མཐིཿ 8
8
1ཡདཱ ས པཪྻྭཏཱད྄ ཨཝཱརོཧཏ྄ ཏདཱ བཧཝོ མཱནཝཱསྟཏྤཤྩཱད྄ ཝཝྲཛུཿ།
2ཨེཀཿ ཀུཥྛཝཱན྄ ཨཱགཏྱ ཏཾ པྲཎམྱ བབྷཱཥེ, ཧེ པྲབྷོ, ཡདི བྷཝཱན྄ སཾམནྱཏེ, ཏརྷི མཱཾ ནིརཱམཡཾ ཀརྟྟུཾ ཤཀྣོཏི།
3ཏཏོ ཡཱིཤུཿ ཀརཾ པྲསཱཪྻྱ ཏསྱཱངྒཾ སྤྲྀཤན྄ ཝྱཱཛཧཱར, སམྨནྱེ྅ཧཾ ཏྭཾ ནིརཱམཡོ བྷཝ; ཏེན ས ཏཏྐྵཎཱཏ྄ ཀུཥྛེནཱམོཙི།
4ཏཏོ ཡཱིཤུསྟཾ ཛགཱད, ཨཝདྷེཧི ཀཐཱམེཏཱཾ ཀཤྩིདཔི མཱ བྲཱུཧི, ཀིནྟུ ཡཱཛཀསྱ སནྣིདྷིཾ གཏྭཱ སྭཱཏྨཱནཾ དརྴཡ མནུཛེབྷྱོ ནིཛནིརཱམཡཏྭཾ པྲམཱཎཡིཏུཾ མཱུསཱནིརཱུཔིཏཾ དྲཝྱམ྄ ཨུཏྶྲྀཛ ཙ།
5ཏདནནྟརཾ ཡཱིཤུནཱ ཀཕརྣཱཧཱུམྣཱམནི ནགརེ པྲཝིཥྚེ ཀཤྩིཏ྄ ཤཏསེནཱཔཏིསྟཏྶམཱིཔམ྄ ཨཱགཏྱ ཝིནཱིཡ བབྷཱཥེ,
6ཧེ པྲབྷོ, མདཱིཡ ཨེཀོ དཱསཿ པཀྵཱགྷཱཏཝྱཱདྷིནཱ བྷྲྀཤཾ ཝྱཐིཏཿ, སཏུ ཤཡནཱིཡ ཨཱསྟེ།
7ཏདཱནཱིཾ ཡཱིཤུསྟསྨཻ ཀཐིཏཝཱན྄, ཨཧཾ གཏྭཱ ཏཾ ནིརཱམཡཾ ཀརིཥྱཱམི།
8ཏཏཿ ས ཤཏསེནཱཔཏིཿ པྲཏྱཝདཏ྄, ཧེ པྲབྷོ, བྷཝཱན྄ ཡཏ྄ མམ གེཧམདྷྱཾ ཡཱཏི ཏདྱོགྱབྷཱཛནཾ ནཱཧམསྨི; ཝཱངྨཱཏྲམ྄ ཨཱདིཤཏུ, ཏེནཻཝ མམ དཱསོ ནིརཱམཡོ བྷཝིཥྱཏི།
9ཡཏོ མཡི པརནིདྷྣེ྅པི མམ ནིདེཤཝཤྱཱཿ ཀཏི ཀཏི སེནཱཿ སནྟི, ཏཏ ཨེཀསྨིན྄ ཡཱཧཱིཏྱུཀྟེ ས ཡཱཏི, ཏདནྱསྨིན྄ ཨེཧཱིཏྱུཀྟེ ས ཨཱཡཱཏི, ཏཐཱ མམ ནིཛདཱསེ ཀརྨྨཻཏཏ྄ ཀུཪྻྭིཏྱུཀྟེ ས ཏཏ྄ ཀརོཏི།
10ཏདཱནཱིཾ ཡཱིཤུསྟསྱཻཏཏ྄ ཝཙོ ནིཤམྱ ཝིསྨཡཱཔནྣོ྅བྷཱུཏ྄; ནིཛཔཤྩཱདྒཱམིནོ མཱནཝཱན྄ ཨཝོཙྩ, ཡུཥྨཱན྄ ཏཐྱཾ ཝཙྨི, ཨིསྲཱཡེལཱིཡལོཀཱནཱཾ མདྷྱེ྅པི ནཻཏཱདྲྀཤོ ཝིཤྭཱསོ མཡཱ པྲཱཔྟཿ།
11ཨནྱཙྩཱཧཾ ཡུཥྨཱན྄ ཝདཱམི, བཧཝཿ པཱུཪྻྭསྱཱཿ པཤྩིམཱཡཱཤྩ དིཤ ཨཱགཏྱ ཨིབྲཱཧཱིམཱ ཨིསྷཱཀཱ ཡཱཀཱུབཱ ཙ སཱཀམ྄ མིལིཏྭཱ སམུཔཝེཀྵྱནྟི;
12ཀིནྟུ ཡཏྲ སྠཱནེ རོདནདནྟགྷརྵཎེ བྷཝཏསྟསྨིན྄ བཧིརྦྷཱུཏཏམིསྲེ རཱཛྱསྱ སནྟཱནཱ ནིཀྵེསྱནྟེ།
