YOHANA 5
5
1HANYUMA yebi hakaba haroho obugenyi bwa bayudaya; Yesu yatemba yerusalemu.
2Kandi omu yerusalemu hali irembo lyentama haroho ekijongo, ekibeta omu Ruheburaniya ngu Beseseda, ekiroho obuju butano. 3Omwobu nuho habyamamuga ekitebe kyabarwaire, abafu bamaiso, abaramaire, abazingamire [nibategereza amaizi okubimba: 4Baitu maraika wa Mukama yasirimukaga obundi nobundi nabimbisa amaizi: nubwo wena ayabanzaga okugendamu, amaizi gamazire okubimba, yakiraga orufu rwona orwamukwataga]. 5Hakaba haliyo omuntu omu, akaba anyina endwara emazire emyaka amakumi asatu mumunana. 6Yesu obuyamuboine abyamire, kandi amanyire akamazire ebiro bingi, yamugambira ati Noyenda okukira? 7omurwaire yamugarukamu ati tata, tinyina muntu owokunta omu kijongo amaizi nambere gabimbira: baitu obumba ninyija, ondi nambanza okusirimuka. 8Yesu yanugambira ati imuka, ohimbe ekirago kyawe, ogende. 9Ahonaho omusaija yakira, ya yetweka ekiragokye yagenda.
10Kandi ekiro kiri kikaba kiri sabiti. Abayudaya bagambira ogu ayakizire ngu Hati Sabiti, kyomuziro iwe okwetweka ekirago kyawe. 11baitu yabagarukamu ati Ogu ankirize, nuwe angambire ati Wetweka ekirago kyawe ogende. 12bamukaguza ngu Omuntu ogu noha akugambire ati Weteke, ogende? 13baitu ogu ayakizire atamanye okwali: baitu Yesu akaba ayegendire, baitu abantu abakaba baloho omu kiikaro eki baingi. 14Hanyuma Yesu yamuzora omu yekaru, yamugambira ati Dora, oyomire: otalisisa obundi, rundi ekigambo ekirukukira obubi kireke kukuhikaho. 15Omusaija ogu yagenda, yagambira abaydaya ati nuwe Yesu amukirize. 16abayudaya nikyo bahigire yesu, baitu akakora ebigambo ebi ha sabiti. 17baitu Yesu yabagarukamu ati Isenyowe nakora na hati hona, nanyowe ninkora. 18Abayudaya nikyo bagarukire okuse’ra okumuita, baitu atasise Sabiti yonka, kandi obwokweta Ruhanga ise wenka, nayeyinganiza wenka na Ruhanga.
19Kandi Yesu yagarukamu nagambira ati
Mali mali nimbagambira nti omwana tasobora wenka okukora kigambo kyona, rundi ekyarora Isitwe nakora, baitu uwe ebyakora byona, nomwana nukwo abikora ati. 20baitu Isenyowe nagonza Omwana, kandi amwoleka ebyakora wenka byona: kandi alimwoleka ebirukukira binu, inywe muhuni’re. 21baitu nka insenyowe okwahumbura abafu nabaha obwomezi, nukwo Nomwana abaha ati obwomezi abayenda okuha. 22Baitu na Isenyowe tacwera muntu omusango, baitu akamuha Omwana okucwa omusango gwona; 23bona batine Omwana, nkokkubatina Isenyowe. Aturukutina Mwana tarukutina Isenyowe ayamutumire. 24Mali mali nimbagambira nti Anyakuhu’ra ekigambo kyange, namuikiriza ayamuntumire, nuwe anyina obwomezi obutahwaho, kandi talitaha omu musango, baitu amazire okuruga omu kufa okutaha omu bwomezi. 25Mali mali nimbagambira nti Akasumi nikaija, kandi karoho hati bunu, abafu akabalihuli’ramu iraka Lyomwana wa Ruhanga; nabo abahu’ra balyomera. 26Baitu nka Isenyowe okwanyina obwomezi omuluwe, nukwo yamuhaire ati Omwana okuba nobwemezi omuluwe: 27kandi akamuha obusobozi okucwa omusango, baitu nuwe Mwana womuntu. 28Mutahuni’ra eki: baitu akasumi nikaija, bona abali omu bituro 29akabalihuli’ramu iralalye, kandi balirugamu; abo abakozire okurungi hali okuhumbuka okwobwomezi; nabo abakozire okubi hali okuhumbuka okwobwomezi; nabo abakozire okubi hali okuhumbuka okwomusango.
30Tindukusobora kukora kintu habwange: nkokumpu’ra nukwo ncwa omusango: nomusango oguncwa gwobulyo; baitu tinse’ra ebingonza nyenka, rundi ogu ayantumire ebyagonza. 31Obunyegambira ebyange nyenka, okwegambira ebyange nyenka, okwegambira kwange tikuli kwa mananu. 32Haroho ondi angambaho ebyange, kandi ’manyire nti ebyange ebyangambaho bya mananu. 33Inywe mukatumira Yohana, nauwe yagamba ha amazima. 34Baitu okumanyisibwa okunyikiriza tukuruga omu bantu: baitu ningamba ebi, inywe mujunwe. 35Ogu akabali etabaza erukwaka erukujwa: nainywe mukaikiriza akasumi kake okusemere’rwa omusanagwe. 36Baitu okumanyisibwa okunyina kukuru okukira okwa Yohana: baitu emirimo Isenyowe eyiyampaire okugihikiriza, niyo yonka eyinkora, niyo emanyisa ebyange, Isenyowe nuwe yantumire. 37Kandi Isenyowe ayantumire nuwe yamanyisize ebyange. Timukahu’raga irakalye, nobukwakuba okurora ekisisanikye. 38Kandi timunyina ebigambobye ebiikara omulinywe; baitu ogu ouyatumire timurukumuikiriza. 39Muse’ra omu byahandikirwe, baitu nimutekereza ngu omwebi numwo munyina obwomezi obutahwaho; nibyo 40bimanyisa ebyange; kandi timurukwenda kuija namberendi mube nobwomezi. 41Tindukkuikiriza ekitinisa ekiruga omu Bantu, 42Baitu mbamanyire inywe, timunyina kugonza kwa Ruhanga omulinywe. 43Nyizire omu ibara lya Isenyowe, timurukunyikiriza: ondi obwaliija omu ibaralye wenka, ogu mulimuikiriza. 44Nimusobora muta okuikiriza, inywe abarukwenda kuhebwa ekitinisa inywenka nainywenka, nekitinisa ekiruga hali Ruhanga omu wenka timurukukise’ra? 45Mutatekereza ngu ndibanyege’ra hali Isenyowe: haroho omu abanyege’ra, nuwe Musa, oumurukunihira. 46Baitu kakuba muikirize Musa, nanyowe mwakunyikirize; baitu akahandikira nyowe. 47Baitu obu mutaikiriza ebiyahandikire, murikiriiza muta ebigambo byange?
Trenutno izabrano:
YOHANA 5: BRR64
Istaknuto
Podijeli
Kopiraj
Želiš li da tvoje istaknuto bude sačuvano na svim tvojim uređajima? Kreiraj nalog ili se prijavi
Bible in Runyoro-Rutooro 1964 Version © Bible Society of Uganda, 1964.
