LUKA 24

1BAITU ha kiro ekyokubanza omu biro musanju, emamba esazire, bakaija hali ekituro, nibaleta ebiboya ebibatekanize. 2Basanga ibale likumbisibwe okuruga ha kituro. 3Batahamu, kandi batazole mutumbi gwa Mukama waitu Yesu. 4Kandi kyahika obubakaba nibahuni’ra eki, dora, abasaija babiri bemerire nambere bali, bajwaire ebirukwengengeta: 5kandi obubakaba nibekanga, bainamire amaiso gabu hansi, babagambira ngu Mara kiki ekirukubaseruza omwomezi omu bafu? 6Taloho hanu, baitu ahumbukire: Muijuke okuyabagambire obwakaba akiri omu Galiraya, 7nagamba ati Omwana womuntu kimuhikirire okuhebwayo omu mikono yabantu abasisi, nokubambwa ha muti, kandi ha kiro 8kyakasatu nokuhumbuka. 9Kandi baijuka ebigambobye, barugayo ha kituro, ebi byona babitebeza abo ikumi nomu, na bandi bona. 10Nibo Malyamu Magasalene, na Yoana, na Malyamu nyina Yakobo: nabakazi abandi abakaba balinabo, bakatebeza abakwenda ebigambo ebi. 11Ebigambo ebi byasisana omu maiso gabu nkebitarumu; bayanga okubaikiriza. 12Baitu Petero akaimuka, yairukira ekituro; yainama nalinguza naroramu ebikoba ebyabafuta, biri byonka; yagarukayo owe, ahanirire ebibaireho. 13Kandi dora, ha kiro ekibabiri halibo bakaba nibagenda hali ekika ibara lyakyo Emau, ekikaba kiri hara na Yerusalemu esitadya enkaga. 14Kandi bakabaza ahamu ebigambo ebi byona ebyabaireho. 15Kandi kyahika obubakaba nibabaza nibakaguzangana ahamu, Yesu wenka yai’ra haihi, yagenda nabo. 16Baitu amaiso gabu gatangwa batamumanyi’ra. 17Yabagambira ati Bigambo ki binu ebimurukubaza nimugenda? Bayeme’raho bayina amaiso agobujune. 18Omu hali abo, ibaralye Kuleopa, yagarukamu namugambira ati Iwe norara wenka Yerusalemu, otarukumanya bigambo ebyabaireyo ebiro binu? 19Yabagambira ati Bigambo ki? Bamugambira ngu Ebya Yesu owa Nazalesi, akabali nabi owamani omwebi ebiyakoraga nebiyagambaga, omu maiso ga Ruhanga nabantu bona: 20nabanyakatagara abakuru nabalemi baitu okubamuhaireyo okucwerwa omusango, nibamubamba ha muti. 21Baitu itwe tukanihira ngu Nuwe alicungura Isareri. Nukwo na ha binu byona, hati nikyo kyakasatu, ebigambo binu bikaba kubaho. 22Kandi abakazi abamu abowaitu butuhumirizege, abazindukire okugenda hali ekituro; 23kandi obubatazoire mutumbigwe, baija nibagamba ngu baboine nokwolekwa okwa bamaraika abagambire ngu Ayomire. 24Nabamu hali abo abakaba tuli nabo bakagenda hali ekituro basangayo nka bakazi okubagambire: baitu ogu bazira okumubona. 25Yabagambira ati Inywe abatanyina magezi, abobugara omu mitima okutaikiriza byona banabi ebibagambire! 26Kitahiki’re Kristo okusalirwa ebi byona, nokutaha omu kitinisakye? 27Yabandiza ha Musa na banabi bona, yabasobo’ra omu byahandikirwe byona ebyamuhandikirwe wenka. 28Kandi bakai’ra haihi nekika, hakaba nibagenda: uwe nasisana nkayenzire okuhinguraho. 29Bamuhambiriza nubagamba ngu Ikara naitwe: baitu hati kairirizi, nobuire bwa’sa kuira. Yatahamu okuikara nabo. 30Kandi kyahika obwakaba aikalire nabo ha byokulya, yakwata omugati, yagusimira, yacwamu, yabagabira. 31Namaiso gabu gaiguka, bamumanyi’ra; yababu’raho abo okutamuhweza. 32Nabo bagambirangana bonka ngu Omutima gwaitu tigusarairege omunda yaitu, obwabaire nabaza naitwe omu muhanda natusuku’ra ebyahandikirwe? 33Kandi omu kacu ako nubwo baimuka bagarukayo Yerusalemu, basanga ikumi nomu besoroize ahamu, nabo abakaba balinabo, 34nibagamba ngu Mananukwo Mukama waitu ahumbukire, 35kandi abonekire Simoni. Babatebeza ebi ebyomu muhanda, kandi okwamanyisibwege habwokucwamu omugati. 36Kandi obukaba nibabaza ebi, uwe wenka akeme’ra hagati yabu, yabagambira ati Obusinge halinywe. 37Baitu bakekanga nibatina, nibatekereza baboine omuzimu. 38Yabagambira ati Mara kiki ekirukubatuntuza? Kandi nokugurukyagurukya kuizirire ki omu mitima yanyu 39Murole engaro zange nebigere byange, ninyowomu nyenka: mukwateho, murole; baitu omuzimu tiguyina nyama namagufa nkokumuboine nyowe okunyina. 40Kandi obuyamazire okugamba eki, yaboleka engaroze nebigerebye. 41Kandi obubakaba batakaikirize obwokusemererwa nibahuni’ra, yabagambira ati Muyina ekyokulya hanu? 42Bamuha ekicweka ekyenzu etalikire. 43Yakikwata yalira omu maiso gabu. 44Kandi akabagambira ati Binu nibyo bigambo byange ebinabagambire, obunkaba nkiroho hamu nainywe, okukisemerire byona okuhiki’ra, ebyampandikirweho omu biragiro bya Musa, nomu banabi, nomu zabuli. 45Nubwo yasukulire amagezi gabu, 46bategereze ebyahandikirwe; yabagambira ati Nukwo kyahandikirwe kiti, Kristo okusalizibwa nokuhumbuka omu bafu ha kiro kyakasatu omu bafu ha kiro kyakasatu; 47kandi okwegarukamu nokuihibwaho ebibi btebezebwe omu ibaralye hali amahanga gona, okubandiza Yerusalemu. 48Inywe muli bakaiso habwebigambo ebi. 49Kandi dora, nimbatwekera omurago gwa Isenyowe; baitu muikalege ha rubuga, okuhikya obumulijwekwa amani agarukuruga ha iguru. 50Kandi akabebembera nabatwara aheru okubahikya Besaniya: yaimukya emikonoye nabaha omugisa. 51Kandi kyahika obwakaba nabaha omugisa, yabahukanwaho natwarwa omu iguru. 52Nabo bakamuramya, bagarukayo Yerusalemu nokusemererwa kwingi: 53kandi baikaraga obutosa omu yekaru nibakugiza Ruhanga.

Trenutno izabrano:

LUKA 24: BRR64

Istaknuto

Podijeli

Kopiraj