13ཏཏཿ པརཾ ཡཱིཤུསྟཾ ཤཏསེནཱཔཏིཾ ཛགཱད, ཡཱཧི, ཏཝ པྲཏཱིཏྱནུསཱརཏོ མངྒལཾ བྷཱུཡཱཏ྄; ཏདཱ ཏསྨིནྣེཝ དཎྜེ ཏདཱིཡདཱསོ ནིརཱམཡོ བབྷཱུཝ།
14ཨནནྟརཾ ཡཱིཤུཿ པིཏརསྱ གེཧམུཔསྠཱཡ ཛྭརེཎ པཱིཌིཏཱཾ ཤཡནཱིཡསྠིཏཱཾ ཏསྱ ཤྭཤྲཱུཾ ཝཱིཀྵཱཉྩཀྲེ།
15ཏཏསྟེན ཏསྱཱཿ ཀརསྱ སྤྲྀཥྚཏཝཱཏ྄ ཛྭརསྟཱཾ ཏཏྱཱཛ, ཏདཱ སཱ སམུཏྠཱཡ ཏཱན྄ སིཥེཝེ།
16ཨནནྟརཾ སནྡྷྱཱཡཱཾ སཏྱཱཾ བཧུཤོ བྷཱུཏགྲསྟམནུཛཱན྄ ཏསྱ སམཱིཔམ྄ ཨཱནིནྱུཿ ས ཙ ཝཱཀྱེན བྷཱུཏཱན྄ ཏྱཱཛཡཱམཱས, སཪྻྭཔྲཀཱརཔཱིཌིཏཛནཱཾཤྩ ནིརཱམཡཱན྄ ཙཀཱར;
17ཏསྨཱཏ྄, སཪྻྭཱ དུརྦྦལཏཱསྨཱཀཾ ཏེནཻཝ པརིདྷཱརིཏཱ། ཨསྨཱཀཾ སཀལཾ ཝྱཱདྷིཾ སཨེཝ སཾགྲྀཧཱིཏཝཱན྄། ཡདེཏདྭཙནཾ ཡིཤཡིཡབྷཝིཥྱདྭཱདིནོཀྟམཱསཱིཏ྄, ཏཏྟདཱ སཕལམབྷཝཏ྄།
18ཨནནྟརཾ ཡཱིཤུཤྩཏུརྡིཀྵུ ཛནནིཝཧཾ ཝིལོཀྱ ཏཊིནྱཱཿ པཱརཾ ཡཱཏུཾ ཤིཥྱཱན྄ ཨཱདིདེཤ།
19ཏདཱནཱིམ྄ ཨེཀ ཨུཔཱདྷྱཱཡ ཨཱགཏྱ ཀཐིཏཝཱན྄, ཧེ གུརོ, བྷཝཱན྄ ཡཏྲ ཡཱསྱཏི ཏཏྲཱཧམཔི བྷཝཏཿ པཤྩཱད྄ ཡཱསྱཱམི།
20ཏཏོ ཡཱིཤུ རྫགཱད, ཀྲོཥྚུཿ སྠཱཏུཾ སྠཱནཾ ཝིདྱཏེ, ཝིཧཱཡསོ ཝིཧངྒམཱནཱཾ ནཱིཌཱནི ཙ སནྟི; ཀིནྟུ མནུཥྱཔུཏྲསྱ ཤིརཿ སྠཱཔཡིཏུཾ སྠཱནཾ ན ཝིདྱཏེ།
21ཨནནྟརམ྄ ཨཔར ཨེཀཿ ཤིཥྱསྟཾ བབྷཱཥེ, ཧེ པྲབྷོ, པྲཐམཏོ མམ པིཏརཾ ཤྨཤཱནེ ནིདྷཱཏུཾ གམནཱརྠཾ མཱམ྄ ཨནུམནྱསྭ།
22ཏཏོ ཡཱིཤུརུཀྟཝཱན྄ མྲྀཏཱ མྲྀཏཱན྄ ཤྨཤཱནེ ནིདདྷཏུ, ཏྭཾ མམ པཤྩཱད྄ ཨཱགཙྪ།
23ཨནནྟརཾ ཏསྨིན྄ ནཱཝམཱརཱུཌྷེ ཏསྱ ཤིཥྱཱསྟཏྤཤྩཱཏ྄ ཛགྨུཿ།
24པཤྩཱཏ྄ སཱགརསྱ མདྷྱཾ ཏེཥུ གཏེཥུ ཏཱདྲྀཤཿ པྲབལོ ཛྷཉྦྷྴནིལ ཨུདཏིཥྛཏ྄, ཡེན མཧཱཏརངྒ ཨུཏྠཱཡ ཏརཎིཾ ཚཱདིཏཝཱན྄, ཀིནྟུ ས ནིདྲིཏ ཨཱསཱིཏ྄།
25ཏདཱ ཤིཥྱཱ ཨཱགཏྱ ཏསྱ ནིདྲཱབྷངྒཾ ཀྲྀཏྭཱ ཀཐཡཱམཱསུཿ, ཧེ པྲབྷོ, ཝཡཾ མྲིཡཱམཧེ, བྷཝཱན྄ ཨསྨཱཀཾ པྲཱཎཱན྄ རཀྵཏུ།
