Luglaa 5
5
Andama naanna wia
1Kenne Andama naanna hiŋzi dɔŋa ni.
Kɔraawiizi n ta newea, u ma baabuu, ba ɛɛ lugɔu. 2U faa ta baabuu, ba ɛɛ baal ni haaŋ, kissi baa, di ra yir baa ‘newea.’
3Andama n wa di binni kalfa ni tokko ni kpɔrgɔ, u lul biibaal, u du lugɔu, u dau u sɔŋ Sɛf. 4Baŋ lul Sɛf la, Andama kaa di binni kalfa ŋmantannaazi, ka kaa lul biibaala ani biihaana kpila maa di jaa. 5Binni kalfa kabɛl ni tokko ni kpɔrgɔɔ u di, ka haa siu.
6Andama biibaal Sɛf ge n wa di binni kalfa ni anue, u ge lul Ɛnɔs. 7Uŋ wa luluu, u kaa di binni kalfa ŋmantannaazi ni aniidaanɛɛ, ka kaa lul biibaala ani biihaana ge di jaa. 8Binni kalfa kabɛl ni fidaanɛɛrɛ Sɛf di, ka siu.
9Ɛnɔs ge n wa di binni tokkoanaazu ni fi, u lul Kɛnan. 10Uŋ wa luluu, u kaa di binni kalfa ŋmantannaazi ni fidaanue, ka kaa lul biibaala ni biihaana baŋhina jaa, 11mɔɔ ka u siu, u binni faa du kalfa kabɛl ni anue.
12Ɛnɔs biibaal Kɛnan ge n wa di binni tokkoahoro ni fi, u lul Mahalalɛl. 13Uŋ wa luluu, u di binni kalfa ŋmantannaazi ni tokkoanɛɛ, ka ge kaa lul biibaala ni biihaana baŋhina di jaa 14mɔɔ ka u wa siu, u binni faa du kalfa kabɛl ni fi.
15Mahalalɛl ge n wa di binni tokkoahoro ni anue, u lul u biibaal Jarɛd. 16Uŋ wa luluu, u di binni kalfa ŋmantannaazi ni tokko ni kpɔrgɔ di jaa, ka kaa lul biibaala ni biihaana kpila maa. 17Awia, u faa di binni kalfa ŋmantannaazi ni tokkoanaazu ni fidaanuere, ka haa siu.
18Mehalalɛl biibaal Jarɛd ge n wa di binni kalfa ni tokkoahoro ni anɛɛ, u ge lul Ɛnɔk. 19Uŋ wa luluu la, u di binni kalfa ŋmantannaazi di jaa. A guŋ saŋa, u faa kaa lul biikpila maa, 20ka siu u binni kalfa kabɛl ni tokkoahoro ni anɛɛhiŋ biini.
21Ɛnɔk ge n wa di binni tokkoahoro ni anue, u lul Mɛtusɛla. 22Uŋ wa luluu, u faa ra hiŋ Kɔraawiizi binni kalfaahoro. A binni biini, u faa kaa lul biikpila maa jaa, 23ka siu u binni kalfaahoro ni tokkoahoro ni anue saŋa. 24U faa hiŋ Kɔraawiizii u de dui saŋa, ka faa wa leu nɛra siwee kakpaŋ, dikuubɛɛwiai, Kɔraawiizi faa kpaubuu kaali u be.#Hib 11:5
25Mɛtusɛla la ge n wa di binni kalfa ni tokkoanaazu ni aniidaanɛɛ, u lul u biibaal, ba faa ra yiruu Lamɛk. 26Uŋ wa luluu, u kaa di binni kalfaaniidaanɛɛ ni tokkoanaazu ni anɛɛ. A saŋa, u faa kaa lul biibaala ni biihaana baŋhina jaa. 27U faa di binni kalfa kabɛl ni tokkoahoro ni kabɛllɛ, ka haa siu.
28Mɛtusɛla biibaal Lamɛk la ge n wa di binni kalfa ni tokkoanaazu ni anɛɛ, u lul biibaal, 29di ŋɔ, “Hɛri la Kɔraawiizi n seeŋ nua la, bie naabuu niŋ lizi yaa lii yaa tɔɔrɔɔ maa biini.” Awia, u sɔnnɛ Noowa. 30Lamɛk faa haa di binni kalfaanue ni tokkoanaazu ni fidaanuere jaa, ka faa kaa lul biibaala ni biihaana baŋhina a guŋ saŋa. 31Uŋ wa di binni kalfaaniidaanɛɛ ni tokkoahoro ni aniidaanɛɛ, u jaa siu.
32Noowa n faa wa di binni kalfaanue, u faa lul biibaala bahoro, ba sɔnaa Sɛm, Ham ani Jafɛf.
Trenutno izabrano:
Luglaa 5: vag
Istaknuto
Podijeli
Kopiraj
Želiš li da tvoje istaknuto bude sačuvano na svim tvojim uređajima? Kreiraj nalog ili se prijavi
© 2017, Copyright Ghana Institute of Linguistics, Literacy and Bible Translation in co-operation with Wycliffe Bible Translators, Inc.