Mattheos 15
15
1Hehan Jerusalem etanhan wewapi kagapi qa Pharisee kin Jesus en hipi qa heyapi;
2Tokeca waonspewicayakiye cin hunkawicayapi woope oyakapi qon acakśinpi he; qa aguyapi yutapi kte cinhan nape hdujajapi śni.
3Unkan iye waayupte c̣a hewicakiya; Qa niś nakun tokeca woope odakapi kin on Wakantanka toope kin acayakśinpi he.
4Wakantanka heya econ wicaśi; Niyate nihun kici wicahduonihan wo; nakun; Tuwe atkuku hunku kici wicayaśice cinhan wiconṭe on ṭe kta ce.
5Tuka niye hehapi; Tuwe atkuku qa iś hunku kin heciye kta iyececa; Taku on ociciye kte cin he wanna wośnapi ce; qa hecen atkuku hunku kici wicahduonihan śni ece
6Hecen woope odakapi kin on Wakantanka toope kin dutakunipiśni.
7Wananic̣iḣmanpi, niyepi on Isaya tanyan woyake c̣a heye ciqon;
8Oyate kin de i on mikiyedan upi, qa iha on mayaonihanpi; tuka cantepi kin hena mitehan unpi ece.
9Wicaśta wicoope kagapi kin hena woope keya onspewicakiyapi, qa on mayuonihanpi kte cin he takudan okihi śni ece.
10Hehan oyate kin wicakico qa hewicakiya; Naḣonpi qa okahniga po:
11Taku wicai kin ohna iyaye cin he wicaśta kin yuśape śni; tuka taku wicai kin etanhan hiyu kin he wicaśta yuśape cin ee.
12Hehan waonspewicakiye cin en hipi qa heciyapi; Wicoie kin de Pharisee kin naḣonpi qa śihdapi, he sdonyaya he.
13Unkan waayupte c̣a heya; Taku ojupi kin, tona Ate maḣpiya ekta un kin oju śni kinhan, hena owasin yujunpi kta.
14Awicayuśtan po; iśtagongapi iśtagongapi awicayapi kin hena hecapi. Unkan tuwe iśtagonga istagonga wan yus aye cin han, napin makoḣdoka en ohinḣpayapi kta.
15Hehan Inyan ayupte c̣a heciya; Wiyacinpi kin de unkokiyaka miye.
16Unkan Jesus heya; Niś nakun hinaḣin oyakaḣnigapi śni he.
17Taku wicai kin ohna iyaye cin he wicatezi kin ekta i ece, qa hehan hetanhan tankan ehpeyapi ece; he hinaḣin oyakaḣnigapi śni he
18Tuka taku wicai kin etanhan hiyu kin hena wicacante kin eeiyatanhan u ece; qa wicaśta yuśape cin hena ee.
19Wicacante kin eciyatanhan wicotawacin śica hiyu ece; tinwicaktepi, wawiciḣaḣapi, wiinaḣmanpi, wamanonpi, woitonśni qa wicayaśicapi kin.
20Wicaśta yuśape cin dena ee; tuka nape hdujaja śni wotapi kin he wicaśta kin yuśape śni.
21Hehan Jeans hetanhan tokan iyaye c̣a, Turos qa Sidon makoce ihdukśan wanke cin he ekta i.
22Unkan iho, Kanan winoḣinca wan makoce kin hetanhan hiyu, qa hoyekiye qa heya; Itancan, Dawid Cinhintku, onśimada ye, micunkśi wakan śica yuhnaśkinyan, śicaya un.
23Tuka iye oie wanjidan ayupte śni. Unkan waonspewicakiye cin en hipi, cekiyapi qa heyapi; Hdeśi wo, unkihakam śicahowaya ece.
24Tuka iye waayupte c̣a he ya; Israel tiyohnaka taḣinca wanunyanpi nunnipi kin henana ekta umaśipi ce.
25Hehan winoḣinca qon en hi, makata eḣpeic̣iye c̣a heciya; Itancan, omakiya we.
26Tuka iye ayupte c̣a; Hokśiyopa aguyapi tawapi kin icupi qa śunka wicaqupi kin he hecetu śni ce, eya.
27Unkan iye; Han, Itancan; tuka śunka kin iye wicayuhapi wahna wotapi tawapi kin etanhan ośnaśna hinḣpaye cin hena etanhan yutapi ece, eya.
28Hehan Jesus ayupte c̣a heciya; Winoḣinca, wacinyaye cin he tanka; token yacin kin he enicicetu nunwe. Unkan wihiyayedan oape kin he hetanhan cunwintku kin asni.
29Unkan Jesus hetanhan iyaye c̣a Galile mde kin ikiyedan u; qa paha wan ekta iyaye c̣a akan iyotanka.
30Unkan wicaśta ota en hipi, tona huśtepi, iśtagongapi, ia okitpanipi, hu bawicaksapi, qa toktokeca ota en awicahipi, qa Jesus siha kin en ewicahnakapi; unkan asniwicaya.
31Hecen wicota yuśinyayapi, ia okitpanipi qon hena iapi, hu bawicaksapi qon hena tokecapi śni, huśtepi qon hena manipi, qa iśtagongapi qon hena tonwanpi wanwicayakapi, heon etanhan; qa Israel Taku Wakan tawapi kin he yatanpi.
32Hehan Jesus waonspewicakiye cin wicakico qa hewicakiya; Oyate kin onśiwicawakida, wanna yamni can taku yute śni mici unpi; qa wote śni hdewicawaśi kta tawatenwaye śni, okinni tahepi iḣpayapi kta.
33Unkan waonspewicakiye cin heciyapi; Makoce ḣewotahedan kin de en tokiyatanhan aguyapi iyenakeca unhapi qa oyate hinsko tanka inmawicunyanpi kta he.
34Unkan Jesus, hewicakiya; Aguyapi kagapi tona duhapi he. Unkan; Sakowin qa hoganstinna tonana nakun, eyapi.
35Unkan oyate kin makata iyotanke wicaśi;
36Qa aguyapi śakowin icu, hogan kin hena nakun, qa yawaśte, hehan kiyuśpaśpa qa waonspewicakiye cin wicaqu; unkan waonspewicakiye cin oyate kin wicaqupi.
37Unkan owasin yutapi qa imnanpi; qa oyaptapi kin hena pahipi, makanopiye śakowin ojudan.
38Wotapi kin hena wica ece kektopawinge topa, nakun winoḣinca śiceca koya.
39Hehan oyate kin hdewicaśi, qa wata wan en ope c̣a Magdala makoce kin en hi.
Trenutno izabrano:
Mattheos 15: DAKOTANT
Istaknuto
Podijeli
Kopiraj
Želiš li da tvoje istaknuto bude sačuvano na svim tvojim uređajima? Kreiraj nalog ili se prijavi
© Copyright 2015 American Bible Society. All Rights Reserved.