26ཏདཱ ས ཏཱན྄ ཨུཀྟཝཱན྄, ཧེ ཨལྤཝིཤྭཱསིནོ ཡཱུཡཾ ཀུཏོ ཝིབྷཱིཐ? ཏཏཿ ས ཨུཏྠཱཡ ཝཱཏཾ སཱགརཉྩ ཏརྫཡཱམཱས, ཏཏོ ནིཪྻྭཱཏམབྷཝཏ྄།
27ཨཔརཾ མནུཛཱ ཝིསྨཡཾ ཝིལོཀྱ ཀཐཡཱམཱསུཿ, ཨཧོ ཝཱཏསརིཏྤཏཱི ཨསྱ ཀིམཱཛྙཱགྲཱཧིཎཽ? ཀཱིདྲྀཤོ྅ཡཾ མཱནཝཿ།
28ཨནནྟརཾ ས པཱརཾ གཏྭཱ གིདེརཱིཡདེཤམ྄ ཨུཔསྠིཏཝཱན྄; ཏདཱ དྭཽ བྷཱུཏགྲསྟམནུཛཽ ཤྨཤཱནསྠཱནཱད྄ བཧི རྦྷཱུཏྭཱ ཏཾ སཱཀྵཱཏ྄ ཀྲྀཏཝནྟཽ, ཏཱཝེཏཱདྲྀཤཽ པྲཙཎྜཱཝཱསྟཱཾ ཡཏ྄ ཏེན སྠཱནེན ཀོཔི ཡཱཏུཾ ནཱཤཀྣོཏ྄།
29ཏཱཝུཙཻཿ ཀཐཡཱམཱསཏུཿ, ཧེ ཨཱིཤྭརསྱ སཱུནོ ཡཱིཤོ, ཏྭཡཱ སཱཀམ྄ ཨཱཝཡོཿ ཀཿ སམྦནྡྷཿ? ནིརཱུཔིཏཀཱལཱཏ྄ པྲཱགེཝ ཀིམཱཝཱབྷྱཱཾ ཡཱཏནཱཾ དཱཏུམ྄ ཨཏྲཱགཏོསི?
30ཏདཱནཱིཾ ཏཱབྷྱཱཾ ཀིཉྩིད྄ དཱུརེ ཝརཱཧཱཎཱམ྄ ཨེཀོ མཧཱཝྲཛོ྅ཙརཏ྄།
31ཏཏོ བྷཱུཏཽ ཏཽ ཏསྱཱནྟིཀེ ཝིནཱིཡ ཀཐཡཱམཱསཏུཿ, ཡདྱཱཝཱཾ ཏྱཱཛཡསི, ཏརྷི ཝརཱཧཱཎཱཾ མདྷྱེཝྲཛམ྄ ཨཱཝཱཾ པྲེརཡ།
32ཏདཱ ཡཱིཤུརཝདཏ྄ ཡཱཏཾ, ཨནནྟརཾ ཏཽ ཡདཱ མནུཛཽ ཝིཧཱཡ ཝརཱཧཱན྄ ཨཱཤྲིཏཝནྟཽ, ཏདཱ ཏེ སཪྻྭེ ཝརཱཧཱ ཨུཙྩསྠཱནཱཏ྄ མཧཱཛཝེན དྷཱཝནྟཿ སཱགརཱིཡཏོཡེ མཛྫནྟོ མམྲུཿ།
33ཏཏོ ཝརཱཧརཀྵཀཱཿ པལཱཡམཱནཱ མདྷྱེནགརཾ ཏཽ བྷཱུཏགྲསྟཽ པྲཏི ཡདྱད྄ ཨགྷཊཏ, ཏཱཿ སཪྻྭཝཱརྟྟཱ ཨཝདན྄།
34ཏཏོ ནཱགརིཀཱཿ སཪྻྭེ མནུཛཱ ཡཱིཤུཾ སཱཀྵཱཏ྄ ཀརྟྟུཾ བཧིརཱཡཱཏཱཿ ཏཉྩ ཝིལོཀྱ པྲཱརྠཡཱཉྩཀྲིརེ བྷཝཱན྄ ཨསྨཱཀཾ སཱིམཱཏོ ཡཱཏུ།
Trenutno izabrano:
མཐིཿ 8: SANTI
Istaknuto
Podijeli
Kopiraj
Želiš li da tvoje istaknuto bude sačuvano na svim tvojim uređajima? Kreiraj nalog ili se prijavi
© SanskritBible.in । Licensed under Creative Commons Attribution-ShareAlike 4.0 International License.
