi kozi azi olepi dii, dre aiiki kafuta fezo aiidre, dre ta andu bara’a dia velero di dre adrezo dia dridri diiro. 9Dia zile frankase saa mudri‐dri‐alo dise dii kaliki dre di, aii doki franka alo alo kalomakaloma. 10Dia dridri dii kaliki dre dii, aii tusuki, aii kodo ambani franka alo di ruse, kadre nitini aii oei di e do franka alo di indi. 11Aii kodo franka alo dre di, aii o muṅa tai joliyiru. 12Dre tazo, ki di, Dia nii oki azi dre saa alo dise kodia, mi dre ta ozo ama be kitu kalepi, lanjilepi dii aii be dada. 13Adi dre ta akozo, dre tazo, dia alo aiiki kofulena di dre, ki di, Arupi, ma o takonji miru ko: mi ka’i madre franka alo dise ko ya? 14Mi kotinga nga mina, mi dre ami lati dozo lizo; ama tai lele di e fele dia nidi velero di dre, ngoro midre di tini. 15Togi e ko ya ma o nga mana ngoro ma dre lele di tini? Ami mi adre konji, ma dre adrele tani dise ya? 16Ngoro nitini dia velero di kadre dia dridri diro, dia dridri di kadre dia velero diro.
17Yesu dre mbara’a Yerusalemina, adi do dia tayilepi dii, aii dre lizo aii taiya adi dre tazo aiidre lati bale’a, ki di, 18Mi no ka, ama are mbale Yerusalemina; a kofe Adamuni Mva koani dridri diidre, dia ta‐tisilepi diidre be; aii kota adini tavo kodraro. 19Dra adini fezo dia‐šurudre, aii kotabi adi, dre bezo kinise, dre kipazo; kitu velero na dise a kotinga akodi todia.
20Dra andre Zebedayoni anjia adea alidre adi vuna, ai mva‐agoro dii be, dre tandira’a adi kandra dre tai anda zira’a adi ti. 21Adi dre tazo adidre, ki di, Mi le ado ya? Akodi ta adidre, mi kota togi anjia iri nii mana dii koliriro, alo ami drigulese, alo ami lijilese, ami matayana. 22Yesu dre ta akozo, dre tazo, Tai mi dre zile ma ti di mi ni ko kania. Mi kicoa kega ma dre ole mvule ñano di mvu ya? Aii ta adidre, ki di, Mà kicoa kania. 23Adi ta aiidre, ki di, Kega ma dre mvule di, mi komvu vele: ta lirizo ama drigulese ama lijilese di, ama ta ma dre fele di ko, tai nidi aiikia di ama Ata lededre aiidre. 24Dia mudri koyi tai nidi dre di, aii o kumba adrupii iri diiru. 25Yesu dre aiiki zizo i vuna, dre tazo, ki di, Mi ni miri dia‐suru adea adreki ta o miri tini aiidre, aiiki dia murungu dii dreki ta ozo mi lanjilanji se aiidre. 26Kadre nitini tai kadre amiki kofule ko: ta adrezo murungu di lovo ru dia angodi ya amiki kofule kadre dia ta olepi amidre di: 27ta adrezo dridri di lovo ru dia angodi ya amiki kofule a di, akodi kadre amidre adremakandraro. 28Ngoro Adamuni Mva alida dia ko’oro tai ise ko tini, dre ai lidri fezo dia bi logozo.
29Aii dre afora’a Yeriko ase, dia lezolepi bi dii liki adi vuse. 30Mi no ka, dia iri mi ako dii dre lirira’a lati laga, aii koyi Yesu dre lavura’a dre di, tre dre tazo, Miri, mi koba ami togo kini ama ru, mi Dawidini mva. 31Dia lezolepi dii dreki aiiki ndrizo, kagiro titi: aii dreki trezo ambani, dre tazo, ki di, Miri, mi koba ami togo kini amaru, mi Dawidini mva. 32Yesu dre adrezo kiri, dre aiiki zizo, dre tazo, ki di, Mi le ma ko’o amidre ado ta ya? 33Aii taki adidre, ki di, Miri amaki mi konjiro. 34Yesuni togo dre tira’a, dre aiiki mi tabezo; drañano aii no nga dre, dre lizo i vuse.
Trenutno izabrano:
Matayo 20: LOG
Istaknuto
Podijeli
Kopiraj
Želiš li da tvoje istaknuto bude sačuvano na svim tvojim uređajima? Kreiraj nalog ili se prijavi
first printed by the British and Foreign Bible Society in 1924 and 1927.
