SENESI 5
5
1Koeni te tohi o te hakoga o Atama. I te fakatupu e te Eteleno te tagata, nee ina fai leva ia ia o fakatatau ki te Atua. 2Nee ina fakatupu leva te tagata mo te fafine, nee tapuaki leva ia ia kia naua, pea nee ina fakahigoa leva ia naua ki te higoa o te tagata, i tana fakatupu naua.
3Ko Atama, i tona tau teau tolugofulu, nee ina fakatupu leva he foha ae nee tatau mo ia, mo aga o hage ko ia, pea nee ina foaki leva kia ia te higoa ko Seti. 4Ko te u aho o Atama, i te osi o te tupu o Seti, ko tau e valugeau. Pea nee ina fakatupu leva ni foha mo ni ofafine. 5Ko te u aho fuli o te mauli o Atama ko tau e hivageau tolugofulu; pea nee mate leva ia ia.
6Ko Seti, i tona tau teau ma nima, nee ina fakatupu leva Enosi. 7Nee mauli leva ia Seti i te osi o te tupu o Enosi ia tau e valugeau ma fitu pea nee ina fakatupu leva ni foha mo ni ofafine. 8Ko te u aho o Seti ko tau e hivageau hogofulu ma lua. Pea nee mate leva ia ia.
9Ko Enosi i tona tau hivagofulu nee ina fakatupu leva ia Kenani. 10Nee mauli leva ia Enosi i te osi o te tupu o Kenani, ia tau e valugeau hogofulu ma nima; pea nee ina fakatupu leva ni foha mo ni ofafine. 11Ko te u aho fuli o Enosi ko tau e hivageau ma nima. Pea nee mate leva ia ia.
12Ko Kenani i tona tau fitugofulu nee ina fakatupu leva ia Maalaleele. 13Nee mauli leva ia Kenani i te osi o te tupu o Maalaleele ia tau e valugeau fagofulu pea nee ina fakatupu leva ni foha mo ni ofafine. 14Ko te u aho fuli o Kenani, ko tau e hivageau hogofulu. Pea nee mate leva ia ia.
15Ko Maalaleele i tona tau onogofulu ma nima nee ina fakatupu leva ia Seleti. 16Nee mauli leva ia Maalaleele i te osi o te tupu o Seleti ia tau e valugeau tolugofulu pea nee ina fakatupu leva ni foha mo ni ofafine. 17Ko te u aho fuli o Maalaleele ko tau e valugeau hivagofulu ma nima. Pea nee mate leva ia ia.
18Ko Seleti i tona tau teau onogofulu ma lua nee ina fakatupu leva ia Enoke. 19Nee mauli leva ia Seleti, i te osi tupu o Enoke, ia tau e valugeau; pea nee ina fakatupu leva ni foha mo ni ofafine. 20Ko te u aho fuli o Seleti ko tau e hivageau onogofulu ma lua; pea nee mate leva ia ia.
21Ko Enoke, i tona tau onogofulu ma nima, nee ina fakatupu leva ia Metusela. 22Ko Enoke, i te osi tupu o Metusela, nee haele leva mo te Atua ia tau e tolugeau; pea nee ina fakatupu leva ni foha mo ni ofafine. 23Ko te u aho o Enoke ko tau e tolugeau onogofulu ma nima. 24Nee haele leva ia Enoke mo te Atua; pea nee mole toe mau leva ia ia, koteuhi nee ave leva ia ia e te Atua.
25Ko Metusela, i tona tau teau valugofulu ma fitu, nee ina fakatupu leva ia Lemeke. 26Nee mauli leva ia Metusela, i te osi tupu o Lemeke, ia tau e fitugeau valugofulu ma lua; pea nee ina fakatupu leva ni foha mo ni ofafine. 27Ko te u aho o Metusela ko tau e hivageau onogofulu ma hiva; pea nee mate leva ia ia.
28Ko Lemeke, i tona tau teau valugofulu ma lua, nee ina fakatupu leva he foha. 29Pea nee ina foaki leva kia ia te higoa ko Noe, o ui: Ko ia aeni e ina fakafimaliei anai tatou i atatou gaue kinakina, koteuhi kua fakamalaia te kele aeni e te Eteleno. 30Nee mauli leva ia Lemeke, i te osi o te tupu o Noe, ia tau e nimageau hivagofulu ma nima; pea nee ina fakatupu leva ni foha mo ni ofafine. 31Ko te u aho fuli o Lemeke ko tau e fitugeau fitugofulu ma fitu; pea nee mate leva ia ia.
32Ko Noe, i tona tau nimageau, nee ina fakatupu leva ia Semi mo Kami mo Safeti.
Trenutno izabrano:
SENESI 5: WB2011
Istaknuto
Podijeli
Kopiraj
Želiš li da tvoje istaknuto bude sačuvano na svim tvojim uređajima? Kreiraj nalog ili se prijavi
© 2011, Eglise évangélique, chez Lotoato Logote Hihifo, Vaitupu, Wallis
- Les droits sont administrés par Midi Bible, une branche de la Société Biblique de Genève
- Rights are administrated by Midi Bible, a branch of Société Biblique de Genève, 1032 Romanel-Sur-Lausanne, Switzerland