Ohuchaaka 5
5
Abeechuhulu b'Adamu
(1 Biha 1:1-4)
1 #
Huc 1:27,28. Luno nilwo olunyaali lw'abeechuhulu b'Adamu. Nasaae niyaloonga abaandu, yabahola mu fwaani yae. 2#Mat 19:4; Mrk 10:6. Omusaacha neende omuhasi, Nasaae yabaloonga yaababeresa ehabi, yabalaanga ati “Abaandu”. 3Adamu niyali n'amalire emyaaka emia ndala neende amahumi kadatu (130), yeebula omwaana musyaani omufwananira elalira, yaamulaanga Seeti. 4Adamu niyamala ohwiibula Seeti, yayiindira ohumala emyaaka emia chitaanu-na-chidatu (800). Adamu yeebula abaana baandi abasyaani neende abahaana. 5Adamu yayiindira ohumala emyaaka emia chitaanu-na-chine neende amahumi kadatu (930) naafwa.
6Nae Seeti niyayiindira ohumala emyaaka emia ndala neende kitaanu (105), yeebula Enosi. 7Seeti niyamala ohwiibula Enosi, yayiindira ohumala emyaaka emia chitaanu-na-chidatu neende kitaanu-na-kibiri (807), haandi yeebula abaana baandi abasyaani neende abahaana. 8Seeti yayiindira ohumala emyaaka emia chitaanu-na-chine neende ehumi neende kibiri (912) mani yaafwa.
9Enosi niyali n'amalire ohuyiindira ohumala emyaaka amahumi kataanu-na-kane, yeebula Kenani. 10Enosi n'amalire ohwiibula Kenani, yayiindira ohumala emyaaka emia chitaanu-na-chidatu neende ehumi neende kitaanu (815). Enosi haandi yeebula abaana baandi abasyaani neende abahaana. 11Enosi yayiindira ohumala emyaaka emia chitaanu-na-chine neende kitaanu (905); mani yaafwa.
12Nae Kenani n'ayiindira emyaaka amahumi kataanu-na-kabiri (70) yeebula Mahalaleli. 13Kenani n'amalire ohwiibula Mahalaleli, yayiindira ohumala emyaaka emia chitaanu-na-chidatu neende amahumi kane (840). Kenani haandi yeebula abaana baandi abasyaani neende abahaana. 14Kenani yayiindira ohumala emyaaka emia chitaanu-na-chine neende ehumi (910); mani yaafwa.
15Mahalaleli niyayiindira ohumala emyaaka amahumi kasasaaba neende kitaanu, yeebula Jareedi. 16Mahalaleli n'amalire ohwiibula Jareedi, yayiindira ohumala emyaaka emia chitaanu-na-chidatu neende amahumi kadatu (830), mani haandi niyeebula abaana baandi abasyaani neende abahaana. 17Mahalaleli yayiindira ohumala emyaaka emia chitaanu-na-chidatu neende amahumi kataanu-na-kane neende kitaanu (895), mani yaafwa.
18Jareedi niyayiindira ohumala emyaaka emia ndala neende amahumi kasasaaba neende kibiri (162), yeebula Enoka. 19Jareedi n'amalire ohwiibula Enoka, yayiindira ohumala emyaaka emia chitaanu-na-chidatu (800), mani haandi yeebula abaana baandi abasyaani neende abahaana. 20Yareedi yayiindira emyaaka emia chitaanu-na-chine neende amahumi kasasaaba neende kibiri (962), yaafwa.
21Enoka niyayiindira ohumala emyaaka amahumi kasaasaba neende kitaanu yeebula Metuseela. 22Enoka n'amalire ohwiibula Metuseela, yakeenda neende Nasaae ohumala emyaaka emia chidatu (300), mani haandi yeebula abaana baandi abasyaani neende abahaana. 23Enoka yayiindira ohumala emyaaka emia chidatu neende amahumi kasasaaba neende kitaanu (365). 24#Abaib 11:5; Yuda 1:14.Enoka yakeenda neende Nasaae ohwoola lu yakotao Nasaae n'amutusireo sa n'atamwiitire.
25Metuseela yayiindira ohumala emyaaka emia ndala neende amahumi kataanu-na-kadatu neende kitaanu-na-kibiri (187), mani yeebula Lameki. 26Metuseela n'amalire ohwiibula Lameki, yayiindira ohumala emyaaka emia chitaanu-na-chibiri neende amahumi kataanu-na-kadatu neende kibiri (782), mani haandi yeebula abaana baandi abasyaani neende abahaana. 27Metuseela yayiindira ohumala emyaaka emia chitaanu-na-chine neende amahumi kasasaaba neende kitaanu-na-kine (969).
28Lameki niyayiindira ohumala emyaaka emia ndala neende amahumi kataanu-na-kadatu neende kibiri (182), yeebula omwaana musyaani, 29mani yaamulaanga Nowa, mani yaboola ati, “Ohutula mu loba li Omwaami yabwaaba, wuno niye ochia ohutuwuluusa mu mirimo kyeefwe neende muhudidiihana hw'emihono kyeefwe.” 30Lameki n'amalire ohwiibula Nowa, yayiindira ohumala emyaaka emia chitaanu neende amahumi kataanu-na-kane neende kitaanu (595), mani yeebula abaana baandi abasyaani neende abahaana. 31Lameki yayiindira ohumala emyaaka emia chitaanu neende chibiri neende amahumi kataanu-na-kabiri neende kitaanu-na-kibiri (777) mani yaafwa.
32Nowa niyayiindira ohumala emyaaka emia chitaanu (500), yeebula Seemu, Haamu, neende Yafeesi.
Trenutno izabrano:
Ohuchaaka 5: SAMDC
Istaknuto
Podijeli
Kopiraj
Želiš li da tvoje istaknuto bude sačuvano na svim tvojim uređajima? Kreiraj nalog ili se prijavi
©Bible Society of Kenya, 2019
©Bible Society of Uganda, 2019